ព័ត៌មានជាតិ
អាជ្ញាធរថៃ ឃាត់ខ្លួនអាជីវករខ្មែរម្នាក់ ដែលលក់ទំនិញគេចពន្ធជាច្រើនមុខ នៅក្នុងផ្សារខៅឌិន
ស្ត្រីខ្មែរម្នាក់ ដែលមានស្រុកកំណើត នៅឃុំតាប៉ុន ស្រុកសង្កែ ខេត្តបាត់ដំបង ហើយបានទៅប្រកបមុខរបរជាអាជីវករ លក់ទំនិញនៅក្នុងផ្សារ ខៅឌិន (ផ្សារថៃ) ក្នុងភូមិ៨ ឃុំខ្លងហាត ស្រុកខ្លងហាត ខេត្តស្រះកែវ ជាប់និងច្រកអន្តរជាតិភ្នំដី (ស្រុកសំពៅលូន) ត្រូវបានអាជ្ញាធរថៃឃាត់ខ្លួន ពាក់ព័ន្ធនឹងការលក់ទំនិញគេចពន្ធ ដែលនាំចេញពីប្រទេសកម្ពុជា តាមច្រករបៀង។
ការឃាត់ខ្លួននេះ បានធ្វើឡើងកាលពីរសៀលថ្ងៃទី ៥ ខែតុលា ឆ្នាំ២០២១ នៅក្នុងតូបលក់ទំនិញមួយកន្លែង ក្នុងផ្សារ ខៅឌិន ខណៈដែលស្ត្រីខ្មែររូបនេះ កំពុងលក់បារីម៉ាក Olive ពណ៌ ស.ខៀវ ដែលជាបារីនាំចូលពីប្រទេសកម្ពុជា ទៅឲ្យអតិថិជនដែលជាជនជាតិថៃ គឺជាប្រភេទទំនិញមិនបានបង់ពន្ធ ឲ្យបានត្រឹមត្រូវទៅតាមផ្លូវច្បាប់។
ក្រោយពីទទួលបានបទបញ្ជាពីលោក ប្រាជ្ញា ភិមផាប៉ែន អភិបាលស្រុកខ្លងហាត ដែលបានដាក់ផែនការឲ្យពង្រឹងលើការត្រួតពិនិត្យ បទល្មើសឆ្លងដែនគ្រប់ប្រភេទ នៅគ្រប់បណ្តាច្រកសំខាន់ៗ ពិសេសច្រកអន្តរជាតិ ខៅឌិន (ច្រកភ្នំដី) តែម្តង ។ ទើបកម្លាំងយោធាការពារព្រំដែន សហការជាមួយកម្លាំងតម្រួតសេដ្ឋកិច្ច និងអង្គភាពគយ បានចុះត្រួតពិនិត្យលើទំនិញរួម របស់តូបដែលគេបានសង្ស័យ។
ស្ត្រីខ្មែរ ដែលជាអាជីវករលក់នៅក្នុងទឹកដីថៃនោះ មានឈ្មោះ សេង ទេវី អាយុ ៣០ឆ្នាំ រស់នៅឃុំតាប៉ុន ស្រុកសង្កែ ខេត្តបាត់ដំបង ត្រូវបានថៃឃាត់ខ្លួន ដោយបានរឹបអូសនូវទំនិញប្រភេទគេចពន្ធ សរុបចំនួន ៦៣មុខ។ ក្នុងនោះមានដូចជា៖ ស្រា បារី ស្រាបៀរ ភេសជ្ជ:ដែលមានសារធាតុអាល់កុល និងទំនិញផ្សេងៗទៀត ដែលសុទ្ធសឹងជាទំនិញនាំចូលពីកម្ពុជាដោយខុសច្បាប់។
ពេលកម្លាំងសមត្ថកិច្ច បញ្ជូនខ្លួនទៅកាន់សាលាស្រុកខ្លងហាត គឺស្ត្រីខ្មែររូបនេះ បានសារភាពថា ទំនិញទាំងនេះ ត្រូវបាននាំចូល តាមច្រករបៀងពីប្រទេសកម្ពុជា ក្នុងស្រុកសំពៅលូន គឺមិនអាចនាំចូលតាមច្រកអន្តរជាតិភ្នំដីបានឡើយ ព្រោះបច្ចុប្បន្ននេះថៃមានការរឹតបន្តឹងខ្លាំង ដោយទំនិញទាំងនោះ នាំយកទៅស្តុកទុកក្នុងតូបមួយរយ: ទើបបញ្ចេញមកដាក់លក់ជាធម្មតា ទើបមានការចុះពិនិត្យ និងឃាត់ខ្លួន ដកហូតទំនិញនាពេលនេះ តែម្តង។
បើតាមការខ្សឹបពីប្រភពមួយចំនួន ក្នុងស្រុកសំពៅលូន បាននិយាយថា ទំនិញគេចពន្ធដូចជា ស្រា បារី ត្រូវបានគេនាំឆ្លងដែន ក្នុងពេលយប់ជាញឹកញាប់ ហើយទើបតែផ្ទុះឡើង នៅពេលដែលថៃចាប់បាននាពេលនេះ ដោយទំនិញទាំងនេះភាគច្រើនចេញ តាមច្រកគីឡូ ៩។ ប៉ុន្តែបើច្រកនេះ ត្រូវបានរឹតបន្តឹង គឺឈ្មួញបង្វែឲ្យចេញតាមច្រក ខាងក្រោយជំនោរជាយដែន ត្រង់ចំណុចប៉ុស្តិ៍កូនភ្នំ ៣២ ក្នុងភូមិសាស្ត្រ ភូមិគីឡូ ១៣ ឃុំសន្តិភាព ស្រុកសំពៅលូន ខេត្តបាត់ដំបង ដោយមានការបើកដៃពីមន្ត្រីមួយចំនួន ដើម្បីផលប្រយោជន៍ និងលាភសក្ការៈ៕
អត្ថបទ៖ សោ និយមរ័ត្ន
-
ព័ត៌មានជាតិ១៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