KPT+
ជីកកកាយព្រឹត្តិការណ៍ប្រវត្តិសាស្រ្តដែលកើតឡើងចំថ្ងៃ ១ ឧសភា
ពីមួយថ្ងៃទៅមួយថ្ងៃ មានរឿងច្រើនរាប់មិនអស់ បានកើតឡើងទូទាំងពិភពលោក ហើយរឿងខ្លះត្រូវបានគេចាត់ទុកថាជាព្រឹត្តិការណ៍ប្រវត្តិសាស្រ្តទៀតផង។
ចុះតើអ្នកដឹងទេ នៅថ្ងៃទី១ខែឧសភា មានព្រឹត្តិការណ៍ប្រវត្តិសាស្រ្តអ្វីខ្លះ ត្រូវបានគេកត់ត្រាទុក? តោះទៅមើលជាមួយ កម្ពុជាថ្មី ទាំងអស់គ្នា!
ឆ្នាំ ២០០៤ – សហភាពអឺរ៉ុប
សហភាពអឺរ៉ុបត្រូវបានពង្រីក ដើម្បីដាក់បញ្ចូលរដ្ឋសមាជិកថ្មីដូចជាប្រទេសស៊ីប សាធារណរដ្ឋឆេក អេស្តូនី ហុងគ្រី ឡាតវី លីទុយអានី ម៉ាល់តា ប៉ូឡូញ ស្លូវ៉ាគី និងស្លូវេនី។
ឆ្នាំ ១៩៩៩ – សពអ្នកឡើងភ្នំ Everest
សពអ្នកឡើងភ្នំជនជាតិអង់គ្លេសឈ្មោះ George Mallory ត្រូវបានគេរកឃើញនៅលើភ្នំ Everest ប្រហែល ៧៥ ឆ្នាំបន្ទាប់ពីគាត់ និង Andrew Irvine បានបាត់ខ្លួន ខណៈព្យាយាមក្លាយជាមនុស្សដំបូងគេដែលឡើងដល់កំពូលភ្នំនេះ។
ឆ្នាំ ១៩៦១ – ការប្លន់យន្តហោះនៅ សហរដ្ឋអាមេរិក
ការប្លន់យន្តហោះដ៏ធំលើកដំបូងនៅក្នុងសហរដ្ឋអាមេរិក បានកើតឡើងអំឡុងពេល បុរសម្នាក់បានបង្ខំឲ្យជើងហោះហើររបស់ក្រុមហ៊ុនអាកាសចរណ៍ពាណិជ្ជកម្មមួយ ដែលកំពុងធ្វើដំណើរពីទីក្រុង Miami ទៅ Key West រដ្ឋ Florida បើកផ្លូវវាងទៅកាន់ប្រទេសគុយបា។
ឆ្នាំ ១៩៦០ – ឧប្បត្តិហេតុ U-2
ខណៈពេលហោះឈ្លបយកការណ៍ ចូលជ្រៅទៅក្នុងសហភាពសូវៀត យន្តហោះ U-2 របស់សហរដ្ឋអាមេរិកត្រូវបានបាញ់ទម្លាក់ ហើយអ្នកបើកឈ្មោះ Francis Gary Powers ដែលធ្វើការឲ្យ CIA ត្រូវបានគេចាប់ដាក់គុក។ ជាលទ្ធផល បណ្តាលឲ្យមានការប្រឈមមុខដាក់គ្នា រវាងសហរដ្ឋអាមេរិក និងសហភាពសូវៀត ដោយត្រូវបានគេស្គាល់ថាជាឧប្បត្តិហេតុ U-2។
ឆ្នាំ ១៩៣១ – អគារ Empire State
អគារ Empire State ក្នុងទីក្រុងញូវយ៉កបានបើកជាផ្លូវការ។ អស់រយៈពេល៤ទស្សវត្សរ៍ វាជាអគារខ្ពស់ជាងគេបំផុតនៅលើពិភពលោក ហើយវាត្រូវបានគេចាត់ទុកថាជា អគារសម្គាល់សហរដ្ឋអាមេរិក។
ឆ្នាំ ១៩០៩ – ស្ត្រីទីមួយនៃវិទ្យុ
តារាចម្រៀងអាមេរិក Kate Smith ដែលត្រូវបានគេស្គាល់ថាជា “ស្ត្រីទីមួយនៃវិទ្យុ” បានចាប់កំណើត។
ឆ្នាំ ១៨៩៨ – សមរភូមិឈូងសមុទ្រម៉ានីល
សមរភូមិឈូងសមុទ្រម៉ានីលបានបញ្ចប់ ដោយកងនាវាចរអេស្ប៉ាញប៉ាស៊ីហ្វិក រងបរាជ័យដោយស្នាដៃកងទ័ពជើងទឹកសហរដ្ឋអាមេរិក ដែលជាលទ្ធផលធ្វើឲ្យប្រទេសហ្វីលីពីនដួលរលំ និងរួមចំណែកដល់ការទទួលជ័យជម្នះចុងក្រោយរបស់សហរដ្ឋអាមេរិក នៅក្នុងសង្គ្រាមអេស្ប៉ាញ – អាមេរិក។
ឆ្នាំ ១៨៨៩ – ទិវាពលកម្មពិភពលោក
ទិវាពលកម្មពិភពលោកត្រូវបានបង្កើតឡើង។ ប្រទេសទូទាំងពិភពលោក ប្រារព្វពិធីក្នុងគោលបំណងរំឬក និងឧទ្ទិសដឹងគុណ ដល់វីរភាពដ៏អង់អាចក្លាហាននៃកម្មករកម្មការនី ដែលបានប្រឹងប្រែងតស៊ូពុះពារ និងប្ដូរជីវិត ដើម្បីការងារសិទ្ធិកម្មករទាំងមូល។
ឆ្នាំ ១៨៤០ – Penny Black
តែមប្រៃសណីយ៍ដំបូងបង្អស់របស់ពិភពលោក ត្រូវបានបញ្ចេញនៅក្នុងប្រទេសអង់គ្លេស។ វាបង្កើតឡើងដោយលោក Sir Rowland Hill ហើយត្រូវបានគេស្គាល់ថា Penny Black៕
ប្រែសម្រួល៖ Vann Vann
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង