ព័ត៌មានជាតិ
ក្រុមគ្រូពេទ្យ កំពុងយកសំណាក មនុស្សប្រុស-ស្រី ចំនួន៣៨៥ នាក់ ដែលប្រមូលផ្តុំគ្នា រៀនវគ្គលក់អាហារបំប៉ន
ក្រុមគ្រូពេទ្យ និងអាជ្ញាធរខេត្តតាកែវ កំពុងយកសំណាកតេស្ត រកមេរោគកូវីដ-១៩ ទៅលើមនុស្សប្រុស-ស្រី ចំនួន៣៨៥នាក់ ដែលត្រូវបានឃាត់ខ្លួន ដោយសារប្រមូលផ្តុំគ្នា រៀនវគ្គលក់អាហារបំប៉នសុខភាព ល្មើសនឹងវិធានការ របស់រាជរដ្ឋាភិបាល ក្រសួងសុខាភិបាល និងសេចក្ដីណែនាំ របស់រដ្ឋបាលខេត្តតាកែវ ដើម្បីទប់ស្កាត់ការរាតត្បាត នៃជំងឺកូវីដ-១៩។
លោក អ៊ូច ភា អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាព រដ្ឋបាលខេត្តតាកែវ បានថ្លែងប្រាប់អ្នកសារព័ត៌មានកម្ពុជាថ្មី នៅរសៀលថ្ងៃទី១៦ ខែសីហានេះថា អាជ្ញាធរ និងក្រុមគ្រូពេទ្យ កំពុងតែយកសំណាក តេស្ដរកមេរោគកូវីដ-១៩ លើពួកគេទាំងនោះហើយ។ ប៉ុន្តែគិតមកដល់ពេលនេះ មិនទាន់យកអស់នៅឡើយទេ។ លោក អ៊ូច ភា បានថ្លែងយ៉ាងដូច្នេះថា «យើងកំពុងមើល មិនទាន់ឃើញលទ្ធផលឆ្លើយតបទេ ចាំមើលអស់សិន»។
ទាក់ទងនឹងចំណាត់ការ លើមនុស្សទាំងជាង៣រយនាក់ ដែលល្មើសនឹងវិធានការនេះ លោកអភិបាលខេត្តតាកែវ ក៏មិនទាន់អាចបញ្ជាក់នៅឡើយដែរ ដោយលោកថា រង់ចាំការតេស្ដរកកូវីដអស់សិន ទើបពិនិត្យថាតើ ត្រូវអប់រំណែនាំ ឬក៏មានវិធានការច្បាប់ បែបណាទៀត។
សូមជម្រាបថា កាលពីល្ងាចថ្ងៃទី១៥ ខែសីហា ឆ្នាំ២០២១ នៅចំណុចបុរីរស្មី សង្កាត់រកាក្នុង ក្រុងដូនកែវ ខេត្តតាកែវ មនុស្សប្រុស-ស្រី ចំនួន៣៨៥នាក់ ត្រូវបានសមត្ថកិច្ច និងក្រុមគ្រូពេទ្យ ចុះឃាត់ខ្លួនយកទៅធ្វើសំណាកតេស្ត រកមេរោគកូវីដ-១៩ ក្រោយពីពួកគេប្រមូលផ្តុំគ្នា ដោយមិនស្តាប់តាមការណែរនាំ របស់ក្រសួងសុខាភិបាល និងអាជ្ញាធរមូលដ្ឋាន។
សមត្ថកិច្ចបានធ្វើការឡោមព័ទ្ធ និងឃាត់ខ្លួនពួកគេ ដែលប្រមូលផ្តុំគ្នា មកសិក្សាវគ្គផ្នែកលក់អាហារបំប៉ន ជាមួយក្រុមហ៊ុក «យូនីស៊ីធី» ខេមបូឌា ដោយមិនបានស្តាប់តាមការណែនាំ របស់ក្រសួងសុខាភិបាល ក៏ដូចជាអាជ្ញាធរ និងបានផ្គើនពីច្បាប់ ស្តីពីវិធានការទប់ស្កាត់ ការឆ្លងរាលដាលជំងឺកូវីដ-១៩ និងជំងឺឆ្លងកាចសាហាវផ្សេងទៀត។
សូមជម្រាបថា តាមការណែនាំរបស់រាជរដ្ឋាភិបាល រដ្ឋបាលខេត្តតាកែវ បន្តការអនុវត្តវិធានការ រដ្ឋបាលក្នុងភូមិសាស្ត្រខេត្តតាកែវ រយៈពេល៧ថ្ងៃទៀត ចាប់ពីម៉ោង១១ និង៥៩នាទី ថ្ងៃទី១២ ដល់ថ្ងៃទី១៩ ខែសីហា ឆ្នាំ២០២១។ ក្នុងនោះ រួមទាំងហាមឃាត់ការជួបជុំ ហាមឃាត់ការលក់ដូរគ្រឿងស្រវឹង ព្រមទាំងដាក់បម្រាមគោចរ ចាប់ពីម៉ោង៩យប់ ដល់ម៉ោង៣ទៀបភ្លឺផងដែរ៕ (ដោយ)៖ ឃួន សុភ័ក្រ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២២ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