ព័ត៌មានជាតិ

ពលរដ្ឋ១២នាក់ ត្រូវសមាជិកក្រុមប្រឹក្សាស្រុកបូរីជលសារ ប្តឹងឡើងតុលាការ ករណីរំលោភកាន់កាប់ដី

បានផុស

២ years មុន

នៅ

ថ្ងៃពុធ ២៩ កញ្ញា ២០២១

ដោយ

ពលរដ្ឋ១២នាក់រស់នៅភូមិអង្គក្រូច និងភូមិកំពង់អំពិល ឃុំបូរីជលសារ ស្រុកបូរីជលសារ ខេត្តតាកែវ ត្រូវបានលោក ញ៉ាវ លី អតីតប្រធានការិយាល័យភូមិស្រុកបូរីជលសារ ហើយបច្ចុប្បន្នជាសមាជិកក្រុមប្រឹក្សាស្រុកផងនោះ ប្តឹងពួកគាត់ឡើងតុលាការខេត្តតាកែវ នៅព្រឹកថ្ងៃទី២៩ ខែកញ្ញា ឆ្នាំ២០២១ ដោយចោទប្រកាន់ថា បានរំលោភកាន់កាប់ដីរបស់គាត់ដោយខុសច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក មាស ប៊ុន ថា អាយុ៥១ឆ្នាំ និងលោក ហេន សុខ អាយុ៥៣ឆ្នាំ ជាដំណាងប្រជាពលរដ្ឋ បានឲ្យដឹងថា ពលរដ្ឋដែលត្រូវបានលោក ញ៉ាវ លី ប្តឹងចោទថា រំលោភដីគាត់នោះមាន ៣០គ្រួសារ ហើយនៅព្រឹកថ្ងៃទី២៩នេះផងដែរ តុលាការបានកោះហៅពលរដ្ឋ១២នាក់ ឲ្យចូលបំភ្លឺនៅសាលាដំបូងខេត្ត។ ពួកគាត់ទាំងពីរនាក់ បានបន្ថែមថា ប្រជាពលរដ្ឋទាំង៣០គ្រួសារ ដែលរស់នៅក្នុងភូមិកំពង់អំពិលនិងភូមិអង្គក្រូច ឃុំបូរីជលសារ ដែលម្នាក់ៗមានដីអាស្រ័យផលកន្លះហិចតា ១ហិចតា តាមតិចតាមច្រើនគ្រាន់ និងធ្វើស្រែចិញ្ចឹមជីវិតតាំងពីឆ្នាំ១៩៧៩ ស្រាប់តែពេលនេះ ត្រូវបានលោក ញ៉ាវ លី ដែលជាមន្ត្រីភូមិបាលស្រុកចូលនិវត្តប្តឹងថា បានកាន់កាប់ដីរបស់គាត់ខុសច្បាប់ទៅវិញ។

ក្រោយមានភាពចម្រូងចម្រាសហើយ តុលាការបានកោះហៅពលរដ្ឋ១២នាក់ ឲ្យចូលបំភ្លឺ ពលរដ្ឋ៣០គ្រួសារផ្សេងទៀត បានលើកគ្នាមកសាលាខេត្តតាកែវ ដើម្បីសុំអន្តរាគមន៍ពីលោកអភិបាលខេត្ត។ តំណាងពលរដ្ឋទាំងពីរភូមិ ដែលបានចូលជួបលោក អ៊ូច ភា អភិបាលខេត្តតាកែវ បានបញ្ជាក់ថា ករណីនេះ លោកអភិបាលខេត្ត និងចាត់តំណាងឲ្យទៅស្រាវជ្រាវ និងរកដំណោះស្រាវ ហើយលទ្ធផលយ៉ាងណានោះនិងអញ្ជើញតំណាងពលរដ្ឋទាំងពីរភូមិនេះ មកម្តងទៀតនៅថ្ងៃខាងមុខ៕

អត្ថបទ៖ វីរៈ