KPT+

៥ វិធី ដោះស្រាយជាមួយមនុស្សគ្មានសីលធម៌ ពូកែជីកកកាយ តែរឿងផ្ទាល់ខ្លួនគេ

បានផុស

២ years មុន

នៅ

ថ្ងៃចន្ទ ៧ មីនា ២០២២

ដោយ

មិនមានអ្នកណាម្នាក់ក្នុងចំណោមយើង ចង់បានមិត្តរួមក្រុមដែលខ្វះសុជីវធម៌ មួយថ្ងៃៗអង្គុយតែជជីកកកាយរឿងរ៉ាវផ្ទាល់ខ្លួនរបស់អ្នកដទៃ ដោយមិនក្រែងចិត្តគេសោះឡើយ។

ក្នុងសង្គម មនុស្សធុននេះ មានច្រើនគគោកសឹងដើរបុក។ ខ្លះចូលមកចង់ដឹង ខ្លះចូលមករំខានប្រសាទយើង ឯខ្លះក៏ទាញប្រយោជន៍ ហើយប្រកាសថាខ្លួនមិនខុសក៏មាន។ យ៉ាងណាមិញ រស់ក្នុងសង្គមជាមួយគ្នា និងក្នុងនាមជាមិត្តរួមការងារ ត្រូវចេះគោរពគ្នាទៅវិញទៅមក វានឹងជួយឲ្យបរិយាកាសការងារកាន់តែប្រសើរឡើង។ ជាពិសេស កាន់តែអំណោយផល ដល់ការកសាងទំនាក់ទំនង និងកិច្ចសហការជាងពេលមុនៗ។

ដូច្នេះតើយើងអាចដោះស្រាយ ជាមួយបុគ្គលនោះ ដោយរបៀបណា ទើបបានផលលឿនហើយមិនធ្វើឲ្យយើងហត់ចិត្ត ។

១ រក្សាភាពស្ងប់ស្ងាត់ និងកុំបង្ហាញរឿងផ្ទាល់ខ្លួនច្រើន

កាលបើយើងមានរឿងរីករាយ យើងអាចនឹងចង់ប្រាប់មិត្តភក្តិជិតស្និទ្ធឲ្យរីករាយជាមួយ ឬអបអរសាទរដែរ។ ប៉ុន្តែ យ៉ាងណាវិញ ប្រសិនបើមិត្តរួមការងារយើង ជាមនុស្សឈ្លើយខ្លាំង ។ ដូច្នេះចូរព្យាយាមនៅឲ្យស្ងៀម ឲ្យមនុស្សប្រភេទនេះដឹងពីយើងតិចបំផុត តាមដែលអាចធ្វើទៅបាន។ មនុស្សប្រភេទនេះ កាន់តែដឹងពីជីវិតផ្ទាល់ខ្លួនយើងច្រើន នោះនឹងមករំខានអារម្មណ៍យើងវិញទេ។ អ្នកខ្លះ អាចជជីកសួរ ចង់ដឹងឮ ឬរហូតដល់លូកលាន់រឿងផ្ទាល់ខ្លួនរបស់យើង ថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ កុំយកវាជាអារម្មណ៍ផ្ទាល់ខ្លួន ឬដាក់សំពាធឲ្យខ្លួនឯង

ត្រូវគិតថា បើគេជាមនុស្សមានចរិតបែបនេះទៅហើយ ត្រូវគិតមកវិញថា គេនោះជាមនុស្សចូលចិត្តប្រព្រឹត្តដោយគ្មានសុជីវធម៌ តាំងពីកំណើត ឬមិនបានទទួលការអប់រំតាំងពីកំណើតមកទៅហើយ។ កុំយកបញ្ហាដែលជននោះបានបង្ក និងដាក់ក្នុងខ្លួន នាំឲ្យមានអារម្មណ៍មិនល្អ។ ត្រូវគិតមកវិញថា ពួកគេគ្រាន់តែធ្វើ ដើម្បីបំពេញចិត្តខ្លួនឯងតែប៉ុណ្ណឹង។ មិនចាំបាច់កាន់ឲ្យជាប់នាំឈឺដៃ ព្រោះវាគ្មានប្រយោជន៍សម្រាប់យើង ក្នុងការយកចិត្តទុកដាក់ យើងមិនអាចហាមឃាត់ទង្វើរបស់មនុស្សគ្មានសីលធម៌បានទេ។ ទុកវាចោល យើងនឹងសប្បាយចិត្តជាងនេះ។

