KPT+

របៀបធ្វើទឹកសណ្តែកងាយៗ នៅផ្ទះដោយខ្លួនឯង

បានផុស

២ ខែ មុន

នៅ

ថ្ងៃអង្គារ ២១ មិថុនា ២០២២

ដោយ

វិធីធ្វើទឹកសណ្ដែកនេះ ជាការចែករំលែកពី អ្នកស្រី កែវ ច័ន្ទបូរណ៍ ទៅដល់អ្នកដែលចង់រៀន ធ្វើទឹកសណ្ដែកខ្លួនឯង។ ទឹកសណ្ដែកដែលធ្វើខ្លួនឯង យើងទទួលទានដោយភាពកក់ក្ដៅចិត្ត និងធ្វើឲ្យសុខភាពល្អរាងកាយមាំមួន ជៀសផុតពីជំងឺផ្សេងៗ។ ខាងក្រោមនេះ ជាវិធីធ្វើទឹកសណ្ដែក ដែលអ្នកស្រីបានចែករំលែក៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រឿងផ្សំ ៖ សណ្ដែកសៀង១គីឡូ ទឹក១០លីត្រ ស្ករ១គីឡូ អំបិល១ស្លាបព្រាកាហ្វេ

របៀបធ្វើ៖

១- យកសណ្តែកសៀង១គីឡូ ត្រាំជាមួយទឹកក្តៅឧណ្ហៗ រយៈពេលបីម៉ោង រួចហើយ ញីសំបកចេញ លាងសម្រស់អោយស្អាត។

២- យកសណ្តែកសៀង ដាក់កិនជាមួយ ទឹក៣លីត្រ រួចហើយច្រោះ ច្របាច់យកកាកចេញ យកតែទឹកសណ្ដែកសុទ្ធ។

៣- យកទឹក៧លីត្រទៀត មកថែមជាមួយនឹងទឹកសណ្ដែកសុទ្ធ ហើយដាំឲ្យពុះ។

៤- ដាក់ស្ករនិងអំបិលចូល ឲ្យពុះសព្វ។

៥- ពិសាក្តៅៗក៏បាន ត្រជាក់ក៏បាន តាមចំណូលចិត្ត។

៦- បើចង់ខាប់ កាត់បន្ថយចំនួនទឹក។

៧- បើមិនចូលចិត្ត រសជាតិផ្អែមខ្លាំង សូមកាត់បន្ថយចំនួនស្ករ។

ចំពោះមាតាដែលខ្វះទឹកដោះ អាចយកទឹកសណ្តែកនេះ ជួយបំប៉នសុខភាពទារកបាន ដោយកាត់បន្ថយចំនួនស្ករពីរខាំ ក្នុងសណ្តែកមួយគីឡូ។ ចំពោះទារកក្រោម៦ខែ គេមិនអោយមានជាតិស្ករឡើយ។ជាតិផ្អែម នឹងធ្វើអោយទារកអន់ភ្នែក ឬ រពឹសចាប់មិនជាប់ ឬ កើតទឹកនោមផ្អែម ជាពិសេស ពេលទារក នៅក្រោមអាយុ ២ខួប។

ចំណែកស្ត្រីសរសៃខ្ចី គួរបរិភោគ ជាតិស្ករ ឲ្យបានតិចបំផុត នៅមុនកូនអាយុមួយខួប ការពារមិនឲ្យមានទឹកនោមផ្អែម។ ប៉ុន្តែ ស្ត្រីអាចបរិភោគផ្លែឈើធម្មជាតិ ដែលមានជាតិផ្អែមបាន គ្រាន់តែពុំគួរបរិភោគ ជាតិស្ករផលិតឡើយ។

សម្រាប់មនុស្សទូទៅ ការបរិភោគទឹកសណ្ដែក នឹងជួយផ្សះជំងឺបែកស្រកា ឲ្យស្បែកប្រែរលោងស្អាតមកវិញ។ ដើម្បីធ្វើទឹកសណ្តែកឲ្យចេញពណ៌បៃតង គេត្រូវបុកស្លឹកតើយ ពូតយកទឹក ទៅដាក់លាយជាមួយទឹកសណ្តែក ហើយដាំអោយពុះ ទើបដាក់ស្ករអំបិល៕

ប្រែសម្រួល៖ វារី

ចុចអាន៖បើមិនចង់ខូចមុខ កុំប្រើគ្រឿងសម្អាងដែលផ្ទុកគ្រឿងផ្សំ ៦ នេះ ជាមួយគ្នាឲ្យសោះ