Connect with us

KPT+

មនុស្ស​ចូលចិត្ត​និន្ទា​គេ​ក្រោយ​ខ្នង​មិន​ចេញ​មុខ មាន​ចរិត​លក្ខណៈ​យ៉ាងម៉េច?

បានផុស

នៅ

ធម្មតា​មនុស្ស​យើង​អ្នកណា​ក៏​ចេះ​ច្រណែន​និន្ទា​គ្នា​ទាំង​អស់ ​គ្រាន់​តែ​ម្នាក់ៗមាន​ភាព​ខុស​គ្នា​តិច​ឬ​ច្រើន​ទៅ​តាមសភាព​ផ្លូវ​ចិត្ត​របស់​ពួកគេ​ឬ​កំហឹង​ដែល​មាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្ស​និន្ទា​គេ​ពេល​ខ្លះ​អាច​នឹង​មិន​ដឹង​ខ្លួន ​ថា​គេ​ជា​មនុស្ស​ប្រភេទ​​​ហ្នឹង​ផង! គេ​អាច​ធ្វើ​អី​ឆ្គង​ៗ ​ស្រដី​វាចា​ផ្អែម​ទន់​ឲ្យ​គេ​អាណិត​ស្រលាញ់​ថា​ខ្លួន​កម្សត់។ តែ​នៅ​ក្រោយ​ខ្នង​មហាជន​គេ​និយាយ​បញ្ឆេះ​មនុស្ស​ជុំវិញ​ឲ្យ​បែបនេះ​បែប​នោះ​ មិន​ចេញ​មុខ​មាត់​ពិត។ គេ​តែងតែ​គិត​ថា​ខ្លួនឯង​ជា​ជន​រង​គ្រោះ​និង​ត្រូវ​បាន​អ្នក​ផ្សេង​ធ្វើ​ទុក្ខបុកម្នេញ មាន​អារម្មណ៍​ថា​អ្នកដទៃ​កំពុង​ព្យាយាម​បំផ្លាញ​គេ​ឬ​ត្រូវ​បាន​បដិសេធ ​ចូល​ចិត្ត​បន្ទោស​ដល់​អ្នក​ដទៃ ​ហើយ​ចាប់​យក​វិធី​គុំកួន​ស្ងាត់​ៗ​លាក់កំបាំង។

ចាស់ៗ​តោង​ប្រយ័ត្ន​ជំពូក​មនុស្ស​បែប​នេះ ​ជាពិសេស​មនុស្ស​ស្ងាត់​ស្ងៀម​ឥត​ស្រដី​ឡិកឡក់។ នេះ​មិនមែន​ចរិត​ពិត​ពី​កំណើត​គេ​ទេ​​​ មនុស្ស​នេះ​គេ​ចូលចិត្ត​ពាក់​មុខ​ក្លែងក្លាយ​ចរិត​​ពីរ​បី​ បង្អួត​គេ​ថា​ខ្ញុំ​កម្សត់​ណាស់​ ខ្ញុំ​គ្មាន​ញាតិ​រាប់​រក​ទេ។

គេ​មើល​ទៅ​ខាង​ក្រៅ​ស្រស់ស្រាយ​ដូច​ធម្មតា ​តែ​ខាង​ក្នុង​ប្រហោង​ធំ​មើល​សឹង​ធ្លុះ។ គេ​អាច​ធ្វើ​រឿង​តូច​ឲ្យ​ទៅ​ជា​ធំ ​ចូលចិត្ត​បង្ហាញ​មុខ​មិន​រីក​ចេក​មិន​ទុំ ​ជ្រួញ​ចិញ្ចើម​គ្រប់​ពេល ​ក្នុង​ចិត្ត​តប់ប្រមល់​សូម្បី​រឿង​ប៉ិន​ក្រចក​ក៏​អាច​បន្ថែម​សំពាធ​ផ្លូវ​ចិត្ត​ដល់​គេ​បាន​ដែរ។

តាម​ពិត​គេ​មិន​មែន​អាក្រក់​ណាស់​ណា​ទេ តែ​ថា​អាច​មក​ពី​បញ្ហា​ផ្លូវ​ចិត្ត​មិន​ដឹង​ខ្លួនឬមិនព្រមទទួលស្គាល់ថាខ្លួនមានជំងឺផ្លូវចិត្តឬអាច​ជួប​រឿង​មិន​ល្អ​ច្រើន​ពី​កំណើត​និង​ជួប​ស្ថានការណ៍​យ៉ាប់​ៗ​ជុំវិញ​ខ្លួន​ច្រើន​ពេក។

បើ​សិន​អ្នក​បាន​ជួប​ឬ​សេពគប់​ប៉ះ​ចំ​មនុស្ស​ប្រភេទ​នេះ ​អ្នក​អាច​ពន្យល់​ណែនាំ​គេ​ឲ្យ​ដើរ​ផ្លូវ​ល្អ​វិញ។ ប៉ុន្តែ​បើ​គេ​មិន​ស្ដាប់​ឬ​ផ្គើន ​កុំ​បាច់​ចំណាយ​ទឹក​មាត់​របស់​អ្នក​ទៅ​អី! តាម​ដំណើរ​ តាម​ចិត្ត​គេ​ចុះ​ បើ​គេ​ភ្ញាក់​ខ្លួន​ពេល​ណា​នោះ​គឺ​រឿង​គេ៕

អត្ថបទ៖​ សាង​ ស្រីល័ក្ខ

ចុចអាន៖តើ​ការ​ច្រណែន​និន្ទា​រាប់​ជា​ជំងឺ​ផ្លូវចិត្ត​ដែរ​ទេ?

ចុចអាន៖មនុស្សច្រណែន លេចសញ្ញាទាំងនេះ ទោះខំសម្ដែងយ៉ាងណាក្ដី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម