KPT+
មូលហេតុ សិស្សវិទ្យាល័យប្រើប្រាស់ទូរស័ព្ទក្នុងម៉ោងសិក្សា
ចាប់តាំងពីផ្ទុះវីរុសកូវីដ-១៩ នៅជាងពាក់កណ្តាលឆ្នាំ២០២០មក ការសិក្សានៅសាលារៀនមួយចំនួន ពិសេសក្នុងរាជធានីភ្នំពេញតម្រូវឱ្យសិស្សសិក្សានៅផ្ទះតាមប្រពន្ធអនឡាញ និងសិក្សាផ្ទាល់នៅថ្នាក់រៀន។ នេះជាមួលហេតុកុមារ ឬសិស្សកាន់តែច្រើនមានទូរសព្ទផ្ទាល់ខ្លួន និងប្រើបណ្ដាញអ៊ិនធឺណេតគ្រប់ពេល។ ជាមួយគ្នា សិស្សានុសិស្សមួយចំនួនបានប្រើប្រាស់ទូរសព្ទ សូម្បីតែកំលុងពេលកំពុងរៀនជាមួយលោកគ្រូ អ្នកគ្រូនៅក្នុងថ្នាក់។
យុវតី ឌីណា រ៉ូហ្សា ជាសិស្សថ្នាក់ទី១០ នៃវិទ្យាល័យព្រះស៊ីសុវត្ថិ បានប្រាប់ “កម្ពុជាថ្មី” កញ្ញាធ្លាប់លួចលេងទូរសព្ទពេលម៉ោងចូលរៀនចំពោះមុខវិជ្ជាមួយចំនួន (សុំមិនបញ្ចេញឈ្មោះ) ដោយសារនាងមិនសូវចូលចិត្តមុខវិជ្ជានោះ។ នាងធ្លាប់លួចស្តាប់បទចម្រៀង និងផ្ញើសារឆ្លើយឆ្លងតាមប្រព័ន្ធអនឡាញ។
រ៉ូហ្សា បញ្ជក់ថា៖ “ខ្ញុំធ្លាប់មានទម្លាប់នេះ ដើម្បីបំបាត់ភាពអផ្សុក និងងងុយគេងក្នុងថ្នាក់រៀន។ ប៉ុន្តែខ្ញុំនឹងព្យាយាមកែប្រែទម្លាប់មួយនេះចោល ពីព្រោះខ្លាចផ្តល់ផលមិនល្អដល់ការសិក្សា”។
កុមារី ឱ មុនីរដ្ឋា ជាសិស្សថ្នាក់ទី៧ នៃសិស្សវិទ្យាល័យ បាក់ទូក ប្រាប់ “កម្ពុជាថ្មី” ថា នាងធ្លាប់ឃើញគ្រូហៅមិត្តរួមថ្នាក់ដែលលួចលេងហ្គេមក្នុងម៉ោងសិក្សាមកអប់រំ។ នាងខ្លាចគ្រូហៅនាងដូចមិត្តភក្ដិដែរ ទើបនាងមិនហ៊ានប្រើ ឬលេងទូរសព្ទក្នុងម៉ោងកំពុងរៀននោះទេ។
រដ្ឋា រម្លឹកថា៖ “ខ្ញុំក៏ធ្លាប់លួចប្រើប្រាស់ទូរសព្ទក្នុងម៉ោងគ្រូបង្រៀនដែរ ដើម្បីស្តាប់តន្រ្តី និងលេងហ្គេម ចំពោះមុខវិជ្ជាមួយចំនួន ដើម្បីកម្សាន្តអារម្មណ៍។ ប៉ុន្តែនាងខ្ញុំមិនដែលប្រើប្រាស់នៅពេលកៀកពេលប្រលងនោះទេ”។
ដោយឡែក យុវតី សាលី សុខារី សិស្សថ្នាក់ទី៩ បាននិយាយថា កញ្ញាមានទូរសព្ទផ្ទាល់ខ្លួនតាំងពីថ្នាក់ទី៨ ដើម្បីសិក្សាតាមប្រព័ន្ធអនឡាញ អំឡុងពេលវីរុសកូវីដ-១៩ បានរាតត្បាតជាបណ្តើរៗ។
សុខារី បន្តថា៖ “ខ្ញុំប្រើប្រាស់ទូរសព្ទក្នុងម៉ោងរៀនតែករណីអ្នកផ្ទះទាក់ទងមកប៉ុណ្ណោះ ពីព្រោះការលេងទូរសព្ទក្នុងម៉ោងរៀនអាចធ្វើឱ្យសិស្សមិនយកចិត្តទុកដាក់នឹងមេរៀន និងប្រឡងធ្លាក់ជាដើម បើសិនជាមេរៀននោះចេញក្នុងពេលប្រលង”។
យុវតី សុខារី បានបញ្ចេញជាមតិយោបល់ថា៖ “ខ្ញុំគិតថា ដើម្បីបំបាត់ទម្លាប់ប្រើប្រាស់ទូរស័ព្ទរបស់សិស្សក្នុងម៉ោងរៀនសូត្រ សាលាគួរមានវិធានការចំនួន៣។ ទី១ ហៅមកធ្វើកិច្ចសន្យា ទី២ ដកទូរសព្ទពីសិស្ស និងទី៣ ហៅអាណាព្យាបាលមកដោះស្រាយ បើសិនជានៅតែប្រព្រឹត្ត”។
គួរបញ្ជាក់ថា សាលារៀននីមួយៗ មានបទបញ្ញត្តិហាមសិស្សលេងទូរសព្ទក្នុងន័យផ្សេងពីការសិក្សាក្នុងម៉ោងសិក្សា ករណីល្មើស សិស្សអាចទទួលពិន័យ ឬការស្ដីបន្ទោស ឬការដកហូតទូរសព្ទជាដើម៕
អត្ថបទ៖ វង្ស លីលី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