ព័ត៌មានជាតិ
ដើមក្ងោកជិត២០០ដើម បានដាំនៅតាមបរិវេណដងផ្លូវសាធារណៈ ជិតទន្លេវៃគោ ក្រុងស្វាយរៀង
នៅថ្ងៃទី២១ ខែឧសភា ឆ្នាំ២០២១ ឯកឧត្ដម តូច ប៉ូលីវ៉ា អភិបាលរងខេត្តស្វាយរៀង តំណាងឯកឧត្តមអភិបាលខេត្ត បានអញ្ជើញចូលរួមដាំកូនឈើចំនួន១៥០ដើម ដែលជាអំណោយរបស់ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន នៅបរិវេណដងផ្លូវសាធារណៈ ជិតទន្លេវៃគោ ក្រុងស្វាយរៀង ខេត្តស្វាយរៀង ដោយមានការចូលរួមពីលោកអភិបាលក្រុង លោកអភិបាលរងក្រុង លោកប្រធានមន្ទីរបរិស្ថានខេត្ត លោក-លោកស្រី មន្ត្រីរាជការសាលាក្រុង កងកម្លាំងទាំង៣ប្រភេទ មន្ត្រីរាជការមន្ទីរបរិស្ថានខេត្ត និងយុវជន ស ស យ ក ក្រុងស្វាយរៀង ។
ឯកឧត្តម តូច ប៉ូលីវ៉ា បានមានប្រសាសន៍ឲ្យដឹងថា ការដាំដើមឈើនេះឡើងគឺ ដើម្បីកែលម្អសោភ័ណ្ឌភាពដងផ្លូវសាធារណៈ មានភាពទាក់ទាញ បានយល់បានដឹងអំពីប្រភេទដើមឈើ គុណតម្លៃរបស់វាដល់សាធារណៈជនទូទៅ ក៏ដូចជាកូនចៅជំនាន់ក្រោយបានស្គាល់ ហើយនៅពេលដើមឈើលូតលាស់ឡើង វាប្រៀបបានទៅម្លប់ត្រជាក់សម្រាប់សាធារណៈជន និងបងប្អូនប្រជាពលរដ្ឋបានជ្រក ស្នាក់អាស្រ័យលំហែកាយ។
បន្ថែមពីនេះ ឯកឧត្ដមអភិបាលរងខេត្ត បានផ្ដាំផ្ញើដល់រដ្ឋបាលក្រុងស្វាយរៀង ត្រូវចូលរួមថែរក្សា ការពារ ស្រោចទឹកជាប្រចាំ និងដាក់ជីកូនឈើទាំងនេះឱ្យបានទៀងទាត់ ដើម្បីឆាប់លូតលាស់ និងសូមអរគុណដល់រដ្ឋបាលក្រុង និងអង្គភាពពាក់ព័ន្ធ ដែលបានចូលរួមយ៉ាងសកម្មក្នុងការប្រយុទ្ធប្រឆាំងការឆ្លងរីករាលដាលជំងឺកូវីដ-១៩ កន្លងមក ជាពិសេសត្រូវចូលរួមអនុវត្តឲ្យបានខ្ជាប់ខ្ជួននៅវិធានការរបស់ក្រសួងសុខាភិបាល រដ្ឋបាលខេត្ត និងវិធានការ ៣កុំ ៣ការពារ របស់សម្ដេចអគ្គមហាសេនាបតីតេជោ ហ៊ុន សែន ដើម្បីរួមចំណែកទប់ស្កាត់ការរីករាលនៃជំងឺកូវីដ-១៩។
លោក កើត សារឿន ប្រធានមន្ទីរបរិស្ថានខេត្តស្វាយរៀង បានឲ្យដឹងថា: កូនក្ងោកប្រមាណ៦០០ដើម ជាអំណោយរបស់ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ផ្តល់ឲ្យដល់មន្ទីរបរិស្ថានខេត្តស្វាយរៀង មកធ្វើការដាំនៅតាមសាលារៀន វត្តអារាម តាមសារធារណៈ និងទីទួលរបស់រដ្ឋនៅទូទាំងខេត្តស្វាយរៀងផងដែរ ។
លោកប្រធានមន្ទីរបរិស្ថានខេត្ត បានបន្តទៀតថា: នៅថ្ងៃនេះ យើងបានយកទីតាំងនៅបរិវេណដងផ្លូវសាធារណៈ ជិតទន្លេវៃគោ ក្រុងស្វាយរៀង ដាំជាប្រភេទឈើក្ងោក ពណ៌ក្រហម-លឿង ចំនួន១៥០ដើម លោកក៏បានសំណូមពរដល់បងប្អូនប្រជាពលរដ្ឋមេត្តាកុំកាប់បំផ្លាញព្រៃឈើ និងចូលរួមដាំកូនឈើទាំងអស់គ្នា ដើម្បីបរិស្ថានល្អ ដល់សង្គមជាតិយើង ៕
អត្ថបទ ៖ ភក្ដី
ផ្លូវក្រវាត់ព្រំដែនខេត្តមណ្ឌលគិរី លេចរូបរាងបណ្ដើរៗ ដើម្បីត្រៀមទទួលពលរដ្ឋដែលចង់មកលេងកម្សាន្ត
កាកបាទក្រហមកម្ពុជា ឧបត្ថម្ភថវិកា៣សែនដុល្លារ ជូនសាខាកាកបាទក្រហមកម្ពុជារាជធានីភ្នំពេញ
ក្រសួងការងារ ជួបពិភាក្សាជាមួយភារធារីស្តីទីនៃស្ថានទូតលុចសំបួប្រចាំប្រទេសឡាវ លើវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ
អភិបាលខេត្តកណ្តាល ថ្លែងអំណរគុណពលរដ្ឋ ដែលចូលរួមគាំទ្ររាជរដ្ឋាភិបាលកសាងគម្រោងព្រែកជីកហ្វូណនតេជោ
មោទនភាព! ផលិតផលកម្ពុជារីកមុខរីកមាត់ នៅលើកម្មវិធីតាំងពិព័រណ៌អាហារនិងភេសជ្ជៈលំដាប់ពិភពលោក
តុលាការសម្រេចឃុំខ្លួនលោក ហង្ស សំណាង និងបក្ខពួកដាក់ពន្ធនាគារពីបទ ធ្វើឲ្យខូចទឹកចិត្តកងទ័ព
យោធភូមិភាគទី៣ បើកវគ្គហ្វឹកហ្វឺនពលទាហានថ្មីបំពេញឱ្យក្របខណ្ឌកងទ័ពជើងគោក
បុរសជនជាតិឥណ្ឌារត់ពន្ធពស់វែក ៤៧ក្បាលក្នុងវ៉ាលី ត្រូវបានចាប់ខ្លួននៅអាកាសយានដ្ឋាន Mumbai
៣៧ខេត្តនៅថៃ ជួបព្យុះមូសុង ក្នុងនោះ បាងកក ក៏រងឥទ្ធិពល
សម្តេចតេជោ ថ្លែងថានេះជាពេលដែលពលរដ្ឋកម្ពុជាគួរទទួលបានអាហារមានគុណភាពគ្មានជាតិគីមី
-
ព័ត៌មានជាតិ៥ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៤ ថ្ងៃ agoនាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៤ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៦ ថ្ងៃ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៦ ថ្ងៃ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម១ សប្តាហ៍ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
សន្តិសុខសង្គម៥ ថ្ងៃ agoសមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
សេចក្ដីជូនដំណឹង៣ ថ្ងៃ agoការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស