ព័ត៌មានជាតិ
ទម្លាយមន្ត្រីអធិការស្រុកសង្កែ ២ រូប ឃុបឃិតគ្នា ប្រព្រឹត្តិអំពើពុករលួយ
ខេត្តបាត់ដំបង÷ លិខិតអនាមិកជាច្រើនសន្លឹកត្រូវបានគេប្រទះឃើញនៅលើដងផ្លូវម្ដុំរង្វង់មូលលោកតាដំបងគ្រញូង ស្ថិតនៅក្នុងក្រុងបាត់ដំបងកាលពីព្រឹកថ្ងៃទី២២តុលា ឆ្នាំ២០២១។
ខ្លឹមសារនៅក្នុងលិខិតអានាមិកនេះសរសេរថា សូមគោរពជូន “សម្ដេចក្រឡាហោមស ខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃឯកឧត្តមឧត្តមសេនីយ៍ទោ សាត គឹមសាន ស្នងការខេត្តមេត្តាអនុវត្តអភិក្រមទាំង៥ របស់សម្ដេចអគ្គសេនាបតីតេជោហ៊ុន សែន”។
ដោយចោទប្រកាន់ចំៗទៅលើលោកស៊ុន សុវណ្ណជា អធិការស្រុកសង្កែ និងលោកហៀង យ៉ុងហុង អធិការរងផ្នែសេនាធិការបានរួមគ្នាប្រព្រឹត្តអំពើពុករលួយនៅក្នុងអង្គភាព និងបក្សពួកនិយម។
ឆ្លើយតបការចោទប្រកាន់ខាងលើលោកសាត គឹមសាន ស្នងការខេត្តបានឲ្យដឹងបែបនេះថា”ខ្ញុំបានទទួលដំណឹងនូវលិខិតអនាមិក ដែលបានសរសេរលាតត្រដាងអំពីរឿងអាស្រូវពុករលួយរបស់លោកអធិការស្រុកសង្កែនោះហើយ។ ពេលនេះខ្ញុំបានដាក់ផែនការទៅឲ្យខាងបុគ្គលិកជាអ្នកធ្វើការស្រាវជ្រាវ តែរហូតមកដល់ពេលនេះ ខ្ញុំមិនទាន់ទទូលបានលទ្ធផលយ៉ាងណានោះនៅឡើយ”។
បើយោងតាមខ្លឹមសារនៅក្នុងលិខតអានាមិកបានសរសេរចំៗទៅលើលោកស៊ុន សុវណ្ណ អធិការស្រុកសង្កែនិងលោកហៀង យ៉ុងហុង អធិការរងទទូលបន្ទុកសេនាធិការបានរួមគំនិតគ្នាប្រព្រឹត្តអំពើពុករលួយ បក្សពួកនិយមតម្លើងឋានន្តរស័ក្ដិទារលុយពីកូនចៅក្រោមឱវាទរបស់ខ្លួន ឲ្យមន្ត្រីអសកម្មមិនមកធ្វើការបើកប្រាក់ខែរដ្ឋ និងកាប់ទន្ទ្រានដីព្រៃលិចទឹកនៅតំបន់៣ របស់រដ្ឋក្នុងឃុំកំពង់ព្រៀង ស្រុកសង្កែធ្វើជាកម្មសិទ្ធរបស់ខ្លួន។
លិខិតដដែលបានបញ្ជាក់យ៉ាងច្បាស់ទៀថា ដោយសារតែទង្វើបែបនេះរបស់លោកអធិការ ទើបធ្វើឲ្យមន្ត្រីមួយចំនួននៅក្នុងអង្គភាព មានសតិអារម្មណ៍មិនល្អបណ្ដាលឲ្យគ្មានវិន័យក្នុងអង្គភាព ចំពោះការដឹកនាំរបស់លោកទាំង០២នាក់នេះ។ក្នុងលិខិតអនាមិកនេះក៏បានបង្ហាញឈ្មោះ និងអត្តលេខច្បាស់ៗថាមាន០៨រូប ដែលអសកម្មមិនដែលឃើញមុខចូលធ្វើការ តែមានវត្តមានចុះក្នុងបញ្ជីវត្តមានរាល់ថ្ងៃ និងបានបើកប្រាក់ខែយ៉ាងទៀងទាត់ទៀតផង។
ដោយឡែកមន្ត្រីចំនួន០៥រូបទៀត ក៏ត្រូវបានលិខិតនេះបញ្ជាក់ថា ត្រូវបានលោកអធិការនិងអធិការរងខាងលើនេះបានឃុបឃិតគ្នាស្ងាត់ៗរៀបចំផ្លាស់ប្ដូរតួនាទីពីផ្នែកមួយទៅផ្នែកមួយ ដោយគ្មានការឯកភាពពីថ្នាក់ដឹកនាំតាមផ្នែកជំនាញឡើយ និងខុសពីសេចក្ដីសម្រេចចាត់តាំងពីថ្នាក់លើ។
ពាក់ព័ន្ធការចោទប្រកាន់ពីលិខិតអានាមិកនេះលោកស៊ុន សុវណ្ណអធិការស្រុកសង្កែនិងលោកហៀង យ៉ុងហុងអធិការរង កាលពីល្ងាចថ្ងៃទីថ្ងៃទី២៥តុលាបានឲ្យកម្ពុជាថ្មីដឹងយ៉ាងខ្លីថា ពួកលោកទាំង២នាក់ ត្រូវបានការិយាល័យបុគ្គលិកឲ្យចូលបំភ្លឺរួចរាល់ហើយ។
បើទោះបីយ៉ាងណាក៏ដោយចុះ ពាក់ព័ន្ធករណីខាងលើនេះពលរដ្ឋក៏ដូចជាមហាជនរង់ចាំមើលចំណាត់ការសេុីបអង្កេតពីការិយាល័យជំនាញ ក៏ដូចជាលោកស្នងការខេត្តមានចំណាត់ការបែបណា រហូតមកដល់ពេលនេះ ខណៈដែលមហាជនដាក់ការសង្ស័យថា លិខិតអានាមិកនេះទំនងផ្ទុះចេញពីផ្ទៃក្នុងនៅក្នុងអង្គភាព ដែលមន្ត្រីមួយចំនួនមិនសប្បាយចិត្តស៊ូទ្រាំមិនបានទៅនឹងទង្វើដ៏អាក្រក់របស់លោកអធិការនិងលោកអធិការរងនាពេលកន្លងទៅ ទើបលាតត្រដាងច្បាស់ៗបែបនេះ៕
អត្ថបទ៖ សៅ សារិទ្ធ
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព