ព័ត៌មានជាតិ

សម្តេច ម៉ែន សំអន ឧទ្ទិសកុសលជូនដល់ដួងវិញ្ញាណក្ខន្ធនាយឧត្ដមសេនីយ៍ ផ្កាយមាស ៤ ប៉េង ប៉ាត់ និងមហាឧបាសិកា ញឹម តេង ព្រមទាំងវីរកងទ័ពលះបង់ជីវិតដើម្បីជាតិ

បានផុស

៤ ខែ មុន

នៅ

ថ្ងៃអង្គារ ៣ មីនា ២០២៦

ដោយ

សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ ព្រមទាំងក្រុមគ្រួសារ បានប្រារព្ធពិធីបង្សុកូល ឧទ្ទិសកុសលជូនដល់ដួងវិញ្ញាណក្ខន្ធ នាយឧត្ដមសេនីយ៍ ផ្កាយមាស ៤ ប៉េង ប៉ាត់ និងមហាឧបាសិកា ញឹម តេង ព្រមទាំងវីរកងទ័ពអង់អាចក្លាហានដែលលះបង់អាយុជីវិតដើម្បីការពារជាតិមាតុភូមិ។ ពិធីនេះធ្វើឡើងនៅចេតិយ ដែលមានទីតាំងនៅក្នុងវត្តមុន្នីសុវណ្ណ ហៅវត្តចំពុះក្អែក ស្ថិតនៅភូមិចំពុះក្អែក សង្កាត់ព្រែកថ្មី ខណ្ឌមានជ័យ រាជធានីភ្នំពេញ កាលពីព្រឹកថ្ងៃចន្ទ ១៤កើត ខែផល្គុន ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី២ ខែមីនា ឆ្នាំ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួររំលឹកផងដែរថា នាយឧត្ដមសេនីយ៍ ផ្កាយមាស ៤ ប៉េង ប៉ាត់ អតីតសមាជិកព្រឹទ្ធសភាគណបក្សប្រជាជនកម្ពុជា និងជាឧត្ដមស្វាមីរបស់ សម្តេចកិត្តិសង្គហបណ្ឌិត ម៉ែន សំអន បានទទួលមរណភាព កាលពីវេលាម៉ោង ១ និង ៣៥ នាទីទៀបភ្លឺ ឈានចូលថ្ងៃទី ២ ខែមីនា ឆ្នាំ ២០១៦ ជន្មាយុ ៦៦ ឆ្នាំ ដោយរោគាពាធ។ ចំណែកឯមហាឧបាសិកា ញឹម តេង ត្រូវជាម្តាយក្មេករបស់ សម្តេចកិត្តិសង្គហបណ្ឌិត ម៉ែន សំអន បានទទួលមរណភាព នៅថ្ងៃទី៤ ខែកញ្ញា ឆ្នាំ២០២២ វេលាម៉ោង ១និង៤០នាទីរសៀល ក្នុងជន្មាយុ ៩៤ ឆ្នាំ ដោយរោគាពាធ។