ព័ត៌មានជាតិ

ជនសង្ស័យ៦នាក់ លួចកាត់យកខ្សែភ្លេីងនៅក្រុងបាត់ដំបង

បានផុស

៥ years មុន

នៅ

ថ្ងៃចន្ទ ៣០ សីហា ២០២១

ដោយ

ខេត្តបាត់ដំបង÷ ក្រុមមុខសញ្ញាលួចកាត់ខ្សែភ្លើងរបស់ពលរដ្ឋក្នុងក្រុងបាត់ដំបងចំនួន៦នាក់ ត្រូវបានសមត្ថកិច្ចតាមក្របួចជាប់កាលពីថ្ងៃទី២៨ខែសីហាឆ្នាំ២០២១ វេលាម៉ោង១០និង០៣នាទីនៅចំណុចភូមិកម្មករសង្កាត់ស្វាយប៉ោក្រុងបាត់ដំបង ខេត្តបាត់ដំបង។

សមត្ថកិច្ចបានឱ្យដឹងថា មួយរយៈពេលចុងក្រោយនេះ បានលេចឡេីងនូវករណីចោរកម្មលួចកាត់យកខ្សែភ្លេីងរបស់ប្រជាពលរដ្ឋនៅក្នុងមូលដ្ឋានមួយចំនួនក្នុងក្រុងបាត់ដំបង ដែលធ្វើឱ្យពលរដ្ឋក្តៅក្រហាយទើបសមត្ថកិច្ចបើកការស្រាវជ្រាវរហូតឃាត់ខ្លួនជនជាមុខសញ្ញាខាងលើតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រតិបត្តិការបង្ក្រាបជនជាមុខសញ្ញាលួចនេះ មានការសម្របសម្រួលលើនីតិវិធីពីលោកកែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបងផងឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍បង្ការបង្ក្រាបសហការណ៍ ជាមួយកម្លាំងការិយាល័យនគរបាលព្រហ្មទណ្ឌកម្រិតធ្ងន់ ចុះប្រតិបត្តិការបង្ក្រាបករណីលួច (កាត់យកខ្សែភ្លេីង)០១ករណីនិងបានធ្វេីការនាំខ្លួនជនសង្ស័យចំនួន០៦នាក់មកកាន់ស្នងការដ្ឋាន ដេីម្បីធ្វេីការសាកសួរស្រាវជ្រាវ។

សមត្ថកិច្ចបន្តថា ជនសង្ស័យទាំង៦នាក់រួមមាន៖ ១,ឈ្មោះខា.សុវណ្ណាហៅស្វាភេទប្រុសអាយុ១៥ឆ្នាំ មានទីលំនៅភូមិចំការឫស្សី សង្កាត់ព្រែកព្រះស្តេចក្រុងបាត់ដំបងខេត្តបាត់ដំបង។ ២,ឈ្មោះហែមវុត្ថាហៅគក់ ភេទប្រុសអាយុ៣១ឆ្នាំ មានទីលំនៅភូមិកម្មករសង្កាត់ស្វាយប៉ោក្រុងបាត់ដំបងខេត្តបាត់ដំបង។
៣,ឈ្មោះព្រាប សត្ថាឫទ្ធាហៅកុកភេទប្រុសអាយុ២២ឆ្នាំ មានទីលំនៅភូមិកម្មករសង្កាត់ស្វាយប៉ោក្រុងបាត់ដំបងខេត្តបាត់ដំបង។ ៤,ឈ្មោះផាត់ រក្សាហៅវូភេទប្រុសអាយុ២២ឆ្នាំ មានទីលំនៅភូមិបោះពោធិ៍ឃុំអូរដំបង១ស្រុកសង្កែខេត្តបាត់ដំបង។៥ ឈ្មោះចេង.រ៉ីភេទប្រុសអាយុ៤០ឆ្នាំមានទីលំនៅភូមិអូរតានប់សង្កាត់ក្តុលដូនទាវក្រុងបាត់ដំបងខេត្តបាត់ដំបង។៦,ឈ្មោះរឺន.ចន្ទរស្មីភេទប្រុសអាយុ២៩ឆ្នាំមានទីលំនៅភូមិវត្តគរសង្កាត់វត្តគរក្រុងបាត់ដំបង។

វត្ថុតាងដកហូតរួមមាន៖ ម៉ូតូ១គ្រឿងម៉ាកស៊ូស៊ូគីវីវ៉ាពណ៌ខ្មៅស៊េរីឆ្នាំ២០១៣ ពាក់ស្លាកលេខបាត់ដំបង1S.5587 សំបកជ័រខ្សែភ្លេីងមួយចំនួនដែលនៅសល់ ក្រោយពីហែកយកខ្សែបណ្តូលទង់ដែងទៅលក់អស់។

ពាក់ព័ន្ធករណីខាងលើលោកស្នងការបានអំពាវនាវដល់ប្រជាពលរដ្ឋនៅតាមមូលដ្ឋានចូលរួមសហការណ៍ជាមួយសមត្ថកិច្ចនគរបាលក្នុងពេលជួបប្រទះករណីខាងលេីដេីម្បីមានវិធានការបង្រ្កាបបានទាន់ពេលវេលា។ចំណែកជនសង្ស័យទាំង៦នាក់បច្ចុប្បន្នការិយាល័យជំនាញនៃស្នងការខេត្តកំពុងរៀបចំសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការតាមនីតិវិធី៕

អត្ថបទ៖ សៅ សារិទ្ធ

Related Topics:សន្តិសុខសង្គម