Connect with us

ព័ត៌មានជាតិ

ផ្លូវល្បឿនលឿនភ្នំពេញ-ព្រះសីហនុ អាចនឹងអនុញ្ញាតឱ្យពលរដ្ឋបើកបរសាកល្បងនៅចុងឆ្នាំ២០២២

បានផុស

នៅ

ផ្លូវ​ល្បឿន​លឿន​ភ្នំពេញ​-​ព្រះសីហនុ ដែលបោះទុនវិនិយោគប្រមាណ​២.០០០​លាន​ដុល្លារ​អាមេរិក​គ្រោង​នឹង​សាងសង់​រួច​រាល់​មុន​ការកំណត់​ហើយ​អាច​នឹង​អនុញ្ញាតឱ្យ​ប្រជាពលរដ្ឋ​បើកបរ​សាកល្បង​ផ្លូវ​មួយ​នេះ បាន​នៅ​ចុងឆ្នាំ​២០២២​ខាងមុខនេះ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ាង សុទ្ធា​យុ​ត្តិ ប្រធាន​នាយកដ្ឋាន​ព័ត៌មានវិទ្យា និង​ទំនាក់ទំនង​សាធារណៈ និង​ជា​អ្នកនាំ​ពាក្យ​ក្រសួង​សាធារណការ និង​ដឹកជញ្ជូន​បាន​មានប្រសាសន៍ថា ការស្ថាបនា​ផ្លូវ​ល្បឿន​លឿន​ពី​ភ្នំពេញ​ទៅ​ក្រុងព្រះសីហនុ គិត​មកទល់​បច្ចុប្បន្ន​នេះ​មាន​វឌ្ឍនភាព​ជារួម​ប្រមាណ​ជា​ជិត​៧០​ភាគរយ​ហើយ​បើ​ធៀប​នឹង​ផែនការ​យើង​ដើរ​លឿន​ជាង​ផែនការ​បន្តិច​ហើយ​ការរំពឹង​គឺ​យើង​អាច​បញ្ចប់​ការ​សាងសង់​ផ្លូវ​នេះ​មុនពេល​កំណត់​។​

យោងតាម​របាយការណ៍​របស់​ក្រុមហ៊ុន​អភិវឌ្ឍន៍​ផ្លូវ​ល្បឿន​លឿន​ភ្នំពេញ​-ព្រះសីហនុ​បានឱ្យដឹងថា​តាម​ផែនការ​ផ្លូវ​ល្បឿន​លឿន​ពី​ភ្នំពេញ​ទៅ​ក្រុងព្រះសីហនុ នឹង​ចប់​រួចរាល់​ជា​ស្ថាពរ​នៅ​ខែកញ្ញា ឆ្នាំ​២០២២ បន្ទាប់ពី​បើក​ការដ្ឋាន​សាងសង់​នៅ​ថ្ងៃទី​២២ ខែមីនា ឆ្នាំ​២០១៩ ក្នុង​ទុនវិនិយោគ​របស់​ក្រុមហ៊ុន​សាជីវកម្ម​ស្ពាន និង​ថ្នល់​ចិន​(CRBC)​ពី​ប្រទេស​ចិនតាមរយៈ​ក្រុមហ៊ុន Cambodian PPSHVExpressway Co.,Ltdប្រមាណ​២.០០០​លាន​ដុល្លារ​អាមេរិកនិង​ហិរញ្ញប្បទាន​ឥត​សំណង​ពី​រដ្ឋាភិបាល​ចិន​ប្រមាណ​១៥០​លាន​ដុល្លារ​។​

លោក​បន្តថា លោកទេសរដ្ឋមន្ត្រី ស៊ុន ចាន់ថុល កំពុង​ចរចា​ជាមួយ​ភាគី​ក្រុមហ៊ុន​វិនិយោគ​ផ្លូវ​នេះ​ ដើម្បី​អនុញ្ញាតឱ្យ​ប្រជាពលរដ្ឋ​អាចធ្វើ​ការបើកបរ​សាក​ល្បង​នៅលើ​ផ្លូវ​នេះសំដៅ​ឱ្យបាន​យល់ដឹង​ពី​ស្ថានភាព​ផ្លូវ​ជាមុនសិន មុននឹង​ឈានទៅ​ដាក់ឱ្យ​ប្រើប្រាស់​ជា​ផ្លូវការ ដោយ​ការបង់ប្រាក់​។​

