Connect with us

ព័ត៌មានជាតិ

ក្រសួង​ប្រកាស​ បើក​បវេសន​កាល​ ឆ្នាំសិក្សាថ្មី​ នៅថ្ងៃទី ១០ ខែមករា​ ខាងមុខ

បានផុស

នៅ

ក្រសួងអប់រំយុវជន និងកីឡា នឹងប្រកាសបើកបវេសនកាល ឆ្នាំសិក្សាថ្មី ២០២១-២០២២ នៅថ្ងៃទី ១០ ខែមករាឆ្នាំ២០២២ខាងមុខនេះ។

លោក រស់ សុវាចា អ្នកនាំពាក្យក្រសួងអប់រំយុវជន និងកីឡា បានមានប្រសាសន៍ នៅព្រឹកថ្ងៃទី ៣០ ខែធ្នូនេះថា ក្រសួងនឹងបើកបវេសនកាលឆ្នាំសិក្សាថ្មីឆ្នាំ ២០២១-២០២២ នៅថ្ងៃទី ១០ខែមករាឆ្នាំ ២០២២ សម្រាប់គ្រឹះស្ថានសិក្សាសាធារណ: គ្រប់កម្រិតថ្នាក់ គឺពីកម្រិតមត្តេយ្យដល់ថ្នាក់ទី១២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងអប់រំ យុវជន និងកីឡាបានបិទបញ្ចប់ឆ្នាំសិក្សា ២០២០-២០២១ នៅតាមគ្រឹះស្ថានសិក្សាចំណេះទូទៅសាធារណៈនកាលពីថ្ងៃទី១៨ ខែធ្នូ ឆ្នាំ២០២១កន្លងទៅនេះ។

ក្រសួងបានណែនាំដល់គណៈគ្រប់គ្រងគ្រឹះស្ថានសិក្សា លោកគ្រូ អ្នកគ្រូ ត្រូវចាប់ផ្តើមយុទ្ធនាការចុះឈ្មោះចូលរៀនសម្រាប់ កុមារដែលមានអាយុ ៦ឆ្នាំ ឬ ៧០ខែ យ៉ាងតិច (គិតត្រីថ្ងៃទី១០ ខែមករា ឆ្នាំ២០២២) និងកុមារដែលបានបោះបង់ចោលការសិក្សា ដោយសារផលប៉ះពាល់នៃជំងឺកូដ-១៩ ក្រោមការសហការ និងគាំទ្រពីគណៈកម្មការទ្រទ្រង់គ្រប់គ្រងគ្រឹះស្ថានសិក្សាអាជ្ញាធរដែនដី សហគមន៍ មាតាបិតា អ្នកអាណាព្យាបាលសិស្ស។

ជាមួយគ្នានេះដែរ គណៈគ្រប់គ្រងសាលា គ្រូទទួលបន្ទុកថ្នាក់ ត្រូវរៀបចំបញ្ជីឈ្មោះសិស្សឡើងថ្នាក់ ត្រួតថ្នាក់ បោះបង់ ការសិក្សា សិស្សផ្ទេរចូលសម្រាប់ឆ្នាំសិក្សាថ្មីផងដែរ។

គួរបញ្ជាក់ថា ដោយសារជំងឺកូវីដ១៩ បានធ្វើឱ្យប្រទេសកម្ពុជាបិទសាលាជាបន្តបន្ទាប់ដើម្បីទប់ស្កាត់ការឆ្លងរីករាលដាលជំងឺកូវីដ១៩ចូលក្នុងសាលារៀន។

ស្ថានភាពជំងឺកូវីដ១៩ នៅប្រទេសកម្ពុជាមានការធ្លាក់ចុះជាបន្តបន្ទាប់ដែលធ្វើឱ្យរាជរដ្ឋាភិបាលបានប្រកាសបើកប្រទេសនិងសេដ្ឋកិច្ចឡើងវិញ និងបានប្រកាសបិទបញ្ចប់ព្រឹត្តិការណ៍សហគមន៍ ២០ កុម្ភៈ ឆ្នាំ២០២១ ព្រមទាំងរៀបចំការប្រឡងសញ្ញាបត្រមធ្យមសិក្សាទុតិយភូមិដែលមានបេក្ខជនចូលរួមប្រឡងជាង ១១ម៉ឺននាក់ ទទួលបានដោយជោគជ័យដោយមិនមានបេក្ខជន ឬបុគ្គលិកអប់រំណាម្នាក់មានឆ្លងជំងឺកូវីដ១៩ នៅក្នុងដំណើរការប្រឡងរយៈពេល២ថ្ងៃកន្លងទៅនេះទេ។

យ៉ាងណាក៏ដោយគេមិនដឹងថា ការបើកបវេសនកាលឆ្នាំសិក្សាថ្មី ២០២១-២០២២នេះ នឹងមានការរៀបចំពិធីជួបជុំលក្ខណៈទ្រង់ទ្រាយធំយ៉ាងណានោះទេ ឬមួយបន្តឱ្យសាលានីមួយៗ ធ្វើលក្ខណៈទ្រង់ទ្រាយតូចៗ ដើម្បីទប់ស្កាត់ការឆ្លងរាលដាលជំងឺកូវីដ១៩ ពិសេសប្រភេទបំប្លែងថ្មី អូមីក្រុង៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី

ព័ត៌មានជាតិ៤ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៥ ម៉ោង មុន

ក្រសួង​ការងារ​នាំ​យក​ប្រាក់​ឈ្នួល និង​ប្រាក់​បំណាច់​ជូន​កម្មករ​រោងចក្រ Y&W ដែល​កំពុង​សម្រាលកូន​ដល់​មន្ទីរពេទ្យ

ព័ត៌មានជាតិ៦ ម៉ោង មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ៦ ម៉ោង មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៤ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម