Connect with us

ព័ត៌មានជាតិ

ក្រសួងព័ត៌មាន មិនទាន់ទទួលបាន ការជូនដំណឹង អំពីការចាក់វ៉ាក់សាំងដូសទី៣ សម្រាប់អ្នកសារព័ត៌មាន នៅឡើ​យ​ទេ

បានផុស

នៅ

គិតត្រឹមព្រឹកថ្ងៃទី១០ ខែសីហា ឆ្នាំ២០២១នេះ ក្រសួងព័ត៌មាន មិនទាន់ទទួលបានការជូនដំណឹង ពីក្រសួងសុខាភិ​បាល​នៅឡើយទេ ទាក់ទងនឹងការចាក់វ៉ាក់សាំងដូសទី៣ ឬដូសជំរុញ សម្រាប់អ្នកសារព័ត៌មាន ដែលបានចាក់វ៉ាក់​សាំង Sinopharm និង Sinovac កាលពីដូសទី១ និងដូសទី២កន្លងមក។ នេះបើតាមការឲ្យដឹងពីលោក មាស សុ​ភ័​ណ្ឌ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន ដែលបានថ្លែងប្រាប់អ្នកសារព័ត៌មានកម្ពុជាថ្មី នៅព្រឹក​ថ្ងៃទី១០​ ខែសីហា ឆ្នាំ២០២១នេះ។

លោក មាស សុភ័ណ្ឌ បានថ្លែងថា ក្រសួងព័ត៌មាន នៅមិនទាន់ទទួលបាន ការជូនដំណឹង ពីក្រសួងសុ​ខាភិ បាល​នៅ​ឡើយ​ទេ ចំពោះការចាក់វ៉ាក់សាំងដូសទី៣ ឬដូសជំរុញ សម្រាប់អ្នកសារព័ត៌មាន។ លោកថា នៅពេលក្រសួងព័ត៌​មា​ន​ ទទួលបានការជូនដំណឹង ឬគោលការណ៍ពីក្រសួងសុខាភិបាលនោះ នឹងជូនដំណឹងនេះ ដល់បណ្ដាអង្គភាព​សារ​ព័ត៌​មាន​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងព័ត៌មាន បានថ្លែងថា «នៅទេ ប៉ុន្តែក្រសួងនឹងបន្ត ការទំនាក់ទំនង ក៏ដូចជារង់ចាំនូវគោល​ការ​ណ៍​ណែនាំ របស់ក្រសួងសុខាភិបាលផងដែរ ហើយនៅពេលដែលក្រសួង ទទួលបាននូវការណែនាំ របស់ក្រសួង​សុខាភិបាល ពាក់ព័ន្ធទៅនឹងអ្នកសារព័ត៌មាន ក្រសួងព័ត៌មាន នឹងជូនដំណឹង តាមបណ្ដាអង្គភាពសា​រព័ត៌មាន​តែ​ម្ដង»។

ក្រសួងសុខាភិបាល បានចាប់ផ្ដើមចាក់វ៉ាក់សាំងដូសទី៣ ឬដូសជំរុញ ប្រភេទវ៉ាក់សាំង Astra Zeneca សម្រា​ប់​មន្ត្រី​សុខាភិបាល អាជ្ញាធរ និងកង​កម្លាំ​ងប្រដាប់អាវុធ ដែលជាក្រុមមន្ត្រីជួរ នៅតាមបណ្ដាខេត្តជាប់ ព្រំដែន​កម្ពុជា​-ថៃ កាលពីថ្ងៃអាទិត្យសប្ដាហ៍មុន។ ការចាក់នេះ គឺសម្រាប់អ្នក ដែលបានចាក់វ៉ាក់សាំង Sinopharm និង Sinovac កាលពីដូសទី១ និងដូសទី២ប៉ុណ្ណោះ។

កាលពីថ្ងៃទី៩ ខែសីហាម្សិលមិញ ក្រសួងសុខាភិបាល ក៏បានជូនដំណឹង អំពីការ​ចាក់វ៉ាក់សាំងកូវីដ-១៩ ប្រភេទ​ Astra Zeneca ដូសជំរុញ ឬដូសទី៣ នៅរាជធានីភ្នំពេញផងដែរ។ តាមក្រសួងសុខាភិបាល ចំពោះមន្ត្រីរាជ​ការ​ស៊ីវិល និងមន្ត្រីជាប់កិច្ចសន្យា ដែលកំពុងបម្រើការនៅថ្នាក់ជាតិ ដែល​បានចាក់វ៉ាក់សាំង Sinopharm និង Sinovac ដូសទី១ និងដូសទី២រួចរាល់ សូមអញ្ជើញទៅចាក់វ៉ាក់សាំង Astra Zeneca ដូសជំរុញ ឬដូសទី៣ ចាប់ពីថ្ងៃទី១២ ខែសីហា ឆ្នាំ២០២១តទៅ នៅតាមមន្ទីរពេទ្យជាតិនានា។

គួររំលឹកថា សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា ក្នុងពិធីបើកយុទ្ធនាការ ចាក់វ៉ាក់សាំងបង្ការជំងឺ​កូវីដ-១៩ ដល់កុមារ និងយុវវ័យអាយុចាប់ពី១២ឆ្នាំ ដល់ក្រោម១៨ឆ្នាំ កាលពីថ្ងៃទី១ ខែសីហា ឆ្នាំ២០២១ បាន​ថ្លែងថា នៅពេលចាក់វ៉ាក់សាំងដូសទី៣ កុំភ្លេចអ្នកសារព័ត៌មាន ខណៈដែលអ្នកសារព័ត៌មាន បាននឹងកំពុងចុះយកព័ត៌មាន នៅតាមទីតាំងនានា ហើយក៏អាចប្រឈមនឹងហានិភ័យ នៃការឆ្លងជំងឺកូវីដ-១៩ដែរ។ កន្លងមកក្រោមការយក​ចិត្តទុក​ដាក់ របស់សម្ដេច​តេជោនាយករដ្ឋមន្ត្រី គឺក្រុមអ្នកសារព័ត៌មាន បានទទួលការចាក់វ៉ាក់សាំង​ការពារជំងឺ​កូវីដ-១៩ ក្នុង​ចំណោ​ម​ក្រុមមនុស្ស ដែ​លទទួលបានការចាក់វ៉ាក់សាំង មុនគេផងដែរ៕ (ដោយ)៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៦ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៧ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៧ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៨ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម