ព័ត៌មានជាតិ
ខេត្តទាំង១០នេះ នៅមិនទាន់កំណត់ថ្ងៃ បើកដំណើរការសាលារៀនឡើងវិញទេ
គិតត្រឹមថ្ងៃទី២១ ខែកញ្ញា ឆ្នាំ២០២១នេះ មានខេត្តចំនួន១០ទៀត នៅមិនទាន់បានបើកដំណើរការសាលារៀនឡើងវិញ នៅឡើយទេ ក្នុងនោះមានខេត្តខ្លះកំពុងរៀបចំបើកដំណើរការនាពេលខាងមុខនេះ និងខេត្តខ្លះទៀត កំពុងមានការរាតត្បាតជំងឺកូវីដ១៩នៅឡើយ។
ខេត្តទាំង១០នោះរួមមាន ខេត្តកែប កំពត ព្រះវិហារ ស្ទឹងត្រែង មណ្ឌលគីរី ត្បូងឃ្មុំ សៀមរាប កំពង់ឆ្នាំងនិងខេត្តស្វាយរៀង។ ក្នុងចំណោមខេត្តទាំងនោះ មានខេត្តសៀមរាប កំពុងទទួលរងនូវការរាតត្បាតយ៉ាងធ្ងន់ធ្ងរ បង្ខំឱ្យអាជ្ញាធរខេត្តត្រូវបិទខ្ទប់តំបន់មួយចំនួន ដើម្បីទប់ស្កាត់ការឆ្លងរីករាលដាលជំងឺកូវីដ១៩នេះ។ ខេត្តព្រះវិហារ ក៏មានការឆ្លងគួរឱ្យកត់សម្គាល់ដែរ ដោយអាជ្ញាធរ បានសម្រេចបិទខ្ទប់ និងកំណត់ភូមិប្រើសក្អក ជាតំបន់ក្រហម ស្ថិតនៅឃុំម្លូព្រៃពីរ ស្រុកឆែប ខេត្តព្រះវិហារ រយៈពេល២សប្តាហ៍ពីថ្ងៃទី១៨ ខែកញ្ញា ឆ្នាំ២០២១ រហូតដល់ថ្ងៃទី០១ ខែតុលា ឆ្នាំ២០២១។ ក្រៅពីនេះ ខេត្តផ្សេងៗទៀត ដោយសារសាលាជាប់ធ្វើជាមណ្ឌលចត្តាឡីស័ក និងមណ្ឌលព្យាបាលជំងឺកូវីដ១៩ ដែលទាមទារឱ្យអាជ្ញាធរធ្វើការបោសសំអាតនិ ងបាញ់ថ្នាំសម្លាប់មេរោគជាមុនសិន មុននឹងអនុញ្ញាតឱ្យសិស្សចូលរៀន។
រីឯរាជធានីខេត្តទាំង១៥ ដែលបានបើកដំណើរការសាលាឡើងវិញនោះ រួមមានខេត្តព្រះសីហនុ បើកនៅថ្ងៃទី១៣កញ្ញា រាជធានីភ្នំពេញ ខេត្តកណ្តាល ពោធិ៍សាត់ ប៉ៃលិន ព្រៃវែង និងបន្ទាយមានជ័យ បើកនៅថ្ងៃទី១៥កញ្ញា។ តាកែវ កោះកុង កំពង់ធំ ឧត្តរមានជ័យ រតនគីរី ឧត្តរមានជ័យ បាត់ដំបង និងកំពង់ចាម បើកនៅថ្ងៃទី២០កញ្ញានេះ និងខេត្តស្វាយរៀងគ្រោងបើក នៅថ្ងៃទី២៧កញ្ញាដើមសប្តាហ៍ក្រោយ។
ជាកត់សម្គាល់ ក្នុងចំណោមសាលាដែលបើកដំណើរការឡើងវិញ ភាគច្រើនបើកថ្នាក់ទី៩និងថ្នាក់ទី១២សិនទេ ព្រោះជាឆ្នាំដែលសិស្សត្រូវចូលរួមប្រឡងយកសញ្ញាប័ត្រខាងពេលខាងមុខនេះ។ ចំពោះសាលា ដែលមិនទាន់បើកត្រូវសិក្សាតាមរយៈពីចម្ងាយ ឬតាមប្រព័ន្ធអេឡិចត្រូចនិក ឬការចែក