ព័ត៌មានជាតិ
ផ្លាស់ប្តូរអារម្មណ៍ទៅលេងកោះកុងក្រៅ ទស្សនាទឹកសមុទ្រថ្លាដល់បាតដី
កោះកុងក្រៅ មានចម្ងាយប្រមាណ៣០ គ.ម ពីក្រុងខេមរភូមិន្ទ មានសក្តានុពលផ្នែកធនធានធម្មជាតិ ជីវៈចម្រុះ និងមានឆ្នេរខ្សាច់ល្អស្រស់ស្អាត ស្ថិតនៅលើផ្ទៃទឹកសមុទ្រដ៏ធំល្វឹងល្វើយ ដែលមានពណ៌ខៀវស្រងាត់។
លោក សុខ សុទ្ធី អភិបាលរងខេត្តកោះកុងបានមានប្រសាសន៏ប្រាប់កម្ពុជាថ្មីថា កោះកុងក្រៅ មានឆ្នេរខ្សាច់ដ៏ស្រស់ស្អាត គួរជាទីគយគន់ ហើយបើប្រជាពលរដ្ឋ ឬអ្នកទេសចរចង់ទៅលេងអាចធ្វើដំណើតាមទូក ដោយចេញពីទីរួមខេត្តក៏បាន ឬចេញទីស្រុកកោះកុងក៏បាន។ ជារួមគឺត្រូវធ្វើដំណើតាមទូក ហើយនៅទីនោះ អ្វីដែលជាសក្តានុពលផ្នែកទេសចរណ៏ល្អបំផុត គឺឆ្នេរខ្សាច់ ដ៏ស្រស់ស្អាត ដោយសារនៅតំបន់នោះមិនទាន់មានការអភិវឌ្ឍន៏។
ក្រសួងទេសចរណ៏បានឲ្យដឹងថា កោះកុងក្រៅ ជាតំបន់កោះ ស្ថិតក្នុងឃុំជ្រោយប្រស់ ស្រុកកោះកុង ខេត្តកោះកុង។ ឆ្នេរកោះកុងក្រៅ មានចំនួន៦ឆ្នេរ ដែលឆ្នេរនីមួយៗមានខ្សាច់សស្អាត ទឹកសមុទ្រថ្លា អាចមើលឃើញដល់បាតសមុទ្រ ព្រមទាំងមានព្រែកខាងក្រោយឆ្នេរ ដែលអាចអោយយើងគយគន់ទេសភាពយ៉ាងស្រស់ស្អាត។ ដោយឡែកសម្រាប់ឆ្នេរ ដែលភ្ញៀវទេសចរណ៍និយមទៅលេង និងមានទឹកប្រើប្រាស់គ្រប់គ្រាន់គឺឆ្នេរទី៣ និងទី៤។ នៅទីនោះយើងអាចអង្គុយលេងស្ទូចត្រី ងូតទឹក ជិះទូកលេង ទស្សនាទឹកធ្លាក់ និងគយគយមើលលទិដ្ឋភាពថ្ងៃរៀបលិច។
ដើម្បីទៅកាន់ទីនោះ គឺត្រូវធ្វើដំណើរ ដោយយានយន្ត ឬម៉ូតូទៅកាន់ខេត្តកោះកុង (បើមកពីភ្នំពេញ ហួសផ្លូវបត់តារាសាគរប្រមាណ២០គីឡូម៉ែត្រ នៅខាងឆ្វេង នឹងឃើញផ្លូវដីក្រហមមួយ។ បត់តាមផ្លូវក្រហម ជិះប្រកាន់ផ្លូវបត់ឆ្វេង ប្រមាណជា១០គីឡូ នឹងទៅដល់ភូមិនេសាទមួយ ដែលអាចឡើងទូកនៅទីនោះ និងបន្ទាប់មក គឺធ្វើដំណើរដោយទូកប្រមាណ ១ម៉ោងកន្លះទៅ២ម៉ោងពីផែទូក ដើម្បីទៅដល់ឆ្នេរកោះកុងក្រៅ។
ដោយសារទីនោះជាទីតាំងធម្មជាតិ មិនទាន់មានការអភិវឌ្ឍន៍ ភ្ញៀវទេសចរណ៍ អាចស្នាក់នៅ ដោយការបោះជំរុំតង់លើឆ្នេរខ្សាច់ ដោយខ្លួនឯង។ ចំណែកម្ហូបអាហារអាចត្រៀមអង្ករ និងម្ហូបផ្សេងៗ ដូចជាត្រី សាច់ ឬគឿងសមុទ្រ និងគ្រឿងទេសម្រាប់ធ្វើម្ហូបញាំនៅទីនោះ (ម្ចាស់ទូកអាចជួយដាំបាយ និងធ្វើម្ហូបបាន)។
ទាក់ទងតំបន់កោះកុងក្រៅនេះ ក្រសួងបរិស្ថានធ្លាប់បញ្ជាក់ថា ក្រសួងបរិស្ថានបានបញ្ជូនក្រុមមន្ត្រីជំនាញ ទៅធ្វើការសិក្សាស្រាវជ្រាវ រៀបចំឯកសារ និងទិន្នន័យផ្សេងៗទាក់ទងនឹងតំបន់កោះកុងក្រៅនេះ តាំងពីឆ្នាំ២០១៦ មកម្ល៉េះ ដើម្បីដាក់តំបន់នេះជា “ឧទ្យានជាតិសមុទ្រ” ព្រោះតំបន់នេះសម្បូណ៍ដោយសក្តានុពលផ្នែកធនធានធម្មជាតិ និងជីវៈចម្រុះ និងមានឆ្នេរខ្សាច់ល្អស្រស់ស្អាត ដែលត្រូវការពារ និងអភិរក្ស ហើយនៅក្នុងគម្រោងផែនការ ក្រសួងបរិស្ថានរំពឹងថា នឹងអាចប្រកាសតំបន់កោះកុងក្រៅនេះជា “ឧទ្យានជាតិសមុទ្រ” អំឡុងឆ្នាំ២០២១នេះ ក្រោយការបញ្ចប់ការសិក្សារួចរាល់។
សម្តេចតេជោ ហ៊ុន សែន កាលពីថ្ងៃទី០៤ ខែមិថុនា ឆ្នាំ២០២០ បានចេញសេចក្តីសម្រេច បង្កើតគណៈកម្មការត្រួតពិនិត្យការអភិវឌ្ឍន៍នៅកោះកុងក្រៅនេះ ដែលគណៈកម្មការនេះ មានសមាសភាពចំនួន១០រូប មានលោក សាយ សំអាល់ រដ្ឋមន្ត្រីក្រសួងបរិស្ថាន ជាប្រធាន។ សេចក្តីសម្រេចនេះបានបញ្ជាក់ថា តំបន់កោះកុងក្រៅ ត្រូវបានគណៈរដ្ឋមន្ត្រី សម្រេចប្រគល់ឲ្យក្រុមហ៊ុន កោះកុង អេស អ៊ី ហ្សិត ខូអិលធីឌី ធ្វើការអភិវឌ្ឍន៏ តាមរយៈលិខិត ចុះថ្ងៃទី១៤ ខែមិថុនា ឆ្នាំ២០១៩៕
អត្ថបទ៖ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