ទ្រឹស្ដីព្រះពុទ្ធ៖ លក្ខណ:សម្បត្តិ ៥យ៉ាងនៃអ្នកស្ដាប់ដ៏ល្អម្នាក់

ការស្ដាប់គឺជាអង្គមួយនៅក្នុងចំណោមអង្គទាំង ៤ របស់សិក្សា ហើយត្រូវបានគេទទួលស្គាល់ថា វាពិតជាសំខាន់ និងផ្ដល់ប្រយោជន៍ច្រើនសម្រាប់មនុស្សយើងគ្រប់គ្នា។ នៅក្នុងទ្រឹស្ដីព្រះពុទ្ធសាសនាបាននិយាយថា បុគ្គលដែលជាអ្នកស្ដាប់ដ៏ល្អតែតែមានលក្ខណៈ ៥យ៉ាងជាប់ខ្លួន៖

១. មិនមើលងាយពាក្យដែលកំពុងស្ដាប់

នៅពេលដែលយើងមិនមើលងាយពាក្យដែលកំពុងស្ដាប់ យើងនឹងឱ្យតម្លៃនូវពាក្យទាំងនោះ។

២. មិនមើលងាយបុគ្គលដែលកំពុងតែពោល

នៅពេលដែលយើងមើលងាយពាក្យដែលកំពុងពោល យើងនឹងយល់ថា បុគ្គលនោះមិនមានឱ្យតម្លៃគួរឱ្យស្ដាប់។

៣. មិនមើលងាយខ្លួនឯងថាមិនសមនឹងស្ដាប់

កាលដែលយើងមើលងាយខ្លួនឯងថាមិនសមនឹងស្ដាប់មានន័យថា យើងកំពុងតែដាក់ខ្លួនជ្រុល និងលើកតម្កើនខ្លួនជ្រុល។

៤. មិនមានចិត្តរវើរវាយក្នុងពេលកំពុងស្ដាប់

បើចិត្តយើងរវើរវាយ ច្បាស់ណាស់ថាយើងនឹងមិនទទួលបាននូវអ្វីដែលគេបាននិយាយឱ្យយើងស្ដាប់ឡើយ។

៥. មានចិត្តនឹងក្នុងអារម្មណ៍តែមួយ ពោលគឺយកចិត្តទុកដាក់ដោយប្រាជ្ញា

ស្ងប់ រក្សាចិត្តនឹងក្នុងការស្ដាប់ ហើយត្រិះរិះនូវសេចក្ដីដែលគេបានប្រាប់ដោយបញ្ញា៕

អត្ថបទ៖ ស្នង នេត្រា

ចុចអាន៖ ពូកែ​ស្ដាប់ ជា​ចរិត​មេដឹកនាំ! ៧ចំណុច​បង្កើន​សមត្ថភាព​ស្ដាប់

ចុចអាន៖ ជំនាញ​ទំនាក់ទំនង៖ ការ​ស្ដាប់ យ៉ាង​សកម្ម​និង​មាន​ប្រសិទ្ធភាព