Connect with us

KPT+

តួអង្គ​ភ័យ​រន្ធត់​នៅ​ក្នុង​សៀវភៅ​ប្រឌិត​​ ដែល​ធ្លាប់​មាន​ពិត​មែន​លើ​ផែនដី​នេះ

បានផុស

នៅ

លើ​លោក​នេះ​មាន​រឿងរ៉ាវ​ច្រើន​ណាស់​ដែល​ពិត​ជា​មិន​គួរ​ឲ្យ​ជឿ​ទាល់​តែ​សោះ រហូត​ពេល​ខ្លះ មនុស្ស​យើង​គិត​ថា អាច​នឹង​មាន​តែ​ក្នុង​រឿង​និទាន ឬ​ប្រលោមលោក​ប៉ុណ្ណោះ។ តួយ៉ាង​ដូច តួអង្គ​ក្នុង​ព្រេង​និទាន​ខ្លះ ​ដែល​មាន​សភាព​ខុស​ឆ្ងាយ​ពី​ជីវិត​ពិត​ខ្លាំង​មែនទែន ទើប​មនុស្ស​មិន​ជឿ​ថា​មាន​ពិត​មែន​លើ​ផែនដី​នេះ​ឡើយ។

យ៉ាងណាមិញ តួអង្គ ២ នេះ​ពិត​ជា​បាន​កើតមាន​ក្នុង​ពិភពលោក​យើង​ពី​មុន​មក​ប្រាកដ​មែន។

១. “បុរស​ព្រៃ” Petrus Gonsalvus

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រហែល​គ្នា​យើង​ធ្លាប់​ដឹង​ពី​រឿង​និទាន ព្រះនាង​ស្រស់​ស្អាត​និង​សត្វ​ចម្លែក(Beauty and the Beast) ដែល​និយាយ​ពី​មនុស្ស​ស្រី​សោភា​ម្នាក់​បាន​ស្រឡាញ់​ជាមួយ​សត្វព្រៃ។

តាមការពិត រឿង​នេះ​មាន​គំរូ​ប្រាកដ​មែន ប៉ុន្តែ​មាន​មនុស្ស​តិចណាស់​បាន​ឮ​ពី​វា។  រឿង​ពិត​ចាប់ផ្ដើម​នៅ​ក្នុង​ឆ្នាំ ១៥៣៧ នៅកោះ Tenerife ប្រទេស​អេស្ប៉ាញ ដែល​មាន​ទារក​ម្នាក់​ឈ្មោះ Petrus Gonsalvus ប្រសូត​មក​ជាមួយ​នឹង​រោម​គ្រប​ពេញ​ខ្លួនប្រាណ។

ឪពុកម្ដាយ​គិត​ថា កូន​របស់​ខ្លួន​មាន​ជំងឺ​បិសាច (កាលណោះ​គ្មាន​នរណា​ស្គាល់​ជំងឺ hypertichosis ទេ) ហើយ​នៅ​ពេល Petrus អាយុ ១០ ឆ្នាំ ពួកគេ​បាន​លក់​គេ​ទៅ​ឲ្យ​ចោរ​សមុទ្រ​បារាំង។ ពួក​ចោរ​បាន​ហៅ​ក្មេង​ប្រុស​នេះ​ថា “ បុរស​ព្រៃ” រួច​បាន​នាំ​គេ​ទៅ​ថ្វាយ​ស្ដេច​ហេនរីទី ២ (Henri II) នៃ​ប្រទេស​បារាំង។

