ព័ត៌មានជាតិ
ព្រឹត្ដិការណ៍វប្បធម៌អាស៊ាន នាំកម្ពុជាក្លាយជាមជ្ឍមណ្ឌលផ្សព្វផ្សាយវប្បធម៌ខ្មែរ
សៀមរាប៖ ទីក្រុងសៀមរាប បានរៀបចំព្រឹត្តិការណ៍វប្បធម៌អាស៊ាន ដែលធ្វើឡើងរយៈពេល២ថ្ងៃចាប់ពីថ្ងៃទី១០ដល់ថ្ងៃទី១២ខែធ្នូ ឆ្នាំ២០២១នៅ ខាងមុខប្រាសាទអង្គរវត្ត។
លោក ហាប់ ទូច រដ្ឋលេខាធិការក្រសួងវប្បធម៌និងវិចិត្រសិល្បៈបានលើកឡើងថា កម្ពុជាធ្វើជាប្រធានប្តូរវេន កិច្ចប្រជុំថ្នាក់រដ្ឋមន្ត្រីអាស៊ានទទួលបន្ទុកវប្បធម៌និងសិល្បៈ ហើយបានប្រកាសជ្រើសរើសយកទីក្រុងសៀមរាម ជាទីក្រុងវប្បធម៌អាស៊ាន សម្រាប់ឆ្នាំ២០២០-២០២២។
ការរៀបចំព្រឹត្តិការណ៍នេះនឹងជួយបង្កើនការផ្សព្វផ្សាយនិងបំផុសស្មារតីជាតិទាំងមូល ឱ្យចូលរួមលើកស្ទួយការអភិរក្សនិងអភិវឌ្ឍន៍វប្បធម៌ជាតិ ដើម្បីរួមចំណែកអភិវឌ្ឍសេដ្ឋកិច្ចសង្គម ស្រមតាមផែនការយុទ្ធសាស្ត្ររបស់ រាជរដ្ឋាភិបាលនិងគោលនយោបាយជាតិស្តីពីវិស័យវប្បធម៌។
ការដាក់បញ្ចូលទីក្រុងសៀមរាបជាទីក្រុងវប្បធម៌អាស៊ាននេះ គឺជាមោទនភាពសម្រាប់ជាតិខ្មែរទាំងមូល ពិសេសសម្រាប់ខេត្តសៀមរាប ដែលជាទឹកដីពោរពេញទៅ ដោយមរតកវប្បធម៌ដ៏សម្បូណ៌បែបទាំងរូបី និងអរូបី ជាពិសេសរមណីយដ្ឋានអង្គរដែលជាបេតិកភណ្ឌពិភពលោកដ៏ល្បីល្បាញ និងជាគោលដៅទេសចរណ៍វប្បធម៌ ប្រកបដោយសក្តានុពលនៅក្នុងតំបន់ និងពិភពលោក។
លោកហាប់ ទូច បញ្ជាក់ថា ព្រឹត្តិការណ៍វប្បធម៌នេះក៏ជាផ្នែកមួយនៃការស់នៅ តាមគន្លងប្រក្រតីភាពថ្មី ក្នុងបរិបទនៃជំងឺកូដ១៩ ដើម្បីបើកដំណើរការស្តារសេដ្ឋកិច្ចជាតិឡើងវិញផងដែរ។
ក្រសួងវប្បធម៌និងវិចិត្រសិល្បៈ បានចាត់ទុកព្រឹត្តិការណ៍វប្បធម៌អាស៊ានដែលរៀបចំនៅ ទីក្រុងសៀមរាប ជាព្រឹត្តិការណ៍ ប្រវត្តិសាស្ត្រមួយដ៏សំខាន់ បង្ហាញស្នាដៃសិល្បៈវប្បធម៌ គ្រប់រូបភាព ឲ្យកាន់តែផុលផុសឡើងថែមទៀត ដើម្បីប្រែក្លាយសក្តានុពលវប្បធម៌ខ្មែរឲ្យទៅ ជាកម្លាំងលើកទឹកចិត្តកូនខ្មែរ ឲ្យចេះប្រើប្រាស់គំនិតបញ្ញា ដើម្បីផលិតស្នាដៃវប្បធម៌ថ្មីៗ ប្រែក្លាយព្រះរាជាណាចក្រកម្ពុជាឲ្យទៅ ជាមជ្ឈមណ្ឌលផ្សព្វផ្សាយផលិតផលវប្បធម៌ខ្មែរ។ ព្រឹត្តិការណ៍វប្បធម៌នេះ ក៏ជាកាលានុវត្តភាពក្នុងការរៀនសូត្រ ផ្លាស់ប្ដូរបទពិសោធន៍ពីគ្នាទៅ វិញទៅ មក ដើម្បីពង្រឹងសមត្ថភាព និងគុណភាព ដោយចាប់យកអត្ថប្រយោជន៍ពីសក្តានុពល ធនធានវប្បធម៌ សម្រាប់ការអភិវឌ្ឍសេដ្ឋកិច្ច សំដៅ រួមចំណែកលើកកម្ពស់ជីវភាពរស់នៅ បស់ប្រជាជន តាមរយៈការបង្កើតផលិតផលវប្បធម៌ថ្មីៗសម្បូណ៌បែបថែមទៀត សម្រាប់បម្រើដល់សេចក្តីត្រូវការក្នុងស្រុក និងវិស័យទេសចរណ៍ ដែលជួយជំរុញធ្វើឱ្យកម្ពុជា ក្លាយជាមជ្ឈមណ្ឌលផ្សព្វផ្សាយផលិតផលវប្បធម៌ខ្មែរ ស័ក្តិសមជា ព្រះរាជាណាចក្រនៃវប្បធម៌។
លោក ហាប់ ទូច ក៏បានស្នើឱ្យផ្នែកពាក់ព័ន្ធនានាយកចិត្តទុកដាក់ចំពោះព្រឹទ្ធាចារ្យសិល្បៈ និងអ្នកចំណេះជំនាញដែលជាជ័យលាភីកន្លងមក និងក្នុងពេលនេះ ត្រូវខិតខំយកចិត្តទុកដាក់ថែរក្សា និងផ្ទេរចំណេះដឹងជូនសាធារណជន ពិសេសយុវជនជំនាន់ក្រោយ ដើម្បីឲ្យពួកគេមាន ការយល់ដឹងកាន់តែច្បាស់អំពីតម្លៃនៃវប្បធម៌ និងចូលរួមជាចំណែកក្នុងការថែរក្សាការពារមត៌កវប្បធម៌ឲ្យបានគង់វង្សទៅ អនាគត។ ភាពគង់វង្ស និងរីកចម្រើននៃវប្បធម៌ជាតិក៏ជាផ្នែកមួយនេះការលើកម្ពស់សេដ្ឋកិច្ចជាតិ និងសុខមាលភាពសង្គមផងដែរ។
សូមជម្រាបថា ព្រឹត្ដិការណ៍នេះក៍មានការតាំងពិព័រណ៍ និងប្រកួតប្រជែងម្ហូបអាហារខ្មែរផងដែរ។ យោងតាមរបាយការណ៍បូកសរុបរបស់គណៈកម្មការរៀបចំព្រឹត្តិការណ៍ និងការចុះពិនិត្យជាក់ស្តែង ឃើញថាព្រឹត្តិការណ៍នេះមានសកម្មភាពវប្បធម៌ជាច្រើន នៅ តាមទីកន្លែងផ្សេងៗគ្នា នៅ ក្នុងក្រុងសៀមរាប និងនៅ រមណីយដ្ឋាន មានជាអាទិ៍ ការបង្ហាត់និងបង្ហោះខ្លែងខ្មែរ, មហោស្រពដណ្តាំស្លរម្ហូបអាហារខ្មែរ, តន្ត្រីបុរាណ, របាំ, ល្ខោន, ល្បុក្កតោ, កម្មវិធីអំណាន, ការគូររូបតាមដងផ្លូវការសូត្រកំណាព្យការនិទានរឿង, ការតាំងពិព័រណ៍គំនូរតម្បាញសូត និងកម្មវិធីចម្រុះជាច្រើនទៀត៕
អត្ថបទ៖ គឿនវេត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