រដ្ឋបាលខេត្តក្រចេះ ប្រកាសហាមឃាត់ការបង្ហោះ ដ្រូនគ្រប់ប្រភេទក្នុងភូមិសាស្ត្រខេត្តក្រចេះ

រដ្ឋបាលខេត្តក្រចេះ បាន​ចេញសេចក្តីប្រកាស​ហាមឃាត់ការប្រើប្រាស់អាកាសយានគ្មានមនុស្សបើក (ជ្រួន) គ្រប់ប្រភេទនៅក្នុងភូមិសាស្ត្រខេត្តក្រចេះនារសៀលថ្ងៃទី ២៤ ខែធ្នូ ឆ្នាំ២០២៥។

ដើម្បីធានាបាននូវសន្តិសុខ សុវត្ថិភាព សណ្តាប់ធ្នាប់សង្គម និងរបៀបរៀបរយសាធារណៈជូនដល់ប្រជាពលរដ្ឋនៅក្នុងខេត្តក្រចេះ ក្នុងកាលៈទេសៈដែលព្រះរាជាណាចក្រកម្ពុជា កំពុងត្រូវបានឈ្លានពានដោយខ្មាំងសត្រូវនោះ រដ្ឋបាលខេត្តក្រចេះ សូមធ្វើការណែនាំដូចខាងក្រោម៖

១- ហាមដាច់ខាតការប្រើប្រាស់អាកាសយានគ្មានមនុស្សបើក (ដ្រូន) គ្រប់ប្រភេទ ក្នុងភូមិសាស្ត្រខេត្ត ក្រចេះ។
២- ជនណាដែលបំពាន ឬប្រើប្រាស់អាកាសយានគ្មានមនុស្សបើក (ដ្រូន) ដោយគ្មានការអនុញ្ញាតពី អាជ្ញាធរមានសមត្ថកិច្ច ត្រូវទទួលខុសត្រូវទាំងស្រុងនៅចំពោះមុខច្បាប់ជាធរមាន។
៣- ករណីប្រជាពលរដ្ឋ បានប្រទះឃើញមានការប្រើប្រាស់អាកាសយានគ្មានមនុស្សបើក (ដ្រូន) សូមរាយការណ៍ជាបន្ទាន់មកអាជ្ញាធរមានសមត្ថកិច្ចដែលនៅជិតបំផុត ដើម្បីចាត់វិធានការឱ្យបានទាន់ ពេលវេលា។
៤- ស្នងការដ្ឋាននគរបាលខេត្ត បញ្ជាការដ្ឋានកងរាជអាវុធហត្ថខេត្ត បញ្ជាការដ្ឋានតំបន់ប្រតិបត្តិ ការសឹករងក្រចេះ និងគណៈបញ្ជាការឯកភាពរដ្ឋបាលក្រុង ស្រុក ត្រូវបង្កើនការយកចិត្តទុកដាក់ តាម ដានចាត់ចែង និងគ្រប់គ្រងសភាពការណ៍ឱ្យបានល្អប្រសើរ។ ក្នុងករណីពិនិត្យឃើញមានជនណា បំពានសេចក្តីណែនាំនេះ ត្រូវចាន់វិធានការជាបន្ទាន់៕

អត្ថបទ៖ ប្រុញ វិធិន