ពូកែ​ស្ដាប់ ជា​ចរិត​មេដឹកនាំ! ៧ចំណុច​បង្កើន​សមត្ថភាព​ស្ដាប់
Connect with us
Helistar Cambodia - Helicopter Charter Services

អាជីព

ពូកែ​ស្ដាប់ ជា​ចរិត​មេដឹកនាំ! ៧ចំណុច​បង្កើន​សមត្ថភាព​ស្ដាប់

Published

on

ឆ្ងល់​ទេ​ថា អ្នក​ខ្លះ​ស្ដាប់​ច្រើន​នោះ​ច្រើន តែ​ហាក់​មិន​ចាប់​អ្វី​មិន​បាន​សោះ? នៅ​ទីនេះ​យើង​មាន​វិធី​ដើម្បី​ឲ្យ​ការ​ស្ដាប់​មាន​ប្រសិទ្ធភាព ដោយ​មិន​ចំណាយ​ពេល​ឥតប្រយោជន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មើល​មុខ​និង​សម្លឹង​ភ្នែក​ឲ្យ​ចំ

នៅ​ក្នុង​វប្បធម៌​លោក​ខាងលិច ការ​សម្លឹងភ្នែកចំត្រូវបានគេចាត់ទុកថាជាគ្រឿងផ្សំមូលដ្ឋានដ៏សំខាន់មួយនៃទំនាក់ទំនងប្រកបដោយប្រសិទ្ធភាព។ ពេលនិយាយគ្នាពួកគេ ចាំបាច់ត្រូវតែមើលមុខគ្នា។ ដូចគ្នាដែរយើងគួរធ្វើបែបនេះ ព្រោះវាបញ្ជាក់ពីការយកចិត្តទុកដាក់និងភាពក្លាហានរបស់យើង។

បើកចំហរចិត្ត

ក្លាយជាអ្នកស្តាប់ល្អដោយកុំវិនិច្ឆ័យអ្នកដទៃ ឬរិះគន់ផ្លូវចិត្តគេឲ្យសោះ។ ប្រសិនបើយើងនិយាយអ្វីដែលយើងមិនពេញចិត្តភ្លាមៗ វាអាចនាំឲ្យអ្នកនិយាយរំជួលចិត្ត ឬមានអារម្មណ៍តក់ស្លុត​ និងគ្មានសមាធិបន្តការនិយាយទៀត។ គួររៀនបើកចំហរចិត្តឲ្យទូលាយទទួលយកគំនិតពួកគេ ដោយកុំងាយវិនិច្ឆ័យលឿនពេក។

ព្យាយាមស្រមៃនូវអ្វីដែលអ្នកនិយាយកំពុងបង្ហាញ

បើកចិត្តទទួលព័ត៌មានដែលអ្នកនិយាយកំពុងបង្ហាញ តាមរយៈពាក្យរបស់ពួកគេដោយស្រមៃជារូបភាពផ្សេងៗតាមដែលអាចធ្វើបាន។ មិនថារូបភាពអ្វីទេ ឲ្យតែយើងយល់ថាទាក់ទងនឹងប្រធានបទដែលកំពុងស្ដាប់ នោះចូរឲ្យខួរក្បាលស្រមៃទាំងអស់ ដើម្បីឲ្យយើងចងចាំការនិយាយនោះបានល្អ។

កុំរំខាន និងដាក់ដំណោះស្រាយ

ពេលកំពុងស្ដាប់ យើងគួរចៀសវាងកុំខ្សិបខ្សៀវលឹបល ជជែកគ្នា ឬសើចក្អាកក្អាយដែលបង្កបរិយាកាសមិនល្អដល់ជំនួប ឬអ្នកនិយាយ។ ក្រៅពីនោះការបដិសេធភ្លាមៗ និងដាក់ដំណោះសា្រយឲ្យគេភ្លាមៗក៏មិនគួរធ្វើដែរ ខណៈដែលពួកគេនិយាយមិនទាន់ចប់។

