ព័ត៌មានជាតិ
ភ្លៀងមួយមេនៅភ្នំពេញល្ងាចមិញ រលំដើមឈើមួយដើមកាត់ទទឹងផ្លូវ
ខណៈមេឃភ្លៀងលាយឡំជាមួយខ្យល់បោកបក់ផងនោះ បានធ្វើឱ្យដើមដើមត្រសេកមួយដើមរលំកាត់ទទឹងផ្លូវបណ្ដាលឲ្យកកស្ទះចរាចរណ៍ខ្លះៗ ប៉ុន្តែសំណាងល្អមិនមានការគ្រោះថ្នាក់ឬខូចខាតយានយន្តរបស់ប្រជាពលរដ្ឋដែលធ្វើដំណើរ ឬក៏នៅក្បែរនោះឡើយ។
ដើមឈើធំ១ដើមនោះបានរលំកាលពីព្រលប់ថ្ងៃទី១៥ ខែកញ្ញា ឆ្នាំ២០២១នៅចំណុចផ្លូវ១៨៤កែងផ្លូវ៦៣ ភូមិ១២ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។
ពលរដ្ឋជិតខាងបានឱ្យដឹងថា នៅវេលាកើតហេតុមេឃបានងងឹតភ្លៀងលាយឡំជាមួយខ្យល់បោកបក់ផងនោះ បានធ្វើឲ្យដើមត្រសេកដ៏ធំមួយដើមនៅចំណុចកើតហេតុរលំកាត់ទទឹងផ្លូវតែសំណាងល្អមិនបណ្ដាលឱ្យមានការគ្រោះថ្នាក់ ឬខូចខាតយានយន្តរបស់ប្រជាពលរដ្ឋដែលធ្វើដំណើរ ឬក៏អ្នកនៅជិតខាងនោះឡើយ។
ប្រភពព័ត៌មានបានបញ្ជាក់ទៀតថា បន្ទាប់ពីមានហេតុការណ៍ដើមឈើរលំហើយនោះ គេឃើញកម្លាំងមូលដ្ឋានជាពិសេសលោក សុខ ពេញវុធ អភិបាលនៃគណៈអភិបាលខណ្ឌដូនពេញ បានចាត់ចែងកម្លាំងជំនាញចុះទៅអារកាត់ដើមឈើនោះចេញដើម្បីបញ្ចៀសការកកស្ទះចរាចរណ៍នៅតាមផ្លូវលោកផងដែរ។
ជាមួយនឹងការរលំដើមឈើនៅក្នុងមូលដ្ឋាននេះដែរ ប្រជាពលរដ្ឋក៏បានទទូចស្នើសុំឲ្យមន្ត្រីពាក់ព័ន្ធគួរតែចុះអារកាត់ដើមឈើធំៗទាំងនោះចេញដើម្បីបញ្ចៀសការគ្រោះថ្នាក់ដោយការរលំសង្កត់លើមនុស្សឬក៏ខូចខាតទ្រព្យសម្បត្តិជាយថាហេតុ។ ព្រោះពេលដែលមានហេតុការណ៍រលំដើមឈើសង្កត់លើមនុស្សរងការគ្រោះថ្នាក់ឬក៏ខូចខាតទ្រព្យសម្បត្តិរបស់ប្រជាពលរដ្ឋនោះមិនដែលឃើញមានអ្នកណាចេញមុខសងដល់ប្រជាពលរដ្ឋនោះទេ ដូច្នេះហើយពួកគាត់ក៏សូមឱ្យមន្ត្រីជំនាញសាធារណការគួរតែកាត់មានវិធានការដូចជាអារកាត់មែកធំៗចេញដើម្បីបង្កការបាក់ធ្លាក់ឬរលំព្រោះដើមឈើទាំងនោះមានអាយុកាលយូរឆ្នាំមកហើយដែលធ្វើឲ្យឫសពុកផុយអាចរលំនៅពេលណាមួយពេលដែលមេឃភ្លៀងលាយខ្យល់បោកបក់ផងនោះ៕
អត្ថបទ៖ រស្មី
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)