ព័ត៌មានជាតិ

អ្នកជំងឺកូវីដម្នាក់ លួចរត់ចេញពីមន្ទីរពេទ្យបង្អែកខេត្តតាកែវ មកព្យាបាលនៅមន្ទីរពេទ្យឯកជនផ្សារចំបក់

បានផុស

៤ years មុន

នៅ

ថ្ងៃអង្គារ ១៥ មិថុនា ២០២១

ដោយ

ស្ត្រីអ្នកជំងឺកូវីដ-១៩ ម្នាក់បានលួចរត់ចេញពីមន្ទីរពេទ្យបង្អែកខេត្តតាកែវ មកសម្រាកព្យាបាលនៅមន្ទីរពហុព្យាបាល និងសម្ភព អង្គរពេជ្រ ចំបក់ ត្រូវបានកម្លាំងគណៈបញ្ជាការឯកភាពស្រុក ចុះទៅនាំយកមកព្យាបាលនៅមន្ទីរពេទ្យបង្អែកខេត្តតាកែវវិញ កាលពីវេលាម៉ោង២៣និង១៥នាទីយប់ ថ្ងៃទី១៤ ខែមិថុនា ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ភួន ឈីម អភិបាលនៃគណៈអភិបាលស្រុកបាទី និងជាប្រធានគណៈបញ្ជាការឯកភាពរដ្ឋបាលស្រុក បានដឹកនាំក្រុមការងារប្រយុទ្ធប្រឆាំងជំងឺកូវីដ-១៩ ស្រុក ចុះស្រាវជ្រាវ នឹងឃាត់ខ្លួនស្ត្រីអ្នកជំងឺកូវីដ-១៩ ម្នាក់ ឈ្មោះ រ៉ន រ៉ាន ភេទស្រី អាយុ៤១ឆ្នាំ នៅភូមិត្រពាំងគៀប ឃុំត្រពាំងក្រសាំង ឲ្យត្រឡប់ទៅសម្រាកព្យាបាលនៅមន្ទីរពេទ្យបង្អែកខេត្តតាកែវវិញ ក្រោយពីបានលួចរត់ពីមណ្ឌលចត្តាឡីស័ក និងសម្រាកព្យាបាលខេត្ត ហើយមកសម្រាកព្យាបាលនៅមន្ទីរពហុព្យាបាល និងសម្ភព អង្គរពេជ្រ ចំបក់ ឃុំចំបក់ ស្រុកបាទី៕

អត្ថបទ ៖ សុខុម