រង់ចាំអ្នកនិយាយផ្អាកសិន ចាំសួរសំណួរ

នៅពេលដែលយើងមិនយល់អ្វីមួយ យើងគួរតែស្នើសុំឱ្យអ្នកនិយាយពន្យល់បន្ថែម។ ប៉ុន្តែជាជាងការរំខាននាំឲ្យកាត់ចង្វាក់អ្នកនិយាយ យើងគួររង់ចាំរហូតដល់អ្នកនិយាយឈប់ជាមុនសិន ចាំសួរពួកគេ។

ព្យាយាមដាក់អារម្មណ៍ជាមួយអ្នកនិយាយ

អ្នកនិយាយទូទៅតែងផ្លាស់ប្ដូររលកសំឡេងនៃការនិយាយ ក៏ដូចជាបង្ហាញអារម្មណ៍ពីក្នុងប្រធានបទរបស់ខ្លួនចំពោះអ្នកស្ដាប់។ ហេតុនេះពេលនិយាយពួកគេរមែងបញ្ចេញអារម្មណ៍ដូចជា រីករាយ តក់ស្លុត សោកសៅ យំយែកជាដើម។ ដូច្នេះយើងគួរបញ្ចូលខ្លួននិងអារម្មណ៍ទៅតាមសាច់រឿងទាំងនោះដែរ។

បញ្ចេញមតិយោបល់ទៅអ្នកនិយាយ

ចុងក្រោយ យើងអាចបង្ហាញអ្វីដែលយើងយល់លើប្រធានបទ ដោយឆ្លុះបញ្ចាំងពីអារម្មណ៍របស់យើងទៅកាន់អ្នកនិយាយដោយស្មោះក្នុងន័យកែលម្អ និងប្រាកដថាមិនរិះគន់ជាន់ពន្លិចគេ។ ការបញ្ចេញយោបល់ជាការល្អដើម្បីបញ្ជាក់ថា យើងស្ដាប់បានល្អនិងចង់ភាពល្អប្រើបន្ថែមទៀតនៅពេលក្រោយ៕

ប្រែសម្រួល៖ សន្យា

ប្រភព៖ Forbes

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ20 mins ago

ដកហូតស័ក្តិឧត្តមសេនីយ៍ អ៊ុង ចាន់ធួក និងបណ្តេញចេញពីក្របខណ្ឌមន្ត្រីនគរបាលជាតិ ក្រោយផឹកស៊ី រាំ ច្រៀង ល្មើសបម្រាម

ព័ត៌មានជាតិ23 mins ago

តុលាការរាជធានីសម្រេចផ្អាកសវនាការក្នុងអំឡុងពេលបិទខ្ទប់រាជធានីភ្នំពេញ

ជីវិតកម្សាន្ដ31 mins ago

អ្នក​គាំទ្រ​ស្ងើច​នឹង​សម្រស់ Mai Davika ពេល​តែង​ខ្លួន​ស្ទាយ៍​ថ្មី​មួយ​បែប​ទៀត

ព័ត៌មានអន្ដរជាតិ32 mins ago

យោធាមីយ៉ាន់ម៉ាដោះលែងអ្នក ទោស ជាង ២៣,០០០ នាក់ តែគ្មានសកម្មជនដែលចាប់ខ្លួន អំឡុងរដ្ឋប្រហារ ១ កុម្ភៈ នោះទេ

ព័ត៌មានជាតិ37 mins ago

អនុប្រធានចលនាយុវជនកម្ពុជា១៥៧ សាខាខេត្តតាកែវ នាំយកអំណោយប្រគល់ជូនរដ្ឋបាលស្រុកកោះអណ្តែត

Sokha Hotels

ព័ត៌មានពេញនិយម

Helistar Cambodia - Helicopter Charter Services