ព័ត៌មានជាតិ

អាងទំនប់ចម្ការតែលើខ្នងគីរីរម្យ ត្រូវបានជួសជុលឡើងវិញ ក្រោយពីបានបាក់ដោយសារជំនន់ទឹកភ្លៀងនៅឆ្នាំ២០២០

បានផុស

៥ years មុន

នៅ

ថ្ងៃពុធ ២ មិថុនា ២០២១

ដោយ

ទំនប់ចម្ការតែ ស្ថិតលើខ្នងភ្នំគីរីរម្យ ដែលមានលទ្ធភាពស្តុបទឹកប្រមាណជាង ៥លានម៉ែត្រគូប ត្រូវបានជួសជុលនិងស្តារឡើងវិញ ដោយក្រសួងធនធានទឹក និងឧតុនិយម បន្ទាប់បានបាក់ដោយសារជំនន់ទឹកភ្លៀងកាលពីឆ្នាំ២០២០កន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី០១ ខែមិថុនា ឆ្នាំ២០២១នេះ ក្រុមការងារអន្តរក្រសួង ក្រសួងធនធានទឹក និងឧតុនិយម, ក្រសួងសេដ្ឋកិច្ច និងហិរញ្ញវត្ថុ សហការជាមួយ មន្ទីរធនធានទឹក និងឧតុនិយម ខេត្តកំពង់ស្ពឺ បានចុះត្រួតពិនិត្យ វាយតម្លៃ ប្រគល់ទទួលការជួសជុលកែលំអ ទំនប់អាងទឹកចម្ការតែ។ សូមបញ្ជាក់ថា ទំនប់អាងទឹកចម្ការតែ អាចស្តុបទឹកបានជាង ៥លានម៉ែត្រគូប ស្ថិតក្នុងឃុំចំបក់ ស្រុកភ្នំស្រួច ខេត្តកំពង់ស្ពឺ ដែលបានបាក់ កាលថ្ងៃទី១៣ ខែតុលា ឆ្នាំ២០២០ ដោយសារជំនន់ទឹកភ្លៀង និងបានបង្កឱ្យកើតមានទឹកជំនន់លិចតំបន់ខ្លះ ក្នុងខេត្តកំពង់ស្ពឺ កណ្តាល និងរាជធានីភ្នំពេលនាពេលកន្លងមក។

តាមមន្ត្រីជំនាញធនធានទឹក និងឧតុនិយម បានឱ្យដឹងថា ការងារដែលត្រូវជួសជុលកែលំអឡើងវិញ ទំនប់អាងទឹកចម្ការតែនេះរួមមាន៖ ស្តារឡើងវិញតួទំនប់ប្រវែង ៨០ម៉ែត្រ, ជើងទេរទំនប់ប្រវែង ១២០ម៉ែត្រ, សាងសង់សំណង់បេតុងស្នូលទំនប់ ចំនួន ០១កន្លែង, សាងសង់សំណង់លូជ្រុងទ្វារទឹក២ លើទំនប់មួយកន្លែង, ជួសជុលបន្ថែមកន្ទុយសំណង់ទ្វារទឹកមួយកន្លែង និងជួសជុលសំណង់បង្ហៀរមួយកន្លែងផងដែរ៕

អត្ថបទ៖ ភួង រដ្ឋា

សូមចុចអាន៖ សង្រ្គាមពាណិជ្ជកម្មអាមេរិក-ចិន នឹងជំរុញក្រុមហ៊ុនអាមេរិកមកវិនិយោគនៅកម្ពុជា

Related Topics:ក្រសួងធនធានទឹក និងឧតុនិយម