ស្ដេចហេនរីទី ២ ស្រឡាញ់​ចូលចិត្ត Petrus​ ព្រោះ​គេ​ឆ្លាតវៃ។ ក្មេងព្រៃ​រូប​នេះ​បាន​ទទួល​ការ​ផ្គត់ផ្គង់ និង​ការ​អប់រំ​ពី​វាំង​បាន​យ៉ាង​ល្អ។  ក្រោយ​ស្ដេច​ហេរីរីទី ២ សោយទិវង្គត មហេសី​ព្រះអង្គ​ព្រះនាង Catherine បាន​មើលថែ Petrus បន្ត និង​បាន​រៀប​អាពាហ៍ពិពាហ៍​គេ​ជាមួយ​នឹង​ម្ចាស់​ក្សត្រី​ទ្រង់​ផ្ទាល់ ។

ពួកគេ​មាន​កូន ៦ នាក់ ក្នុង​នោះ ៤ នាក់​មាន​សណ្ឋាន​ដូច​ឪពុក។ ប៉ុន្តែ​បន្ទាប់​ពី​មរណភាព​ក្សត្រី Catherine de Médici លោក Petrus Gonsalvus ពុំ​ទទួល​បាន​ការ​ពេញចិត្ត​ពី​ខ្សែ​រាជវង្ស​ឡើយ។ ដូច្នេះ បុរស​ព្រៃ Petrus បាន​នាំ​ក្រុម​គ្រួសារ​ទៅ​រស់​ក្នុង​ក្រុង Viterbo នៅ​ប្រទេស​អ៊ីតាលី ហើយ​លោក​បាន​ស្លាប់​នៅ​ទីនោះ ក្នុង​វ័យ ៨១ ឆ្នាំ។

រឿង​របស់​លោក Petrus Gonsalvus មិន​ត្រឹម​តែ​ជា​មូលហេតុ​នៅ​ពីក្រោយ​រឿង “Beauty and the Beast” ប៉ុណ្ណោះ​ទេ ប៉ុន្តែ​ក៏​ជា​កត្តា​ជំរុញ​ឲ្យ​អ្នក​វិទ្យាសាស្ត្រ​សិក្សា​អំពី​ជំងឺ hypertrichosis ផង​ដែរ។

២. “កីឡាករ​បាល់ទាត់​មាន​ជើង ៣” Francesco Lentini

លោក Francesco Lentini កើត​នៅ​ប្រទេស​អ៊ីតាលី ក្នុងឆ្នាំ ១៨៨៩។ កាល​ម្ដាយ​មាន​គភ៌​គេ​បាន​ដឹង​ថា គាត់​មាន​កូន​ភ្លោះ ប៉ុន្តែ​នៅ​ពេល​សម្រាល Francesco ពុំ​មាន​បងប្អូន​ភ្លោះ​ទេ តែ​បែរ​ជា​គេ​មាន​ជើង ៣ ទៅវិញ។

លោក Francesco មាន​បង​ប្អូន​ប្រុស​ស្រី​ចំនួន ១១ នាក់ ប៉ុន្តែ​ពួកគេ​សុទ្ធ​តែ​មាន​រាង​កាយ​ធម្មតា​ទាំងអស់។ ឪពុកម្ដាយ​ក្មេងជើង៣ បាន​បដិសេធ​មិន​ចិញ្ចឹម​កូន​ប្រុស​ពិសេស​នេះ​ទេ ដោយ​បាន​ឲ្យ​គេ​ទៅ​ម្ដាយ​មីង ហើយ​ក្រោយ​មក​គេ​បាន​បញ្ជូន Francesco ​ទៅ​រស់នៅ​មណ្ឌល​កុមារ​កំព្រា​និង​កុមារ​ពិការ។

បុរសជើង៣ និយាយ​ដូច្នេះ លោក​ធ្លាប់​គិត​ថា ខ្លួន​ជា​ក្មេង​ដែល​អភ័ព្វ​ជាង​គេ​លើ​លោក ប៉ុន្តែ​ពេល​ខ្លួន​បាន​ឃើញ​ក្មេងៗ​ដែល​មិន​​អាច​ស្ដាប់​ឮ ឬ​អសមត្ថភាព​ផ្លូវ​ចិត្ត​ផ្សេង​ទៀត ទើប​លោក​យល់ថា បញ្ហា​របស់​ខ្លួន​មិន​ធ្ងន់ធ្ងរ​នោះ​ទេ ព្រោះ​ហោច​ណាស់​លោក​អាច​មើល​ឃើញ​ពិភពលោក​ដ៏​ស្រស់​ស្អាត​បាន។

