ព័ត៌មានជាតិ
អាជ្ញាធរនិងមន្ត្រីជំនាញកំពុងសាចទឹកដាក់គ្នា រឿងចាក់ដីលុបបឹង និងប្រឡាយក្នុងក្រុងដូនកែវ
មានករណីចាក់ដីលុបបឹង និងប្រឡាយរំដោះទឹកចេញពីក្រុងដូនកែវ ដែលធ្វើបានយ៉ាងរលូន គិតមកត្រឹមរសៀលថ្ងៃទី៣១ ខែកក្កដា ឆ្នាំ២០២១នេះ ដោយមិនរំខានដល់អាជ្ញាធរពាក់ព័ន្ធនោះទេ បើទោះទីតាំនេះនៅក្នុងក្រុងដូនកែវយ៉ាងណាកដោយ។
សកម្មភាពរំលោភទន្ទ្រានដីបឹង និងប្រឡាយនេះ លោកប្រធានសុរិយោដីខេត្ត ក្រុង រួមជាមួយនិងលោកប្រធានមន្ទីរធនធានទឹកខេត្តតាកែវ បានឆ្លើយដាក់គ្នាទៅវិញទៅមក ក្នុងហេតុផលមិនបានដឹងពីរឿងនេះនោះទេ។
ជុំវិករណីនេះ មន្ត្រីសាលាក្រុងដូនកែវម្នាក់សុំមិនបញ្ចេញឈ្មោះបាននិយាយថា ដីដែលលោក ហាស់ សុបិន្ត អតីតអភិបាលរងខេត្តកំពតដែលធ្លាក់ពីដំណែង គាត់បានធ្វើសកម្មភាពសម្រុកចាក់ដីលុបបឹងដោយមិនសម្រាកសោះឡើយ ដើម្បីធ្វើកញ្ចុះអង្គុយសម្រាប់បើកហាងស៊ីផឹក។
លោកបន្តថា ដីដែលចាក់នេះមានទំហ៊ុំជាង២ហិកតា ចំណែកប្រឡាយរំដោះទឹកទៅប្រឡាយមេដែលគាត់កំពុងលុបមានទទឹក៦ម៉ែត្រ និងបណ្តោយ១៧០ម៉ែត្រ ទីតាំងស្ថិតក្នុងភូមិស្នោ សង្កាត់រកាក្នុង ក្រុងដូនកែវ។ មន្រ្តីដដែលបញ្ជាក់ទៀតថា ចំពោះដីបឹងដែលលោក ហាស់ សុបិន្ត កំពុងតែចាក់លុប គឺគ្មានច្បាប់អនុញាត្តនោះទេ។
លោក នួន សុធា ប្រធានមន្ទីរសុរិយោដីខេត្តបានប្រាប់តាមទូរស័ព្ទថា រឿងលោក ហាស់ សុបិន្ត ចាក់ដីលុបបឹងនោះ លោកមិនបានដឹងទេ ចាំគាត់ចុះទៅស្រាវជ្រាវសិន ហើយបើចង់ដឹងច្បាស់ទៅសួរខាងសុរិយោដីនិងសំណង់ក្រុងទើបគាត់ដឹងច្បាស់ជាង។
ចំណែកលោក ហ៊ួត ប៊ុនលីម ប្រធានការិយាល័យសុរិយោដីក្រុងដូនកែវបានឆ្លើយថា គាត់សុរិយោដីក្រុងមែនតែដីនោះបានខ្វៀលទៅឲ្យខាងធនធានទឹកអស់ហើយ។ ចំណែកលោក ប៉ុន ហួ ប្រធានមន្ទីរធនធានទឹកខេត្តបានឲ្យដឹងផងដែរថា រឿងនេះមិនមែនភារកិច្ចមន្ទីររបស់លោកទេ ព្រោះកន្លែងនោះមិនមែនជាដីបឹង គឺដីគេធ្វើស្រែ បើដីបឹងនោះ គឺដូចបឹងតាកែវ ហើយបើចង់ដឹងច្បាស់ទៅសួរខាងសាលាក្រុងទៅបានដឹងច្បាស់។
លោក កង អាណាន់ អភិបាលក្រុងដូនកែវបានបញ្ជាក់យ៉ាងខ្លីថា រឿងនេះចាំរដ្ឋបាលក្រុងចុះទៅស្រាវជ្រាវ។ ចំណែកលោក ហាស់ សុបិន្ត ដែលជួលគ្រឿងចក្រដឹកដីលុបដីបឹង និងលុបប្រឡាយរំដោះទឹក នៅមិនអាចសុំការបញ្ជាក់បានទេនៅរសៀលថ្ងៃទី៣១ ខែកក្កដានេះ៕
អត្ថបទ ៖ វីរៈ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន