KPT+

កូនក្បាលខូច និយាយមិនស្ដាប់ ឪពុកម្ដាយគួរចាត់ការបែបនេះ

បានផុស

២ years មុន

នៅ

ថ្ងៃព្រហស្បតិ៍ ២៣ ធ្នូ ២០២១

ដោយ

ក្មេងក្បាលរឹង ជាបញ្ហាធ្វើឲ្យម៉ាក់ប៉ាជាច្រើនឈឺក្បាល ប៉ុន្តែបើកូនប្រែជាព្រហើនមិនខ្លាច ឬចង់ធ្វើអ្វីតាមចិត្ត នោះម៉ាក់ប៉ាគួរតែមានវិធានការបន្ទាន់មួយ ដើម្បីហាត់ពត់លត់ដំចរិតកូនឲ្យជាក្មេងល្អវិញ។ ខាងក្រោមនេះ គឺជាវិធីសាស្ត្រមួយចំនួនដែលអាចបង្ក្រាបក្មេងមានចរិតព្រហើន និយាយមិនស្ដាប់របស់អ្នកគ្រូ លឹម មួយហ្គិច ជាជំនួយការគ្រូបរទេស នៅសាលាឯកជនក្នុងរាជធានីភ្នំពេញ។

១- ផ្លាស់ប្ដូរឥរិយាបថខ្លួនឯង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលកូនធ្វើអ្វីខុស ហើយយើងប្រាប់ឲ្យសុំទោស គេបែរជាបញ្ចេញចរិតព្រហើន មិនធ្វើតាម មិនខ្លបខ្លាចនរណាម្នាក់ ឬមិនខ្វល់ពីសម្ដីរបស់យើង គួរតែផ្លាស់ប្ដូរឥរិយាបថខ្លួនជាមុនសិន ព្រោះបើនៅតែបណ្ដែតបណ្ដោយកូននឹងក្លាយជាមនុស្សខូច។ យើងគួរតែធ្វើខ្លួនឲ្យម៉ឺងម៉ាត់ជាងមុន ហើយនៅពេលកូនធ្វើខុសមិនព្រមទទួល គួរតែមានទណ្ឌកម្មខ្លះ ដូចជាមិនឲ្យមើលទូរស័ព្ទ ឬទូរទស្សន៍ មិនឲ្យញ៉ាំចំណីដែលគេចូលចិត្ត និងអ្វីផ្សេងទៀត ដើម្បីឲ្យកូនបន្ទន់ឥរិយាបថមកលន់តួយើងវិញ។

២- បង្កើតវិន័យក្នុងផ្ទះ

ពាក្យចាស់ពោលថា «ប្រទេសមានច្បាប់ គ្រួសារមានវិន័យ» ដូចនេះហើយ យើងគួរតែដឹងថា កូនយើងមានៈនូវចំណុចណាខ្លះ ហើយបង្កើតជាវិន័យ ដើម្បីឲ្យពួកគេខ្លាច។ វិធីអាចហាត់ពត់ចិត្តគំនិតកូនបាន ហើយកូនក៏មិនហ៊ានធ្វើអ្វីដែលអាចនាំឲ្យពួកគេ មានបញ្ហាជាមួយយើងដែរ មួយវិញទៀតយើងអាចចិញ្ចឹមអប់រំពួកគេឲ្យខ្លាចជាក្មេងល្អបាន។

How to Help Your Child Who Stutters - Kids First Childrens Services

៣- ឈប់តាមចិត្តកូន

ម៉ាក់ប៉ាណាក៏ស្រលាញ់កូនដែរ តែការស្រលាញ់ និងធ្វើអ្វីតាមអំពើចិត្តកូនពេក ដូចរុញកូនឲ្យក្លាយជាក្មេងទំនើងអ៊ីចឹងដែរ។ នៅពេលកូនៗយំរំអុកចង់បាន ឬទិញអ្វីមួយដោយបោកប្រាស់វត្ថុប្រើប្រាស់ក្នុងផ្ទះ នោះយើងនឹងដឹងថា ទង្វើទាំងនេះ គឺបណ្ដាលមកពីការតាមចិត្តកូនគ្រប់យ៉ាង រហូតគេគិតថា គេចង់បានអ្វីហើយនោះ គឺត្រូវតែយកឲ្យបាន។ ដូចនេះបើពេលកូនបញ្ចេញឫកពាមិនសមរម្យ គួរតែចាប់ផ្ដើមកាត់បន្ថយ ហើយពន្យល់ប្រាប់គេថា លើកក្រោយពេលមានចរិតកោងអោងបែបនេះទៀត គឺលែងទិញអ្វី ឬជូនទៅដើរលេងទីណាទាំងអស់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ទម្លាប់ល្អៗឪពុកម្ដាយគួរធ្វើ មុនពេលឱ្យកូនចូលគេង

ចុចអាន៖ កូនៗទទួលបានអត្ថប្រយោជន៍ ៨ យ៉ាង ពេលឪពុកម្ដាយបង្រៀនឱ្យចេះដាក់ខ្លួន

Related Topics:ការអប់រំកូន