សន្តិសុខសង្គម
បុរស ២នាក់ នាំគ្នាទៅឆក់ត្រី តែភ្លាត់ស្នៀតឆក់ខ្លួនឯងស្លាប់ម្នាក់ និងរបួសធ្ងន់ម្នាក់
បុរស ២នាក់ នាំគ្នាទៅឆក់ត្រីនៅក្នុងអូរ តែបែរជាភ្លាត់ស្នៀត ឆក់ខ្លួនឯងស្លាប់ម្នាក់ និងរបួសធ្ងន់ម្នាក់។ ហេតុការណ៍នេះ កើតឡើងនៅវេលាម៉ោង ៣និង ១០នាទី រសៀលថ្ងៃទី ២៧ ខែមករា ឆ្នាំ ២០២២ នៅចំណុចអូរចូន ស្ថិតនៅក្នុងភូមិកាចូនលើ ឃុំកាចូន ស្រុកវើនសៃ ខេត្តរតនគិរី។
របាយការណ៍ របស់នគរបាលស្រុកវើនសៃ បានបញ្ជាក់ថា ជនរងគ្រោះទី១-ឈ្មោះ ស៊ីន ប៊ុនយី ភេទប្រុសអាយុ ៣៣ឆ្នាំ ជនជាតិទំពួន មុខរបរទាហាន នៅអង្គភាពវរៈ ៨៤ឈរជើង នៅអូរតាង៉ាវ ស្ថិតក្នុងខេត្តស្ទឹងត្រែង ស្លាប់ក្រោយពេលដឹកបញ្ជូន ទៅដល់មណ្ឌលសុខភាពកាចូន។
ជនរងគ្រោះទី២-ឈ្មោះ ទិន គី ភេទប្រុស អាយុ ២៨ឆ្នាំ ជនជាតិទំពួន មុខរបរកសិករ រងរបួសធ្ងន់ បានដឹកបញ្ជូន ទៅសង្រ្គោះនៅមណ្ឌលសុខភាពកាចូន ទាំង ២នាក់មានទីលំនៅភូមិ-ឃុំ កើតហេតុខាងលើ។
របាយការណ៍ បានបញ្ជាក់ទៀតថា ក្រោយពីទទួលបានព័ត៌មានភ្លាម បានចាត់កម្លាំងជំនាញ ចុះសហការជាមួយកម្លាំងប៉ុស្ដិ៍រដ្ឋបាលកាចូន ហើយលោកគ្រូពេទ្យមណ្ឌលសុខភាពកាចូន និងអាជ្ញាធរមូលដ្ឋាន បានចុះទៅដល់កន្លែងកើតហេតុ ដើម្បីធ្វើការពិនិត្សសាកសព និងធ្វើកោសល្យវិច័យសព ដែលមានសភាពរឹងគ្មានខ្លិន សម្លៀកបំពាក់ខោពណ៌កាហ្វេជើងខ្លី ហើយដងខ្លួនពុំមានស្លាកស្នាមអ្វី គួឲ្យកត់សម្គាល់ឡើយ។
សមត្ថកិច្ច បានសន្និដ្ឋានដោយយោងតាម ការពិនិត្យសាកសពជនរងគ្រោះខាងលើ និងផ្អែកតាមការបញ្ជាក់របស់លោកគ្រូពេទ្យ អាចសន្និដ្ឋានបានថា ករណីនេះពិតជាស្លាប់ ដោយសារក្បាលដុំឆក់ត្រី ឆ្លងចរន្តភ្លើង បណ្តាលឲ្យឆក់ខ្លួនឯងស្លាប់ ពិតប្រាកដមែន។
បន្ទាប់ពីធ្វើកោសល្យច័យរួចរាល់ សមត្ថកិច្ចបានធ្វើកំណត់ហេតុប្រគល់សព ជូនក្រុមគ្រួសារសាច់ញាតិ ដើម្បីយកទៅធ្វើបុណ្យតាមប្រពៃណី៕
អត្ថបទ៖ វុទ្ធ ឦសាន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង