KPT+
មនុស្ស ៤ ប្រភេទ ចាស់ៗផ្ដាំដាច់ខាត បើយកខ្លួនបៀតនាំជីវិតជួបរឿងស៊យ និងគិតអវិជ្ជមានដូចពួកគេ
អ្នកណាក៏ចង់មានដៃគូល្អ មិត្តល្អ មនុស្សល្អ សាច់ញាតិល្អ បងប្អូនល្អក្បែរខ្លួន ដើម្បីនាំភាពចម្រុងចម្រើនមកដល់ជីវិតដែរ។ ប្រសិនបើស៊យធំ រាប់អានប៉ះចំមនុស្សលាក់ចរិតលាក់មារយាទ ពុតត្បុត នៅផ្ទះផ្សេងនៅកន្លែងធ្វើការផ្សេង ដឹងតែនិយាយលែងចេញ។ យើងមិនមែនគ្រូទាយអាជីព ដឹងឮមើលធ្លុះថា បុគ្គលកំពុងសេពគប់សព្វថ្ងៃ ជាមនុស្សបែបម៉េចទេ។
ប៉ុន្តែយើងអាចដឹងខ្លះ មិនមែនមើលមិនដឹងសូម្បីតែ ១ ភាគរយឡើយ។ ហើយការមើលដឹងនេះ តាមរយៈសកម្មភាពគេធ្វើសព្វថ្ងៃ ទោះពូកែពុតត្បុតយ៉ាងណា មានល្បិចខ្ពស់ជាងរឿងភាគចាប់មិនបានក្ដី តែក៏មានចំណុចឆ្គងខ្លះ បង្ហាញមកឲ្យយើងបានដឹងដែរ។
កាលបើបានដឹងខ្លះៗពីចរិតរបស់បុគ្គលនោះហើយ ចូរចៀសឆ្ងាយឲ្យផុតម្ខាងៗម្នាក់ ទើបជីវិតជួបរឿងល្អៗច្រើន។ ព្រោះបុគ្គលអវិជ្ជមាន គិតតែរឿងអវិជ្ជមាន នាំភ្លើងនាំរឿងមកដាក់លើទ្រូងយើងតែប៉ុណ្ណោះ។
១ ក្រុមដើរតែបង្កកំហុស ហើយតាំងខ្លួនជាជនរងគ្រោះ
មិនខ្វះទេសម័យឌីជីថល អ្វីៗកាន់តែទំនើប មនុស្សអាក្រក់មានល្បិចកិច្ចកលរាប់ជំពូក ក៏សំបូរដូចគ្នា។ បុគ្គលប្រភេទនេះ នៅកន្លែងកន្លុកកន្លៀតណាក៏មានដែរ លុះបើមនុស្សរាប់អានស្មោះ ប៉ះពួកគេ ដឹងតែជានុយសំខាន់របស់ពួកគេមិនខាន។
ជនអស់នេះទម្លាប់គេមិនធ្វើអ្វីច្រើនទេ គឺចូលចិត្តចាក់អ្នកនេះតិច ទៅអ្នកនោះតិច ដើម្បីឲ្យម្ខាងៗឲ្យក្ដៅក្រហាយ ហើយពេលគេរករឿងតាំងមឹះៗមិនមាត់ដាក់គេវិញ។ ជាពិសេសធ្វើមាយាអោនមុខចុះ មិនតបត ដើម្បីឲ្យមហាជនមើលមកថា គេនេះជាជនរងគ្រោះស្លូតសោះ មានគេមករករឿងដែរ។
២ ក្រុមរាប់អានបន្លំៗ ផ្អែមមុខ យកល្អមុខមហាជនឬមេកោយខ្លួន
ចូលដល់ក្រុមនេះ ពិបាកមើលណាស់ ព្រោះគេពូកែសំដែងដាក់គូស្នេហ៍ ពួកម៉ាកបនភឿន និងមេកោយឲ្យអាណិតថា ខ្លួនមនុស្សល្អ ហើយជាពិសេសទៀតសោត អ្នកណាៗក៏ចូលចិត្តសំដីផ្អែមវាចាដែរ ( គ្មានអ្នកណាទៅចូលចិត្តមនុស្សមាត់ឮញ៉ែតៗ សំដីឥតសំចីមាត់ឡើយ ) ។ ប៉ុន្តែមានចំណុចអាចដឹងថា គេនេះជាក្រុមរាប់អានបន្លំបាន គឺគេចូលចិត្តភាសាផ្អែមដាក់គ្រប់គ្នា ជួយឈឺឆ្អាលលើកដាក់ចាត់ចែងមុខក្រោយ ឬទំនុកបម្រុងជាអំណោយដល់យើងជាដើម។ ប៉ុន្តែដល់ក្រោយខ្នងវិញ គេកំពុងស្ទូចយកនុយធំ ធ្វើយ៉ាងម៉េចឲ្យគេចូលចិត្តអាណិតខ្លួន បើមានបញ្ហាឬទំនាស់ជាមួយអ្នកណា គឺអ្នកដែលគេជួយមិនមើលនឹងភ្នែកឡើយ ( បើទោះបីជាខុសក៏កាន់ជើងសិនដែរ ព្រោះសុទ្ធតែជាគ្នាឯងទៅហើយ )។
ចំណាំមួយទៀត ក្រុមនេះនៅលើបណ្ដាញសង្គមអេតធីវណាស់ មួយថ្ងៃៗផូសស្ទេតធឺបង្ហាញអារម្មណ៍ខ្លួនដាក់ហ្វេសបុក ដាក់ផេក ថាគេមនុស្សគិតល្អដាក់គ្រប់គ្នា (ចំណុចនេះអ្នកណាមិនដឹង ចាញ់បោកច្រើន តែបើអ្នកដឹង គឺគេបានត្រឹមគ្រវីក្បាល នូវជោគវាសនាអ្នកក្រោយៗ)។
