ព័ត៌មានជាតិ
អ្នកស្រី រដ្ឋា ប្រកបមុខរបរលក់ខ្យង ក្នុងមួយថ្ងៃ អាចរកចំណូលបានពី ៤ទៅ ៥ម៉ឺនរៀល
បើភ្ញៀវទេសចរណ៍ណា បានធ្វើដំណើរតាមផ្លូវជាតិលេខ៥៧ ពីបាត់ដំបង ឆ្ពោះទៅកាន់ខេត្តប៉ៃលិន ហើយបានឆ្លងកាត់ភូមិសំណាញ់ ដែលមានចម្ងាយពីរមនីយដ្ឋាន ប្រវត្តិសាស្រ្តភ្នំសំពៅ ប្រហែលពីរគីឡូម៉ែត្រ នោះគេនឹងឃើញអ្នកភូមិបានដាក់ខ្សង ក្នុងកញ្ច្រែងស្ងោរលក់មុខផ្ទះរៀងៗខ្លួនជាហូរហែរ សម្រាប់លក់ជូនអ្នកធ្វើដំណើរឆ្លងកាត់ និងម៉ូយ ដែលធ្លាប់មកទិញទទួលទាន។
អ្នកស្រី រដ្ឋា ដែលជាអ្នករាវខ្យងលក់ជាប្រចាំថ្ងៃ បាននិយាយថា ខ្យងនៅទីនេះ គឺជាខ្យងធម្មជាតិសុទ្ធសាធ ដោយអ្នកភូមិនាំគ្នា ទៅរាវនៅបឹងធំមួយក្បែរភូមិ គឺឈ្មោះបឹងច្រមុះ នឹងតាមវាលស្រែ ដែលសម្បូរទៅដោយខ្សងយ៉ាងច្រើននៅរដូវវស្សា។
អ្នកស្រីថា មុខរបររាវ និងលក់ខ្យងនេះ អាចរកប្រាក់ចំណូលក្នុងមួយថ្ងៃ ពី៤ទៅ ៥ម៉ឺនរៀលដែរ គ្រាន់ផ្គត់ផ្គង់ជីវភាព ក្នុងអំឡុងពេលប្រឈមនិងជំងឺកូវីដ-១៩ ពីព្រោះថា ពួកគាត់មិនបានចំណាយថ្លៃដើមទៅទិញនោះទេ គឺគ្រាន់តែកាន់ធុង ឬការ៉ុង ទៅចុះរាវក្នុងបឹង និងររកតាមវាលស្រែតែប៉ុណ្ណោះ។
នៅភូមិសំណាញ់នេះ មានប្រជាពលរដ្ឋ ទៅរាវខ្យងលក់ជាច្រើនគ្រួសារ ដែលដាក់លក់មុខផ្ទះរបស់ខ្លួន មានខ្យងឆ្អិន ជ្រលក់ទឹកប្រហុក ១គីឡូ តម្លៃ ៥.០០០រៀល និងខ្យងឆៅ ១គីឡូ ២.០០០រៀល សម្រាប់អតិថិជនទិញយកទៅចម្អិនខ្លួនឯង ដូចជា៖ ស្ងោរ អាំង ឆា ឬយកទៅស្លរប្រហើរជាដើម។
អ្នកស្រី រដ្ឋា បានឲ្យដឹងថា ខ្យងដែលលក់នៅភូមិសំណាញ់នេះ មានរស់ជាតិឆ្ងាញ់ ព្រោះជាខ្យងធម្មជាតិ គួបផ្សំនិងការផ្សំគ្រឿងផងដែរ គឺអ្នកទទួលទានហើយ ចង់ទទួលទានម្តងទៀត។ អ្នកស្រី បង្ហាញពីរូបមន្តខ្យងស្ងោរ នៅទីនេះ គឺយកខ្យងស្ងោរ ជាមួយទឹកដូងខ្ចី ដាក់ស្លឹកក្រូច គល់ស្លឹកគ្រៃនិង គ្រឿងទេសផ្សេងទៀត ជាការស្រេច។
ភូមិសំណាញ់នេះ ស្ថិតនៅឃុំភ្នំសំពៅ ស្រុកបាណន់ខេត្តបាត់ដំបង ប្រជាជននៅទីនេះ ក្រៅពីរាវខ្យងលក់ ពួកគាត់មានមុខរបរធ្វើស្រែចំការ និងរកស៊ីលក់ដូរ ខ្លះផងដែរ៕
អត្ថបទ៖ សោ និយមរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង