ព័ត៌មានជាតិ

ឆក់ទូរស័ព្ទបាន៤គ្រឿង រួចរត់ចោលម៉ូតូយករួចខ្លួន

បានផុស

៥ years មុន

នៅ

ថ្ងៃអង្គារ ៨ មិថុនា ២០២១

ដោយ

ម៉ូតូមួយគ្រឿងជារបស់ជនសង្ស័យ ដែលឆក់ទូរស័ព្ទរបស់ជនបរទេស ត្រូវបានកម្លាំងនគរបាលប៉ុស្តិ៍ជ័យជំនះ នៃអធិការនគរបាលខណ្ឌដូនពេញ យកទៅរក្សាទុក បន្ទាប់ពីក្រុមជនសង្ស័យជិះម៉ូតូឆក់ទូរស័ព្ទរបស់ជនបរទេសស្បែកស ហើយត្រូវជនបរទេសស្បែកខ្មៅម្នាក់ទៀតដែលកំពុងបើករថយន្តឃើញ ក៏បើករថយន្ដដេញតាមបុកជនល្មើសរហូតដួលម៉ូតូហើយក៏រត់ចោលម៉ូតូបាត់អស់ទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីនគរបាលប៉ុស្តិ៍បានឲ្យដឹងថា ករណីនោះបានកើតឡើងនៅថ្ងៃទី០៧ ខែមិថុនា ឆ្នាំ២០២១ វេលាម៉ោង២០និង១០នាទី ត្រង់ចំណុចផ្លូវព្រះនរោត្តមកែងផ្លូវលេខ១៧២ ស្ថិតក្នុងសង្កាត់ជ័យជំនះ ខណ្ឌដូនពេញ ធ្វើសកម្មភាពដោយជនសង្ស័យ២នាក់ ជិះម៉ូតូម៉ាកHonda M S X បិតពណ៌ចម្រុះ គ្មាន ស្លាកលេខ បានធ្វើសកម្មភាពឆក់ទូរស័ព្ទពីបុរសជនជាតិស្បែកសម្នាក់ដែលកំពុងដើរនិយាយទូរសព្ទ័ពេលនោះបុរសជនជាតិស្បែកខ្មៅ ដែលកំពុងបើករថយន្តឃើញ ក៏ដេញតាមបុកជនសង្ស័យឲ្យដួលនៅមុខផ្ទះលេខ១៤២ E០ ផ្លូវលេខ១៤៨ ភូមិ៩ សង្កាត់ ផ្សារកណ្តាលទី២ រួចជនជាតិស្បែកខ្មៅបើកទ្វារថយន្តចុះមកក្រៅស្រាប់តែជនសង្ស័យទាញដាវកែច្នៃមកគំរាម និងបានបើកទ្វាររថយន្តយកទូរសព្ទ័៣គ្រឿងទៀត រួចក៏រត់ចោលម៉ូតូបាត់។

បន្ទាប់ពីទទួលបានព័ត៌មានកម្លាំងខណ្ឌ និងប៉ុស្តិ៍បានចុះដល់កន្លែងកើតហេតុដើម្បីធ្វើការស្រាវជ្រាវរកជនសង្ស័យ និងកសាងសំណុំរឿងតាមនិតិវិធី។ ចំពោះករណីនេះជនរងគ្រោះពុំបានដាក់ពាក្យបណ្តឹងនោះទេ ចំណែកម៉ូតូរបស់ជនសង្ស័យសមត្ថកិច្ចយកមករក្សាទុកនៅប៉ុស្តិ៍ជ័យជំនះ៕

អត្ថបទ ៖ រស្មី