៣ ក្រុមពូកែស្អប់ពេបជ្រាយ និយាយដើម តែស្ងាត់ៗលួចធ្វើតាម
ក្រុមមនុស្សទាំងនេះវិញ ខ្លាំងដៃជាង ២ ក្រុមខាងលើទៀត។ មិនមាត់ៗស្ងាត់ៗ តែគ្រប់សកម្មភាពយើងគេដឹងគ្រប់ចន្លោះ ហើយក៏លួចធ្វើតាមស្ងាត់ៗ ដោយមិនឲ្យយើងដឹងខ្លួនសូម្បីតែបន្តិច។ ចំណាំមើលទៅ យើងធ្វើអី គេនោះមកដែរ យើងមានអីគេក៏មាន ហើយឲ្យដូចគ្នាគ្មានខុស។ បើក្រោយខ្នងយើងវិញ និយាយដើម ស្អប់ពេបជ្រាយជាក្រុមជាបក្សពួកគ្នាគេ ហើយបន្ទាប់មកអ្នកមេខ្លោងក៏ចាប់ផ្ដើមបន្លំ ឬហៅថាលួចធ្វើតាមយើងតែម្ដង។ ទាំងនេះគឺគ្មានអីក្រៅពីស្ថិតនៅក្រោមពាក្យ ២ ម៉ាត គឺ ” ច្រណែន ” នេះឯង។ តែក្រុមនេះមិនងាយទទួលស្គាល់ថាគេច្រណែនឡើយ គេខ្លាចពាក្យថា ” ចាញ់ ” ដាក់កណ្ដាលមុខគេណាស់។
៤ ក្រុមមិនល្អតែបន្តិចសោះ ក៏ថាយើងមនុស្សអាក្រក់យកហ្មង
ក្រុមនេះចូលចិត្តណាស់ ផ្អែមពេលត្រូវការប្រើយើង និយាយពីសំដីពីរោះពិសាស្ទើរបាក់ស្រិប។ តែកាលណាយើងលែងដៃតែបន្តិច ឬមិនបានជួយគេគ្រប់ជ្រុងជ្រោយ ក៏មកស្ដីឲ្យយើងខ្លាំងៗតែម្ដង ឬអស់ល្អនឹងគ្នាបាត់ទៅហើយ។
លុះបើកាលណាយើងលើសគេ ឬល្អជាងគេបន្តិចសោះ តាំងមកបន្ទោស ឬធ្វើមិននិយាយរកយើង ដើម្បីជាលេស ឲ្យយើងដើរចូលសងគេវិញ។
យ៉ាងណាមិញបុគ្គល ៤ ប្រភេទនេះ ជាបទពិសោធន៍ដែលបានជួបរយៈកាលកន្លងមក សឹងតែរកជីវិតមានន័យនឹងគេមិនឃើញ។ ប្រសិនបើអ្នកអានរូបណា បានជួបមនុស្សទាំងនេះ មិនថាជាសង្សារ ប្ដីប្រពន្ធ ពួកម៉ាក់ ឬមិត្តរួមការងារទេ គួរប្រញាប់ដើរចៀសចេញឆាប់ បើមិនចង់នាំជីវិតជួបរឿងមិនល្អ ដែលគេហៅថាស៊យ មិនលោះពេល មិនលោះថ្ងៃនេះឯង៕
អត្ថបទ៖ សាង ស្រីល័ក្ខ
ចុចអាន៖មនុស្សច្រណែននឹងបញ្ចេញសកម្មភាពទាំងនេះ ទោះពូកែសំដែងយ៉ាងណាក៏ដោយ
ចុចអាន៖របៀបមើលមនុស្សដែលយើងរាប់អានសព្វថ្ងៃ ក្លែងក្លាយឬពិត
ចុចអាន៖មនុស្សចូលចិត្តនិន្ទាគេក្រោយខ្នងមិនចេញមុខ មានចរិតលក្ខណៈយ៉ាងម៉េច?
មន្ត្រីជំនាញក្រសួងអប់រំ កំពុងចុះសិក្សាពីកង្វះខាតអគារសិក្សានៅទូទាំងប្រទេស ដើម្បីឱ្យសិស្សទទួលបានកន្លែងសិក្សាសមរម្យ
ក្រសួងអប់រំ ប្រកាសឱ្យមន្ទីរអប់រំរាជធានី-ខេត្ត ជ្រើសរើសសិស្សពូកែ ត្រៀមចូលរួមប្រឡងទូទាំងប្រទេស នាខែឧសភា ខាងមុខ
អភិបាលខណ្ឌឫស្សីកែវ ដឹកនាំកម្លាំងចម្រុះចុះពង្រឹងសន្តិសុខ ទប់ស្កាត់បទល្មើសតាមមូលដ្ឋាន
អតីតសេដ្ឋិនី វៀតណាម ដែលរងការកាត់ទោសប្រហារជីវិត អង្វរតុលាការសុំដកអគារមួយខ្នងទុកឲ្យកូនស្រី
កូនស្រីមហាសេដ្ឋីកាស៊ីណូ ហុងកុង ទម្លាយទាំងតូចចិត្តថា បានមរតកតិចជាងបងប្អូនផ្សេងទៀត
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?