នៅ​អាយុ ៨ ឆ្នាំ ក្មេង​ប្រុស​នេះ បាន​សម្រេចចិត្ត​រៀន​ប្រើ​រាងកាយ​របស់​ខ្លួន​ឲ្យ​មាន​ប្រយោជន៍ ដោយ​រៀន​ជិះ​កង់ ហើយ​លេង​បាល់ទាត់។ គេ​បាន​ផ្លាស់​ទៅ​រស់នៅ​សហរដ្ឋ​អាមេរិក​នៅ​ពេល​ធំ​ឡើង និង​ក្លាយ​ជា​អ្នក​សម្ដែង​សៀក​នៅ​ទីនោះ។

ការ​សម្ដែង​សៀក​របស់​បុរសជើង ៣ រូបនេះ មាន​ប្រជាប្រិយភាព​ខ្លាំង  ហើយ​ក្រោយ​ជោគជ័យ​លើ​ទឹកដី​ថ្មី លោក​បាន​សម្រេចចិត្ត​សរសេរ​ជីវប្រវត្តិ​របស់​ខ្លួន​លក់ នៅ​ក្នុង​កម្មវិធី​សម្ដែងម្ដងៗ។ នៅ​ក្នុងសៀវភៅ Francesco លោក​សរសេរ​ពី​របៀប​ដែល​ខ្លួន​បាន​រៀន​រស់នៅ​ជាមួយ​បញ្ហា និង​ពន្យល់​ពី​វិធី​ដែល​លោក​បាន​ធ្វើ​ដើម្បី​ក្លាយ​ជា​អ្នក​សម្ដែង​សៀក។

លើសពីនេះ​ទៀត Francesco បាន​ព្យាយាម​សិក្សា​ស្វែងយល់​នូវ​បញ្ហា​ផ្សេងៗ​ពេល​ស្ត្រី​មាន​ផ្ទៃពោះ និង​ចែករំលែក​ការ​រក​ឃើញរបស់ខ្លួនជាមួយស្ត្រី​មាន​គភ៌​ទាំងឡាយ ដើម្បី​ឲ្យ​កូន​កើត​មក​មាន​សុខភាព​ល្អ​និង​រាង​កាយ​ប្រក្រតី។

នៅវ័យ ៣០ ឆ្នាំ Francesco បានក្លាយជាពលរដ្ឋអាមេរិកពេញលេញ ហើយ​បាន​រៀបការ​ជាមួយ​នារី​ម្នាក់​ឈ្មោះ Theresa Murrey ។ ពួកគេប្រសូត្របានកូន ៤ នាក់ ដែល​សុទ្ធ​តែ​មាន​សុខភាព​ល្អ។ លោក Francesco បាន​បន្ត​ការងារ​ជា​អ្នក​សម្ដែង​សៀក​ពេញ​មួយជីវិត រហូត​ដល់​លោក​ទទួល​មរណភាព​ក្នុង​អាយុ ៧៧ ឆ្នាំ៕

ប្រែសម្រួល៖ សន្យា

ប្រភព៖ Brightside

ចុចអាន៖ជីវិត​លឿន​ណាស់ រស់នៅ​ឲ្យ​បាន​ពេញលេញ​ទើប​មិន​សោកស្ដាយ

ចុចអាន៖ហេតុផល ៦យ៉ាង ​ដែល​យើង​គួរ​គិត​​ហើយ​គិត​ទៀត​ មុន​សម្រេចចិត្តចាក់​សាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៨ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៨ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៩ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៩ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម