សញ្ញាទាំង ៨ បង្ហាញថា អ្នកជាមនុស្សដែលមិនគោរពខ្លួនឯង ​ឬឲ្យតម្លៃទាប

មនុស្សដែលមានការគោរពខ្លួនឯងខ្ពស់ ចូលចិត្តសម្លឹងមើលជីវិតដោយពន្លឺសុទិដ្ឋិនិយម។ ចំណែកមនុស្សដែលមានការគោរពខ្លួនឯងទាប មានទំនោរមិនចង់ដឹងពីគុណតម្លៃខ្លួនឯងទាល់តែសោះ។

សញ្ញាទាំង ៨ បង្ហាញថា​ អ្នកមានការគោរពខ្លួនឯងទាប​ និងមិនសូវឲ្យ​តម្លៃ​ខ្លួន​។

១ គ្មានទំនុកចិត្ត ជា​ញឹកញាប់ ​មិនជឿជាក់។ មិនស្រួលក្នុងការធ្វើអ្វីមួយ ភ័យៗគ្មានទំនុកចិត្ត និយាយម្ដងៗញ័រសម្លេងហើយអ្វីក៏មិនអាចធ្វើបាន ត្រឹមធ្វើបន្លំៗ។

២ តែងតែដាក់ខ្លួនឯងនៅក្នុងការប្រៀបធៀបជាមួយគេ មនុស្សដែលមិនមានមោទនភាពចំពោះខ្លួនឯង តែងចូលចិត្តប្រៀបធៀបខ្លួនទៅនឹងអ្នកដទៃ។ ល្អឬអាក្រក់ជាការពិត ​ពេលខ្លះ​វា​អាចជួយជំរុញ​អ្វីមួយ ប៉ុន្តែនៅទីបញ្ចប់ វាអាចធ្វើឲ្យ​យើងមាន​អារម្មណ៍​ថា ​ខ្លួនឯងកាន់​តែ​ពិបាក​ជាង​មុនទៅវិញនោះទេ។

៣ ចូលចិត្តវិនិច្ឆ័យខ្លួនឯងពីអតីតកាល មនុស្សប្រភេទនេះ តែងតែវិនិច្ឆ័យខ្លួនឯងជាមួយរឿងអតីតកាល។ បើមួយថ្ងៃៗគិតតែរឿង​អវិជ្ជមាន ​តើ​យើង​អាចធ្វើ​ឲ្យ​ខ្លួនឯង​ប្រសើរ​ឡើង​បាន​យ៉ាង​ដូចម្ដេច​ ហើយ​ជារឿយៗ​ បើ​យើង​គិតតែ​លង់​ក្នុង​អតីតកាល សឹងតែមិនលោះពេលនោះ។ តើរឿងល្អ អាចចូលមកជីវិតយើងបានយ៉ាងដូចម្ដេច។

៤ និយាយជាមួយខ្លួនឯងតែរឿងអវិជ្ជមាន យើងមានទំនោរបន្ទោសខ្លួនឯង ជាជាងសរសើរ ហើយមានទំនោរចង់និយាយអវិជ្ជមានអំពីខ្លួនឯង យើងតែងតែបន្ទោសអ្វីៗគ្រប់យ៉ាង ដែលទាក់ទងនឹងខ្លួនយើង។ នោះជីវិតក៏ជួបតែរឿងអវិជ្ជមានប៉ុណ្ណឹងឯង។

៥ ភ័យខ្លាចនៃការបរាជ័យ ដោយសារតែគាត់ខ្វះភាពទាក់ទាញ យើងតែងគិតថា យើង​មិនអាចធ្វើអ្វីបានទេ ដើម្បីឈានទៅរកជោគជ័យដូចគេ។ ការភ័យខ្លាចក្នុងការធ្វើអ្វីមួយ តែងតែបរាជ័យ ជារឿយៗយើងក៏បោះបង់ចោលដោយមិនព្យាយាមធ្វើ​ឲ្យ​អស់​ពី​សមត្ថភាពសិន។

៦ មិន​ហ៊ាន​កំណត់​ព្រំដែន​ផ្ទាល់ខ្លួន មនុស្សគួរតែមានព្រំដែនផ្ទាល់ខ្លួន។ មានកន្លែងផ្ទាល់ខ្លួនដែលមិនគួរជ្រៀតជ្រែកអ្នកដទៃខ្លាំងពេក មនុស្សដែលមានការគោរពខ្លួនឯងទាប មានទំនោរខ្លាចអ្នកដទៃ។ អនុញ្ញាត​ឲ្យ​អ្នកដទៃធ្វើអ្វីតាមតែពួកគេ​ចង់បាន។ បើគេធ្វើឬលូករឿងអ្នកច្រើនពេក រៀនថាឲ្យ រៀនបដិសេធខ្លះ។

៧ តែងតែរកវិធីដើម្បីពឹងផ្អែកលើអ្នកដទៃ ជាការពិត នៅក្នុងជីវិតយើងមិនអាចធ្វើអ្វីម្នាក់ឯង​បានគ្រប់ពេលនោះទេ ​ប៉ុន្តែមនុស្សដែលមានជំនឿលើខ្លួនឯងទាប ​មាននិន្នាការរកវិធី ដើម្បីពឹងផ្អែកលើអ្នកដទៃគ្រប់ពេលវេលា។

៨ ព្យាយាមផ្គាប់ចិត្តមនុស្សគ្រប់គ្នា វាគឺជារោគសញ្ញាទូទៅមួយទៀត ដែលត្រូវទទួលយក​ ដែលជា​រឿយៗផ្តល់ភាពសុខសាន្តដល់មនុស្ស។ ជាពិសេសគឺតែងតែញញឹម​រីករាយ ប៉ុន្តែតែងតែមិនអើពើនឹងតម្រូវការផ្ទាល់ខ្លួនឯងទៅវិញ៕

ប្រែសម្រួល៖ សាង ស្រីល័ក្ខ

ចុចអាន៖បណ្ដាញសង្គម ធ្វើឲ្យរឹតត្បិតសេរីភាពផ្លូវចិត្ត សាកល្បងបន្សាបជាតិពុលតាមវិធីនេះ

ចុចអាន៖នេះជាហេតុផល អ្នកកើតទុក្ខ ត្រូវការអ្នកជិតស្និទ្ធ ហើយអ្នកសប្បាយចិត្ត បែរជារកអ្វីថ្មីប្លែក