KPT+
បណ្ឌិត ឥន សុផល៖ កងទ័ពវៀតណាមខំរៀនភាសាខ្មែរណាស់ ផ្ទុយស្រឡះពីពលរដ្ឋខ្មែរ មោទនភាព
លោកបណ្ឌិត ឥន សុផល អ្នកស្រាវជ្រាវ និងតាមដានភូមិសាស្រ្តនយោបាយ និងជាអ្នកនិពន្ធសៀវភៅ«កម្ពុជា ក្នុងសង្រ្គាមវៀតណាម» បានលើកឡើងថា កងទ័ពវៀតណាមខំរៀនណាស់ភាសាខ្មែរណាស់ ផ្ទុយស្រឡះពីពលរដ្ឋខ្មែរមួយចំនួនបែរជាមានមោទនភាពទៅវិញ។ លោកលើកឡើងបែបនេះ ក្រោយពីមានមតិរបស់ប្រជាជនខ្មែរមួយចំនួនមិនពេញចិត្តចំពោះគម្រោងដែលនឹងបង្កើតឱ្យមានដេប៉ាតឺម៉ង់ភាសាវៀតណាមនៅសាកលវិទ្យាល័យភូមិន្ទភ្នំពេញ។
តាមរយៈទំព័រហ្វេសប៊ុកកាលពីថ្ងៃចន្ទ លោកបណ្ឌិត ឥន សុផល បានអះអាងថា តើវាជាកំហុសអ្វី? នៅពេលដែលមានការបើកបង្រៀនភាសាភាសាវៀននៅកម្ពុជា? ស្របពេលដែលសា្ថនទូតអាមេរិក មានបើកបង្រៀនជាង ៧០ភាសា។យ៉ាងណាមិញលោកនិយាយថា នៅប្រទេសវៀតណាមក៏មានសាលាបណ្តុះបណ្តាលពីរ ដែលធ្វើការបង្ហាត់បង្រៀនកងទ័ពជាន់ខ្ពស់របស់វៀតណាមជាងកន្លះលាននាក់ឱ្យចេះចាំស្ទាត់ ទាំងអក្សរសាស្ត្រខ្មែរ ប្រវត្តិសាស្រ្ត វប្បធម៌ និងទំនៀមទម្លាប់ប្រពៃណីយ៉ាងស្ទាត់ជំនាញ។ បន្ទាប់មក គេនឹងធ្វើការប្តូរឈ្មោះពីវៀតណាមមកជាឈ្មោះខ្មែរ រួចមកបង្កើតបក្សកុម្មុយនីស្តកម្ពុជា មានឈ្មោះ អាចារមៀន។
លោកមានប្រសាសន៍ថា៖ “តើហេតុអ្វីបានជា ប៉ុល ពត ប្រើពាក្យ “បោសសម្អាតក្បាលយួនខ្លួនខ្មែរ”? គឺដោយសារ ប៉ុល ពត ធ្លាប់ជាជំនួយការលោក ទូ សាមុត (កងទ័ពវៀតកុង) ដឹងច្បាស់ពីការបង្កប់ខ្លួនរបស់វៀតកុងនៅក្នុងប្រទេសកម្ពុជា ជាពិសេស នៅខេត្តបូព៌ាទិស ដែលជាគោលដៅបោសសម្អាត។ ព្រោះតែកងទ័ពវៀតកុងរៀនភាសាខ្មែរ ចេះនិយាយខ្មែរច្បាស់ រួមទាំង ជំនាញឃោសនាបានបង្កើតគណបក្សនយោបាយមួយក្នុងសម័យសង្គមរាស្រ្តនិយម ដើម្បីប្រឆាំងកងទ័ពវៀតកុងខ្លួនឯង មានពលរដ្ឋខ្មែរចួលរួមយ៉ាងច្រើន”។
ជុំវិញបញ្ហានេះដែរ លោកបណ្ឌិត ជេត ជាលី សាកលវិទ្យាធិការនៃសាកលវិទ្យាល័យភូមិន្ទភ្នំពេញ បានធ្វើការបកស្រាយថា នៅសាកលវិទ្យាល័យភូមិន្ទភ្នំពេញ មិនមែនបើកបង្រៀនតែជំនាញភាសាវៀតណាមតែមួយមុខឡើយ ពោល គឺមានបង្រៀនទាំងភាសាអង់គ្លេស បារាំង ជប៉ុន កូរ៉េ ចិន និងភាសាថៃផងដែរ។
គួររំលឹកថា ប្រតិកម្មរបស់ប្រជាជនខ្មែរមួយចំនួនលើបញ្ហាបង្កើតដេប៉ាតឺម៉ង់ភាសាវៀតណាមនេះ បានកើតឡើងបន្ទាប់ពីមានការស្នើរបស់អនុរដ្ឋមន្ត្រីក្រសួងអប់រំ និងបណ្តុះបណ្តាលរបស់វៀតណាម គឺលោក ង្វៀន វ៉ាន់ ហ្វុក ឱ្យមានការបង្កើត ដេប៉ាតឺម៉ង់ភាសាវៀតណាមនៅកម្ពុជា ដើម្បីពង្រឹងកិច្ចសហប្រតិបត្តិការខាងវិស័យអប់រំរវាងកម្ពុជា-វៀតណាម។ ការស្នើនេះ ធ្វើឡើងក្នុងជំនួបការងារជាមួយលោក ពិន សំណាន រដ្ឋលេខាធិការប្រចាំការក្រសួងអប់រំកម្ពុជាកាលពីថ្ងៃទី ១០ ខែសីហា ឆ្នាំ២០២២៕
ដោយ៖ អុន ស្រីមាន
-
ចរាចរណ៍៤ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៣ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ៤ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម២ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
សន្តិសុខសង្គម៣ ថ្ងៃ ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
ព័ត៌មានអន្ដរជាតិ៣ ថ្ងៃ ago
ក្រុមហ៊ុន Toyota នៅ ជប៉ុន ប្រមូលរថយន្ត Prius ជុំវិញពិភពលោក ចាប់ពីសេរ៊ីឆ្នាំ ២០២២ ឡើងទៅចូលរោងចក្រវិញ
-
ព័ត៌មានអន្ដរជាតិ៣ ថ្ងៃ ago
ថៃ ខឹងចិត្ត ក្រោយម្ហូបរបស់ខ្លួនជាប់ឈ្មោះលេខ ១ ជាអាហារអន់បំផុតលើលោក
-
ព័ត៌មានជាតិ៤ ថ្ងៃ ago
រយៈពេល៣ថ្ងៃសង្ក្រាន្តបាត់ដំបងទទួលបានភ្ញៀវទេសចរជាង១លាននាក់