ព័ត៌មានជាតិ

ចម្ការស្ពៃអ្នកព្រែកថ្មី ដែលប្រើប្រាស់ជីធម្មជាតិ កំពុងលូតលាស់ខៀវខ្ចី

បានផុស

៥ years មុន

នៅ

ថ្ងៃចន្ទ ៣០ វិច្ឆិកា ២០២០

ដោយ

ដំណាំស្ពៃរបស់អ្នកភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ កំពុងលូតលាស់ខៀវស្រងាត់ ដែលធ្វើឲ្យម្ចាស់ចម្ការញញឹមបិទមាត់មិនជិតគ្រប់ៗគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាកសិករមួយរូបនិយាយថា ដំណាំស្ពៃរបស់គាត់ គឺប្រើប្រាស់តែជីធម្មជាតិ ដោយមិនប្រើប្រាស់ជីគីមីដូចបន្លែនាំចូលពីប្រទេសជិតខាងឡើយ។ ម្យ៉ាងទៀត បន្លែស្ពៃរបស់កសិករ នៅព្រែកថ្មី គឺចាំបាច់កាត់យកទៅលក់នៅទីផ្សារឡើយ ព្រោះឈ្មួញមកម៉ៅដល់ចម្ការតែម្តង។

កសិករបានបន្ថែមថា មូលហេតុដែលកសិករយើងនាំគ្នាប្រើតែជីធម្មជាតិដាក់លើបន្លែគ្រប់មុខនេះ គឺដោយសារតែម្ចាស់ដំណាំបេះយកមកធ្វើម្ហូប ហើយអ្នកភូមិមកទិញយកទៅធ្វើម្ហូបសឹងតែស្ពៃដុះលូតលាស់មិនទាន់ផង ហើយតម្លៃថ្លៃថ្នូរ ក្នុងមួយគីឡូក្រាមថ្លៃ៣៥០០រៀល បើយកទៅលក់ដល់ផ្សារ ក្នុងមួយគីឡូក្រាមមិនតិចជាង៥០០០រៀលឡើយ។

កសិករបាននិយាយថា ជីធម្មជាតិដែលពួកគាត់យកទៅដាក់លើបន្លែសព្វថ្ងៃនេះ គឺដើមកំប្លោក ដើមកន្ត្រៀងខែតលាយជាមួយអាចម៍គោ ហើយក្នុងនោះប្រជាកសិករ សុំឲ្យប្រជាពលរដ្ឋខ្មែរយើងសូមនាំគ្នាបរិភោគបន្លែក្នុងស្រុក ទើបមានសុខភាពល្អ ព្រោះពុំមានដាក់ជីគីមីនាំប៉ះពាល់ដល់សុខភាពនោះ៕

អត្ថបទ៖ នរា

សូមចុចអាន៖ តំបន់សេដ្ឋកិច្ចពិសេសថ្មីមួយទៀត នឹងផុសរូបរាងឡើង ក្នុងឧទ្យានជាតិបុទុមសាគរ ខេត្តកោះកុង

Related Topics:ការដាំដុះ