ព័ត៌មានជាតិ

បុរសម្នាក់ ជិះម៉ូតូទៅមើលបង្កៃបែរជាទៅដេកស្លាប់ក្នុងវាលស្រែ

បានផុស

៤ years មុន

នៅ

ថ្ងៃសុក្រ ១៧ កញ្ញា ២០២១

ដោយ

ភ្នំពេញ ៖ បុរសម្នាក់ជិះម៉ូតូចេញពីផ្ទះដើម្បីទៅមើលបង្កៃដែលដាក់នៅវាលស្រែបែរជាត្រូវគេប្រទះឃើញដេកស្លាប់ទៅវិញ បង្កការភ្ញាក់ផ្អើលកាលពីវេលាម៉ោង១០និង១៥នាទី ព្រឹកថ្ងៃទី១៧ ខែកញ្ញា ឆ្នាំ២០២១នេះ ស្ថិតក្នុងវាលស្រែមួយកន្លែង ភូមិព្រៃសាលាសង្កាត់ចោមចៅ២ ខណ្ឌពោធិ៍សែនជ័យ។

ជនរងគ្រោះឈ្មោះ វេង វៃ ភេទប្រុសអាយុ២៨ឆ្នាំ មុខរបរកម្មករសំណង់ ស្រុកកំណើតភូមិឈើទាលឃុំឈើទាល ស្រុកស្វាយជ្រុំ ខេត្តស្វាយរៀង ជិះម៉ូតូមួយគ្រឿងម៉ាកវ៉េវ ពណ៌ខ្មៅ គ្មានស្លាកលេខ បច្ចុប្បន្ន ស្នាក់នៅបន្ទប់ជួល ភូមិកើតហេតុខាងលើ។

តាមប្រភពព័ត៌មានពីប្រពន្ធឈ្មោះចាន់ទី អាយុ២៨ឆ្នាំ បានឲ្យដឹងថា ប្ដីរបស់គាត់មានជំងឺប្រចាំកាយ(ឆ្កូតជ្រូក) ហើយនៅវេលាម៉ោង៦ព្រឹកប្ដីរបស់គាត់បានទៅមើលបង្កៃត្រីនៅវាលស្រែគាត់ក៏រៀបចំចេញទៅធ្វើការរោងចក្រ ស្រាប់តែមានអ្នកភូមិខលប្រាប់ថា ប្តីរបស់គាត់បានដេកស្លាប់នៅវាលស្រែ ពេលនោះគាត់ក៏បានចេញមើលពិតជាប្ដីរបស់គាត់មែន។

បច្ចុប្បន្នសពកំពុងរង់ចាំខាង គ្រូពេទ្យ យកសំណាក បើមិនមានពាក់ព័ន្ធនឹងជំងឺកូវីត១៩ទេនិងយកសពទៅធ្វើបុណ្យតាមប្រពៃណីនៅឯស្រុកកំណើត៕

ដោយ ៖ សុខា