ព័ត៌មានជាតិ
អ្នកឆ្លងជំងឺកូវីដ១៩ ប្រភេទអូមីក្រុងនៅកម្ពុជា កើនឡើងជាង៥០ករណី
រហូតមកដល់ពេលនេះកម្ពុជាមានអ្នកឆ្លងជំងឺកូវីដ១៩ ប្រភេទថ្មីអូមីក្រុងចំនួន ៥២ ករណី រួមទាំង៤ករណីរកឃើញថ្ងៃនេះផងដែលជាអ្នកដំណើរមកពីបរទេស។
កម្ពុជាបានរកឃើញករណីមេរោគបំប្លែងថ្មីប្រភេទអូមេក្រុងជាលើកដំបូងនៅថ្ងៃទី ១៤ ខែធ្នូឆ្នាំ២០២១ នៅលើស្ត្រីមានផ្ទៃពោះជាជនជាតិខ្មែរម្នាក់អាយុ ២៣ឆ្នាំ នៅខេត្តស្វាយរៀង ដែលបានធ្វើដំណើរតាមជើងហោះហើរចេញ ពីប្រទេសហ្គាណា។
គិតមកដល់ថ្ងៃទី ៣១ ធ្នូនេះក្រសួង បានរកឃើញអ្នកឆ្លងជំងឺកូវីដ១៩ ប្រភេទថ្មីអូមីក្រុងចំនួន ៥២ ករណី ហើយក្នុងនោះមាន៣ករណីបានជាសះស្បើយ។
លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានឱ្យដឹងថា ចំពោះស្ថានភាពសុខភាពរបស់អ្នកជំងឺអូមីក្រុងទាំងនោះមានលក្ខណៈល្អប្រសើរដោយមិនមានរោគសញ្ញាអ្វីគួរកត់សម្គាល់នោះទេ។
លោកស្រីបានធ្វើការអំពាវនាវដល់បងប្អូនប្រជាពលរដ្ឋទាំងអស់សូមបន្តអនុវត្តវិធានការ ការពារខ្លួនដោយហ្មត់ចត់ ជាពិសេសវិធានការ ៣ការពារ និង ៣កុំ និងចាក់វាក់សាំងកូវីដ-១៩ នៅពេលដល់លោកអ្នកឱ្យបានគ្រប់ៗគ្នា ដើម្បីរួមគ្នាទប់ស្កាត់ការចម្លងវីរុសកូវីដ១៩នៅតាមសហគមន៍របស់យើង។
ចំណែកសម្តេចនាយករដ្ឋមន្ត្រីហ៊ុនសែនបានប្រាប់ប្រជាពលរដ្ឋឱ្យមានការប្រុងប្រយ័ត្ន។ ប៉ុន្តែ មិនត្រូវភ័យស្លន់ស្លោនោះទេ។ដោយសម្តេចបានអះអាងថា កម្ពុជាកំពុងគ្រប់គ្រងការឆ្លងមេរោគបំប្លែងខ្លួនថ្មី «អូមីក្រុង» នេះ មិនឱ្យរីករាលដាលចូលទៅក្នុងសហគមន៍នោះឡើយ។
តែយ៉ាងណាក៏ដោយ សម្តេចបានអំពាវនាវឱ្យប្រជាពលរដ្ឋទាំងអស់ឱ្យប្រុងប្រយ័ត្នខ្ពស់ចំពោះការឆ្លងមេរោគបំប្លែងខ្លួនថ្មីនេះ ដោយត្រូវចូលរួមទប់ស្កាត់មិនឱ្យឆ្លងចូលទៅក្នុងសហគមន៍ ត្បិតវីរុសកូវីដ១៩ បំប្លែងខ្លួនថ្មីនេះមានលទ្ធភាពចម្លងលឿនជាងប្រភេទបំប្លែងខ្លួនផ្សេងទៀត ដូចជា ដែលតា ឬ អាល់ហ្វា។
គួរបញ្ជាក់ថាថ្ងៃនេះក្រសួងបានរកឃើញអ្នកឆ្លងថ្មីចំនួន៦នាក់ក្នុងនោះមាន៤នាក់ជាប្រភេទជំងឺអូមីក្រុង អ្នកដំណើរពីបរទេស និងករណីឆ្លងសហគមន៍ ២ នាក់ ជាសះស្បើយ ១០នាក់ និងស្លាប់គ្មាន។
បើគិតត្រឹមព្រឹក ថ្ងៃទី៣១ ខែធ្នូ ឆ្នាំ២០២១ កម្ពុជាមានអ្នកឆ្លងជំងឺកូវីដ១៩ សរុបចំនួន ១២០៤៩៣ នាក់ អ្នកជាសះស្បើយចំនួន ១១៦៩១៧នាក់ និងអ្នកស្លាប់ចំនួន៣០១២នាក់៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