លោក​បាន​បន្តទៀតថា «ប្រ​បើសិនជា​ការចរចា​ទទួលបាន​ការឯកភាព​ពី​ភាគី​វិនិយោគ​ចិន គឺ​ផ្លូវ​នេះ​ នឹង​អាច​អនុញ្ញាតឱ្យ​ប្រជាពលរដ្ឋ​បើកបរ​សាកល្បង​បាន​នៅ​ចុងឆ្នាំ​២០២២ ពោលគឺនៅពេល​សំណង់​ផ្លូវថ្នល់​នេះ​រួចរាល់​ជា​ស្ថាពរ​»​។​

បើតាម​ក្រសួង​សាធារណការ​និង​ដឹក​ជ​ញ្ជូន​បាន​បញ្ជាក់ថា ​បើទោះជា​ថ្ងៃ​សម្រាកតែ​បងប្អូន​យើង នៅ​ការដ្ឋានកំពុង​ខំប្រឹងប្រែងដើម្បី​ឆាប់​បាន​ផ្លូវដ៏មាន​សក្តានុពល​មួយ​ខ្សែ​នេះ ប​ម្រើ​ដល់ ការធ្វើដំណើរ និង​ការដឹកជញ្ជូនរបស់​បងប្អូន​ប្រជាពលរដ្ឋ ពី​ប៉ូល​សេដ្ឋកិច្ច និង​ទេសចរណ៍ ដ៏​សំខាន់​មួយមកកាន់​បេះដូង​នៃ​ព្រះរាជាណាចក្រ​កម្ពុជា ។​

គួរ​បញ្ជាក់ថា ​គម្រោង​ផ្លូវ​ល្បឿន​លឿន​នៅ​កម្ពុជា​លើកដំបូង​នេះ មាន​ប្រវែង​សរុប​ជាង​១៩០​គីឡូ​ម៉ែត្រ ចាប់ពី​ក្នុង​សង្កាត់​សំរោងក្រោមខណ្ឌ​ពោធិ៍​សែន​ជ័យ រាជធានី​ភ្នំពេញ ដល់​ក្រុងព្រះសីហនុ​ ដោយមាន​ទទឹង​តួ​ផ្លូវ​២៤,៥​ម៉ែត្រ និង​ក្រាល​បេតុង​កៅស៊ូ​(AC)​កម្រាស់​១០​សង់ទីម៉ែត្រចំណែក​គន្លង​ផ្លូវ​ធ្វើចរាចរ​ចែកជា​៤​គន្លង (២​គន្លង​ទៅ ២​គន្លង​មក​)ដែល​អនុញ្ញាតឱ្យ​យានយន្ត​គ្រប់​ប្រភេទអាច​បើកបរ​ក្នុង​ល្បឿន​រហូតដល់​១០០​គីឡូម៉ែត្រ ក្នុង​មួយ​ម៉ោង និង​កន្លែង​ខ្លះ​អាច​បើកបរ ក្នុង​ល្បឿន​ដល់​១២០​គីឡូម៉ែត្រ ក្នុង​មួយ​ម៉ោង​៕​

អត្ថបទ៖ សំអឿន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣៧ នាទី មុន

ភ្លៀង​មួយ​មេ​ធំ​លាយឡំ​និង​ខ្យល់​រន្ទះបាញ់​ដើម​អាកាស្យា​បណ្ដាល​ឲ្យ​សិស្ស​០៦​នាក់​ដួល​សន្លប់

ព័ត៌មានជាតិ៥១ នាទី មុន

ឧបនាយករដ្ឋមន្ត្រី ប្រាក់ សុខុន ប្រាប់​ពី​សមិទ្ធិផល​ធំៗ​ចំនួន​៤ ដែល​ក្រុមការងារ​ការទូត​សេដ្ឋកិច្ច​សម្រេចបាន

ព័ត៌មានជាតិ៥៤ នាទី មុន

ឧបនាយករដ្ឋមន្ត្រី ប្រាក់ សុខុន កោត សរសើរ​ទំនាក់ទំនង​កម្ពុជា​-​ទួ​ក​គី

សន្តិសុខសង្គម១ ម៉ោង មុន

ដឹក​ដី​ចាក់​លំនៅឋាន ដោយ​គ្រាប់​ផ្លោង​មក​ជា​មួយ ៩ គ្រាប់

សន្តិសុខសង្គម២ ម៉ោង មុន

ចាប់ខ្លួន​ជំនួយការ​ឧកញ៉ា​ម្នាក់ បញ្ជូន​ទៅ​តុលាការ​ពាក់​ព័ន្ធ​នឹង​លុយ​ជាង​២១​ម៉ឺន​ដុល្លារ

Sokha Hotels

ព័ត៌មានពេញនិយម