KPT+

ជឿដែរ? ពលរដ្ឋកូរ៉េ ៦០% ចង់ផ្លាស់ទៅរស់នៅប្រទេសផ្សេងវិញ

បានផុស

៦ years មុន

នៅ

ថ្ងៃសុក្រ ៤ ធ្នូ ២០២០

ដោយ

Sonya

ការស្ទង់មតិមួយនៅប្រទេសកូរ៉េបានបង្ហាញថា ភាពតានតឹងកាន់តែខ្លាំងឡើងនៃការប្រកួតប្រជែងផ្នែកសេដ្ឋកិច្ចក្នុងសង្គមរស់នៅ ព្រមជាមួយការចំណាយលើកូនៗ និងសកម្មភាពផ្សេងៗទៀតសម្រាប់ជីវិត បានធ្វើឱ្យមនុស្សពេញវ័យជិត ៦០% គិតថា ការផ្លាស់ទៅរស់នៅប្រទេសផ្សេងអាចទទួលបានជីវិតល្អប្រសើរជាងនៅកូរ៉េ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយផ្អែកលើការស្ទង់មតិតាមអ៊ិនធរណិត លើមនុស្សពេញវ័យចំនួន ៤២២៩ នាក់ ដែលមានអាយុជុំវិញ ៣០ ឆ្នាំ ដោយបានឆ្លើយដូចៗគ្នាប្រមាណ ៦៦% ថា ពួកគេចង់គេចចេញពីអ្វីដែលខ្លួនហៅថា “នរកលោកិយ” ។

រីឯក្រុមអាយុពី ៣០ ទៅ ៤០ ដែលជាឆ្អឹងខ្នងនៃសេដ្ឋកិច្ចកូរ៉េខាងត្បូង ក៏មិនពេញចិត្តនឹងជីវិតរស៊នៅប្រទេសនេះដែរ។

មូលហេតុធំបំផុតនៃការទោមនស្សទាំងនោះគឺ កង្វះពេលវេលាដើម្បីសម្រាក (៤៣.៣%) ។ ទីពីរគឺ ចង់មានបទពិសោធថ្មី (៤៣ %)។ ទីបី ពួកគេចង់ទៅរស់នៅក្នុងប្រទេសដែលមានសុខុមាលភាពប្រសើរជាងកូរ៉េ (៤១ %) និងចុងក្រោយ ចង់ស្វែងរកការអប់រំប្រសើរជាងមុននិងបរិស្ថានល្អសម្រាប់កុមារ (១៨,៦ %)។

ក្នុងនោះ សហរដ្ឋអាមេរិកជាទិសដៅដែលពួកគេពេញចិត្តមាន ៤៥ % បន្ទាប់មកគឺអូស្ត្រាលី ញូវហ្សឺឡែន ឬកោះហាវ៉ៃមាន ៣៧,៤ % ។

អឺរ៉ុបខាងជើងដូចជា ដាណឺម៉ាក ស៊ុយអែត និងហ្វាំងឡង់មាន ២៨,៧ % ចង់ផ្លាស់ប្ដូរទៅ។ ដោយឡែកអឺរ៉ុបខាងលិចរួមមាន បារាំង អង់គ្លេស និង អាល្លឺម៉ង់ មាន ២១,៩ % ហើយអាស៊ីអាគ្នេយ៍ដូចជា វៀតណាម ថៃ និង សិង្ហបុរី មាន ១៦,២ %។

ប៉ុន្តែ ៧០ % នៃអ្នកឆ្លើយសំណួរក៏បាននិយាយដែរថា នេះគ្រាន់តែជាគំនិតប៉ុណ្ណោះ ដែលតាមពិតទៅ គេជឿថាវាពិបាកនឹងរកការងារថ្មី ឬបន្សាំខ្លួនគេនៅបរទេសណាស់៕

ប្រែសម្រួល៖ សាង ស្រីល័ក្ខ

ចុចអាន៖ កត្តាធំៗនៃវ៉ាក់សាំងដែលមនុស្សភាគច្រើនមិនបានដឹងច្បាស់

ចុចអាន៖ បើរូបិយប័ណ្ណរឹងពឹងលើសេដ្ឋកិច្ចម្ដេចលុយអាមេរិកមានតម្លៃ លុយចិនមិនប្រជាប្រិយ?

Related Topics:ប្រទេសកូរ៉េខាងត្បូង