មហាជនឆ្លើយឆ្លងគ្នា អំពីការចុះសង្ក្រាន្តនៅថៃ ក្នុងបញ្ជីបេតិកភណ្ឌអរូបី

មហាជនចូលទៅខមិនឆ្លើយឆ្លងគ្នាក្នុងករណី បញ្ហានៃការចុះសង្ក្រាន្តនៅថៃ ក្នុងបញ្ជីបេតិកភណ្ឌអរូបី ដោយការពន្យល់ខ្លះរបស់មហាជនឆ្លើយតបនឹការព្រួយបារម្ភដូចខាងក្រោម៖

ពាក្យសង្រ្កាន្តមានលើសិលាចារិកនៅប្រាសាទយើង។ សង្រ្កាន្ត ជាពាក្យសំស្រឹ្កតមានប្រភពមកពីឥណ្ឌា និងមានន័យថារង្វិលជុំនៃពេលវេលាពេញមួយឆ្នាំ។ ទោះជាពិធីប្រារព្ធសង្រ្កាន្តឆ្នាំថ្មីមានប្រភពពីកម្ពុជា ប៉ុន្តែពិធីនេះបានក្លាយជាប្រពៃណីទំនៀមទំលាប់ដែលបានប្រារព្ធរៀបចំដោយប្រទេសមួយចំនួនដូចជា កម្ពុជា ឡាវ ថៃ ភូមា ជាដើម។ ដូច្នេះសង្រ្កាន្តមកទល់បច្ចុប្បន្ន បានក្លាយជាប្រពៃណីទំនៀមទំលាប់របស់ប្រជាជាតិមួយចំនួននៅអាស៊ីអាគ្នេយ៍រួចទៅហើយ ហើយបានក្លាយជាបេតិកភណ្ឌអរូបីរបស់មនុស្សជាតិ។
 

ជាគោលការណ៍ យូណេស្កូតែងតែលើកទឹកចិត្តឱ្យបញ្ហាប្រទេសទាំងអស់ធ្វើការចុះបញ្ជីរួមគ្នា ដូចជាករណីកម្ពុជាចុះបញ្ជីជាមួយ ឥណ្ឌូនេស៊ី ហូឡង់ អង់គ្លេស សុំរឿង «អ៊ីណាវបូស្បា» ជាដើម។ ប៉ុន្តែករណីដែលថៃ ចុះ «Sangkran in Thailand» តែឯង នឹងមិនប៉ះពាល់ដល់ការចុះបញ្ជីសង្រ្កាន្តរបស់កម្ពុជា ឬប្រទេសផ្សេងទៀតនាពេលខាងមុខនោះទេ។
 

សម្រាប់កម្ពុជាយើង មានបញ្ជីបេតិកភណ្ឌអរូបីត្រៀមចុះបញ្ជី ហើយនាពេលខាងមុខ យើងត្រៀមចុះបញ្ជី ក្រមា នំបញ្ចុកជាដើម រីឯ សង្ក្រាន្តនៅកម្ពុជា អាចនឹងត្រូវបានចុះបញ្ជីនៅឆ្នាំ២០២៦ បើយើងរៀបចំដាក់សំណុំឯកសារនាឆ្នាំក្រោយ ដោយសារនីតិវិធីយូណេស្កូ តម្រូវឱ្យគ្រប់ប្រទេសអាចចុះបញ្ជីបេតិកភណ្ឌអរូបី ២ឆ្នាំម្តង៕