ព័ត៌មានជាតិ
អប់រំផ្សព្វផ្សាយ អំពីវិធានការ ការពារជំងឺកូវីដ នៅតាមភោជនីយដ្ឋាន និងអាជីវកម្មទទួលភ្ញៀវ នៅក្រុងកោះរ៉ុង
មន្ទីរទេសចរណ៍ ខេត្តព្រះសីហនុ និងក្រុមការងារអនុគណៈកម្មការទី៦ ប្រយុទ្ធប្រឆាំងជំងឺកូវីដ-១៩ រូមនិងអាជ្ញា ធរក្រុងកោះរ៉ុង មន្ត្រីសមត្ថកិច្ច និងសហគមន៍ទេសចរណ៍ក្រុងកោះរ៉ុង កាលពីថ្ងៃទី៣ ខែកញ្ញា ឆ្នាំ២០ ២១ បានចុះធ្វើការអប់រំផ្សព្វផ្សាយ ស្តីពី វិធានសុវត្ថិភាព ការពារជំងឺកូវីដ-១៩ តាមភោជនីយដ្ឋានអាហារដ្ឋាន បើកដំណើរ ការអាជីវកម្ម ទទួលភ្ញៀវឡើងវិញ នៅក្រុងកោះរ៉ុង ខេត្តព្រះសីហនុ។
លោក តាំង សុចិត្តគ្រឹះស្នា ប្រធានមន្ទីរទេសចរណ៍ ខេត្តព្រះសីហនុ បានឲ្យដឹងថា ដោយអនុវត្តតាមការ វិធា នសុវត្ថិភាព របស់ក្រសួងទេសចរណ៍ រដ្ឋបាលខេត្តព្រះសីហនុ មន្ទីរទេសចរណ៍ខេត្ត សហការពីអាជ្ញាធរមូលដ្ឋាន បានចុះធ្វើការណែនាំទៅដល់គោលដៅ សកម្មភាពម្ចាស់អាជីវកម្ម។
ម្ចាស់អាជីវកម្ម ដែលអនុញ្ញាតឲ្យភ្ញៀវចូលទទួល ទានអាហារនៅក្នុងទីតាំងរបស់ខ្លួន ត្រូវបំពេញតាមគោល ការណ៍ណែនាំ របស់ក្រុមការងារអនុគណៈកម្មការទី៦ តម្រូវឲ្យម្ចាស់អ្នកគ្រប់គ្រង និងបុគ្គលិក ត្រូវមានកាតបញ្ជាក់ការចាក់វ៉ាក់សាំងការពារជំងឺកូវីដ-១៩ ចំនួន២លើកបានរួចរាល់ អ្នកគ្រប់គ្រង និងបុគ្គលិកទាំងអស់ ត្រូវយកសំណាកចំនួន ២លើក ក្នុងមួយខែ ដែលជាបន្ទុករបស់ម្ចាស់អាជីវកម្ម។
ម្ចាស់អាជីវកម្មភោជនីយដ្ឋាន-អាហារដ្ឋានទាំងអស់ ត្រូវគោរពឲ្យបានត្រឹមត្រូវ ដោយអនុវត្តតាមវិធានការ- ៣កុំ ៣ការពារ” របស់សម្តេចតេជោនាយករដ្ឋមន្ត្រី វិធានការសុវត្ថិភាពទេសចរណ៍ របស់ក្រសួងទេសចរណ៍ និងវិធានការរបស់ក្រសួងសុខាភិបាល ស្តីពី ការទប់ស្កាត់ការរីករាលដាល នៃជំងឺកូវីដ-១៩។
ការបើកដំណើរការ អាជីវកម្មឡើងវិញ គឺជាការបំពេញតម្រូវ ការរបស់ភ្ញៀវទេសចរ ជាពិសេសការធានា បាននូវ និរន្តរភាព នៃសកម្មភាពសេដ្ឋកិច្ចសង្គម បង្កើនប្រាក់ចំណូល និងមុខរបរអាជីវកម្មផ្សេងៗ របស់ប្រជាពល រដ្ឋ នៅក្នុងក្រុងកោះរ៉ុង ដែលប្រជាពលរដ្ឋ ពឹងផ្អែកទៅលើវិស័យទេសចរណ៍ ក្នុងការបង្កើនជីវភាពគ្រួសារ។
លោកប្រធានមន្ទីរទេសចរណ៍ ក៏បានបញ្ជាក់បន្ថែមថា នៅបំណាច់ចុងឆ្នាំនេះ ខេត្តព្រះសីហនុ នឹងទទួលធ្វើ ជា ម្ចាស់ផ្ទះរៀបចំព្រឹត្តិការណ៍ វេទិកាទេសចរណ៍អាស៊ាន។ ដូច្នេះហើយសូមឲ្យអាជ្ញាធរ ជូនដំណឹងផ្សព្វផ្សា យ បន្តដល់ម្ចាស់អាជីវកម្ម នៅក្នុងក្រុងកោះរ៉ុង បានដឹងដើម្បីត្រៀមខ្លួន ទទួលភ្ញៀវទេសចរណ៍ជាតិ-អន្តរជាតិ មកទស្សនាកំសាន្ត ដូចនេះទាមទារឲ្យម្ចាស់អាជីវកម្មទាំងអស់ ពង្រឹងគុណភាពសេវាកម្ម សណ្ដាប់ធ្នាប់ បរិ ស្ថាន អនាម័យ សុខ សុវត្ថិភាព និងអាជីវកម្ម នៅលើក្រុងកោះរ៉ុងនេះ៕
អត្ថបទ៖ កោះពស់
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