ឱកាសអាហារូបករណ៍ បណ្ឌិតសភាចារ្យ ហង់ជួន ណារ៉ុន ១០០% វគ្គខ្លី «គរុកោសល្យ និងវិធីសាស្ត្របង្រៀនបែបថ្មី» ២០កន្លែង

វិទ្យាស្ថានគរុកោសល្យបាត់ដំបង កាលពីរសៀលថ្ងៃទី០៥ ខែកក្កដា ឆ្នាំ២០២៦ បានប្រកាសផ្តល់អាហារូបករណ៍ បណ្ឌិតសភាចារ្យ ហង់ជួន ណារ៉ុន ១០០% ចំនួន២០កន្លែង សម្រាប់វគ្គសិក្សាខ្លី «គរុកោសល្យ និងវិធីសាស្ត្របង្រៀនបែបថ្មី» (វគ្គទី១១) ក្នុងក្របខណ្ឌកម្មវិធីអភិវឌ្ឍវិជ្ជាជីវៈជាប្រចាំរបស់វិទ្យាស្ថាន។

អាហារូបករណ៍នេះ ផ្តោតលើការគាំទ្រគ្រូបង្រៀនកិច្ចសន្យា សាមណនិស្សិត និងនិស្សិត ដែលមានបំណងពង្រឹងសមត្ថភាពគរុកោសល្យ និងស្វែងយល់ពីវិធីសាស្ត្របង្រៀនបែបទំនើប ដើម្បីលើកកម្ពស់គុណភាពនៃការបង្រៀន និងការរៀន។

បើតាមសេចក្តីជូនដំណឹងរបស់វិទ្យាស្ថាន វគ្គសិក្សាខ្លី «គរុកោសល្យ និងវិធីសាស្ត្របង្រៀនបែបថ្មី» (វគ្គទី១១) នឹងបើកដំណើរការនៅខែសីហា ឆ្នាំ២០២៦ ។ ឯកាលវិភាគសិក្សា មានបែងចែកជា ២ ៖
– ពីថ្ងៃចន្ទ ដល់ថ្ងៃសុក្រ ៖ សិក្សាតាមប្រព័ន្ធអនឡាញ។
– ថ្ងៃសៅរ៍ និងថ្ងៃអាទិត្យ ៖ សិក្សាផ្ទាល់នៅវិទ្យាស្ថាន។

សម្រាប់លោកគ្រូ អ្នកគ្រូ សមណនិស្សិត និងនិស្សិតដែលមានបំណងចង់បានឱកាសអាហារូបករណ៍នេះ អាចទាក់ទងសាកសួរព័ត៌មានបន្ថែម និងចុះឈ្មោះតាមរយៈលេខទូរសព្ទ ០៩២ ៥៨២ ៧៧២ / ០១២ ៥៤៤ ៦១៦ / ០១៥ ៥៨២ ៧៤២ / ០៩៦ ៦៦៦ ០៩៧៦ ឬចូលទៅកាន់ក្រុមតេឡេក្រាមវគ្គសិក្សា វ.គ.ប ដើម្បីសាកសួរព័ត៌មានលម្អិត៖ https://t.me/btec_cpd ៕