៣ ចែករំលែកជំនាញ/វិធីសាស្រ្តការងារ

នេះជាកន្លែងដែលអ្នកត្រូវតែ អត់ធ្មត់ខ្លាំងបំផុត។ ប៉ុន្តែប្រសិនបើយើងអាចឆ្លងកាត់ជំហាននេះបាន នោះជីវិតនឹងកាន់តែងាយស្រួល។ ព្យាយាមបង្រៀន ឬចែករំលែកជំនាញ/វិធីសាស្រ្តការងារ តាមដែលយើងអាចប្រាប់បាន។ នេះជាវិធី ដែលយើងអាច ព្យាយាមដើម្បីរក្សាមនុស្សនេះចេញ។ នៅពេលដែលពួកគេអាចធ្វើការដោយខ្លួនឯង។ ពួកគេនឹងមិនចាំបាច់រញ៉េរញ៉ៃជាមួយអ្នកញឹកញាប់ទេ ទោះបីជាពួកគេមិនចេះគួរសមតាំងពីដើមមកក៏ដោយ។

៤ ជ្រើសរើសផ្តោតលើអ្វីដែលល្អ

អ្នកត្រូវតែរំលឹកខ្លួនឯងថា អ្នកមិនអាចផ្គាប់ចិត្តមនុស្សគ្រប់គ្នាបានទេ។ លើសពីនេះ អ្នកមិនអាចគ្រប់គ្រង ឬណែនាំនរណាម្នាក់មិនឲ្យប្រព្រឹត្តអាក្រក់មកលើយើងបានទេ។ អនុញ្ញាតឲ្យវាកន្លងផុតទៅ ចូលរួមឲ្យបានតិចបំផុតតាមដែលអាចធ្វើទៅបាន។ ផ្ទុយទៅវិញ ចូរផ្ដោតទៅលើមនុស្សល្អជុំវិញខ្លួនវិញ ហើយផ្ដោតលើមនុស្សដែលឲ្យតម្លៃលើគំនិតរបស់យើង។ មនុស្សគ្រប់គ្នាមានកិត្តិយស បុគ្គលដែលគ្មានសុជីវធម៌ រមែងមិនមានផលចំណេញសម្រាប់ខ្លួនឯង។ គ្មានអ្វីអាចផ្លាស់ប្ដូរពួកគេបានទេ ព្រោះនេះជាចរិតពីកំណើតកែមិនឡើងហ្នឹងឯង។ បើគេនៅតែមករំខាន ត្រូវជូនដំណឹងទៅអ្នកគ្រប់គ្រង ឬចាត់ការចេញឲ្យខ្មាសគេតែម្ដង។

៥ កុំសុំទោសចំពោះរឿងដែលអ្នកមិនបានធ្វើ

សម្រាប់មនុស្សគ្មានសីលធម៌ អ្នកអាចបោះបង់ចោលអ្វីទាំងអស់។ ប៉ុន្តែកុំនិយាយពាក្យសុំទោស ចំពោះអ្វីដែលអ្នកមិនបានធ្វើ ឬពាក់ព័ន្ធជាមួយ។ ដូចដែលបាននិយាយពីមុន មនុស្សគ្មានសីលធម៌ មិនខ្វល់ថាអ្នកល្អប៉ុណ្ណាទេ។ ពួកគេគ្រាន់តែសម្ដែងក្នុងលក្ខណៈបញ្ច្រាស ដើម្បីមកបំពេញតម្រូវការរបស់ពួកគេហ្នឹងឯង។ ប្រសិនបើអ្នកប្រាកដថា អ្នកមិនបានធ្វើអ្វីខុស ឬធ្វើបានល្អហើយ មិនបាច់ទៅខ្វល់ជាមួយមនុស្សធន់នេះ នាំតែហត់ចិត្តឡើយ។

មនុស្សនេះ និយមតែស្អប់អ្នកណាលើសជាងខ្លួន ល្អជាងខ្លួន ឬយើងមានគេចូលចិត្តច្រើន ក៏កើតរោគច្រណែននិយាយដើមគេ ឬមើលងាយគេមិនដល់ខ្លួន។ តាមពិត បើគិតឲ្យងាយ គឺគេនោះជាមនុស្សបែបនេះ មិនចេះខុសតាំងពីណាពីណីមក ហើយវាជាបញ្ហារបស់គេតាំងពីកំណើត កែលែងឡើងទៅហើយ ។ បើយើងយកខ្លួនទៅបៀត ឬចាប់អារម្មណ៍ ដូចយកអនាគតទៅខាតពេលជាមួយចោលឥតអំពើរ ដែលគ្មានន័យសោះឡើយ៕

ប្រែសម្រួល៖ សាង ស្រីល័ក្ខ

ចុចអាន៖មានអារម្មណ៍ថា អ្នកជុំវិញបោះបង់ចោល ? អានអត្ថបទសិន ក្រែងធូរស្បើយផ្លូវចិត្តខ្លះ

ចុចអាន៖វិធីដោះស្រាយអារម្មណ៍ដែលនឹករលឹក ចំពោះមនុស្សឃ្លាតចាកឆ្ងាយពីយើង