ព័ត៌មានជាតិ

មកមើលផ្សារសម័យកូវីដនៅខេត្តព្រះសីហនុ ខេត្តកណ្តាល និងភ្នំពេញ គិតគូរសុវត្ថិភាពទាំងអ្នកលក់និងអ្នកទិញ

បានផុស

៥ years មុន

នៅ

ថ្ងៃព្រហស្បតិ៍ ២៩ មេសា ២០២១

ដោយ

អាជ្ញាធរខេត្តក្រុងចំនួន ០៣ បានរៀបចំផ្សារបណ្តោះអាសន្នតាមតាមមូលដ្ឋាន ដើម្បីសម្រួលការលក់ដូរនិងការទិញគ្រឿងបរិភោគរបស់ប្រជាពលរដ្ឋ ខណៈមានការរិតបន្តឹងការបិទខ្ទប់ដោយសារការឆ្លងរាលដាលកូវីដ១៩។

នេះជាទិដ្ឋភាពផ្សារលក់ដូរបណ្តោះអាសន្នដែលអាជ្ញាធររាជធានីភ្នំពេញ ខេត្តព្រះសីហនុ និងខេត្តកណ្តាល បានរៀបចំបណ្តោះអាសន្នក្នុងមូលដ្ឋាន។

នៅរាជធានីភ្នំពេញ អាជ្ញាធរខណ្ឌពោធិ៍សែនជ័យបានរៀបចំផ្សារបណ្តោះអាសន្ននៅលើបណ្តោយផ្លូវវេងស្រេង ដោយមានគូសគំនូសបែងចែកកន្លែងលក់ដូរឃ្លាតពីគ្នា។ មានចំនួន១៥០គំនួស សម្រាប់បែងចែកអ្នកលក់ដូរ ដោយមានការគិតគូរសុវត្ថិភាព។ ផ្សារនេះបានចាប់ផ្ដើមលក់ដូរនៅថ្ងៃទី២៨ មេសា។ នៅបរិវេណផ្សារបណ្តោះអាសន្ននេះ មានលក់គ្រឿងបរិភោគដូចជា អង្ករ បន្លែ ផ្លែឈើ ត្រី សាច់ និងគ្រឿងទេសជាច្រើនមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅខេត្តកណ្តាលវិញ អាជ្ញាធរបានជ្រើសរើសកីឡដ្ឋានបាល់ទាត់ខេត្តដែលមានផ្ទៃដីប្រមាណ២ហិកតា កែច្នៃជាទីកន្លែងលក់ដូរ និងបោះដុំបន្លែជំនួសផ្សារដើមគរបណ្តោះអាសន្ន។ រហូតមកទល់ពេលនេះ គេសង្កេតឃើញ សកម្មភាពអាជីវករ បានចាប់ដំណើរការលក់ដូរ បោះដុំបន្លែជូនអតិថិជនជាបណ្តើរៗហើយ។

ដោយឡែកនៅខេត្តព្រះសីហនុ អាជ្ញាធរខេត្តបានរៀបចំទីតាំងផ្សារលក់គ្រឿងឧបភោគបរិភោគបណ្តោះអាសន្នស្ថិតក្នុងបរិវេណផ្សារទំនើប Furi ក្នុងភូមិ៣ សង្កាត់លេខ៣ ក្រុងព្រះសីហនុ ខេត្តព្រះសីហនុ។