សន្លឹកកិច្ចការដល់សិស្ស ឬការសិក្សាតាម បែបចម្រុះ។ ចំណែក លោកសៀម ប៊ុនរិទ្ធី អភិបាលរងខេត្តបាត់ដំបង បានមានប្រសាសន៍ថា ជាជំហានដំបូងនេះ ខេត្តបាត់ដំបងបើកសាលារៀន ដោយផ្តោតតែទៅលើសិស្សថ្នាក់ទី៩ និងសិស្សថ្នាក់ទី១២ប៉ុណ្ណោះ។ ចំណែកសិស្សថ្នាក់ផ្សេងទៀត នៅតែបន្តរៀនតាមអនឡាញឬពីចម្ងាយ។
លោកបានបន្តថា ការបើកជាជំហានៗនេះ ដោយសារបច្ចុប្បន្ននេះ សកម្មភាពជំងឺកូវីដ១៩នៅ ក្នុងខេត្តនៅមិនទាន់ធូរស្រាលនៅឡើយទេ ដោយសារមានប្រជាពលរដ្ឋមួយចំនួន មិនអនុវត្តតាមការណែនាំរបស់ក្រសួងសុខាភិបាល និងវិធានការរបស់រដ្ឋបាលខេត្ត ដូចជាមិនពាក់ម៉ាស មានការជួបជុំគ្នាលេងល្បែងស៊ីសងនិងផឹកស៊ីជាដើម។
លោកបានបន្តទៀតថា ជាវិធានការរដ្ឋបាលខេត្ត បានណែនាំដល់អាជ្ញាធរស្រុកឃុំត្រីវរៀបចំមេក្រូដាក់ផ្សព្វផ្សាយ ពីវិធានការការពារជំងឺកូវីដ១៩ ដល់ប្រជាពលរដ្ឋតាមមូលដ្ឋាននានា ដើម្បីឱ្យពួកគាត់បានយល់ដឹងចូលរួមទប់ស្កាត់ទាំងអស់គ្នា មុននឹងរដ្ឋបាលខេត្តអនុវត្តវិធានការរដ្ឋបាល និងច្បាប់ចំពោះអ្នកមិនពាក់ម៉ាស និងរក្សាគម្លាត ព្រោះខេត្តបាត់ដំបងជាខេត្តកាតព្វកិច្ច ដែលក្រសួងបានដាក់អនុវត្តរួចហើយ។
យ៉ាងណាក៏ដោយ គ្រប់សាលាដែលបើកដំណើរការត្រូវ អនុវត្តតាមស្តង់ដារប្រតិបត្តិ (SOP) ក្នុងការទប់ស្កាត់ការឆ្លងរាលដាលនៃជំងឺកូវីដ-១៩ ដោយធ្វើការពាក់ម៉ាស លាងដៃជាមួយអាល់កុល ឬជែល ការរក្សាគម្លាតសុវត្ថិភាពពីគ្នា និងហាមជួបជុំគ្នាជាក្រុម ដែលនាំឱ្យមានការឆ្លងមេរោគកូវីដ-១៩ ដោយប្រការណាមួយ។
លោក ប៉ិច រតនា ប្រធានមន្ទីរអប់រំ យុវជន និងកីឡាខេត្តកំពង់ធំ បានឲ្យដឹងថា ការបើកឲ្យដំណើរការសាលានេះដែរ ត្រូវបានអនុវត្តតាមគោលការណ៍ប្រតិបត្តិស្តង់ដារ(SOP) រួមមាន៖ ការរក្សាគម្លាត លាងសម្អាតបន្ទប់រៀន បន្ទប់ទឹក ការរៀបចំកន្លែងលាងដៃ មានសាប៊ូ អាល់កុល ឬជែល ការត្រៀមម៉ាស៊ីនវាស់កម្ដៅ ម៉ាស ការរៀបចំបន្ទប់សម្រាប់សង្គ្រោះបឋម និងអ្នកប្រចាំការ ហើយទន្ទឹមគ្នានេះសាលារៀន ត្រូវរៀបចំគណៈកម្មការសុខភាព រៀបចំក្រុមប្រឹក្សាកុមារនិងយុវជន ដើម្បីជួយសម្រួលក្នុងការវាស់កម្ដៅ និងបាញ់អាល់កុល ដើម្បីទប់ស្កាត់ការឆ្លងរីករាលដាលជំងឺកូវីដ-១៩ និងរក្សាសុវត្ថិភាពសិក្សា របស់សិស្សានុសិស្ស លោកគ្រូ អ្នកគ្រូ៕
អត្ថបទ៖ សំអឿន
ផ្លូវក្រវាត់ព្រំដែនខេត្តមណ្ឌលគិរី លេចរូបរាងបណ្ដើរៗ ដើម្បីត្រៀមទទួលពលរដ្ឋដែលចង់មកលេងកម្សាន្ត
កាកបាទក្រហមកម្ពុជា ឧបត្ថម្ភថវិកា៣សែនដុល្លារ ជូនសាខាកាកបាទក្រហមកម្ពុជារាជធានីភ្នំពេញ
ក្រសួងការងារ ជួបពិភាក្សាជាមួយភារធារីស្តីទីនៃស្ថានទូតលុចសំបួប្រចាំប្រទេសឡាវ លើវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ
អភិបាលខេត្តកណ្តាល ថ្លែងអំណរគុណពលរដ្ឋ ដែលចូលរួមគាំទ្ររាជរដ្ឋាភិបាលកសាងគម្រោងព្រែកជីកហ្វូណនតេជោ
មោទនភាព! ផលិតផលកម្ពុជារីកមុខរីកមាត់ នៅលើកម្មវិធីតាំងពិព័រណ៌អាហារនិងភេសជ្ជៈលំដាប់ពិភពលោក
តុលាការសម្រេចឃុំខ្លួនលោក ហង្ស សំណាង និងបក្ខពួកដាក់ពន្ធនាគារពីបទ ធ្វើឲ្យខូចទឹកចិត្តកងទ័ព
យោធភូមិភាគទី៣ បើកវគ្គហ្វឹកហ្វឺនពលទាហានថ្មីបំពេញឱ្យក្របខណ្ឌកងទ័ពជើងគោក
បុរសជនជាតិឥណ្ឌារត់ពន្ធពស់វែក ៤៧ក្បាលក្នុងវ៉ាលី ត្រូវបានចាប់ខ្លួននៅអាកាសយានដ្ឋាន Mumbai
៣៧ខេត្តនៅថៃ ជួបព្យុះមូសុង ក្នុងនោះ បាងកក ក៏រងឥទ្ធិពល
សម្តេចតេជោ ថ្លែងថានេះជាពេលដែលពលរដ្ឋកម្ពុជាគួរទទួលបានអាហារមានគុណភាពគ្មានជាតិគីមី
-
ព័ត៌មានជាតិ៥ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៤ ថ្ងៃ agoនាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៤ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៦ ថ្ងៃ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៦ ថ្ងៃ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម១ សប្តាហ៍ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
សន្តិសុខសង្គម៥ ថ្ងៃ agoសមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
សេចក្ដីជូនដំណឹង៣ ថ្ងៃ agoការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស