Connect with us

ព័ត៌មានជាតិ

ឆ្នាំ ២០២២ ទិន្នផលស្រូវកើនឡើង តែតម្លៃធ្លាក់ចុះ ដោយសារវិបត្តិកូវីដ-១៩

បានផុស

នៅ

ក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា នៅឆ្នាំ ២០២១-២០២២នេះ តម្លៃស្រូវមានការធ្លាក់ចុះតម្លៃបន្តិច បើធៀបនឹងឆ្នាំ ២០២០ ដែលការធ្លាក់ចុះនេះ មានគម្លាតត្រឹមតែ ៥ភាគរយប៉ុណ្ណោះ បើធៀបទៅឆ្នាំ ២០១៨ និងឆ្នាំ ២០១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីប្រកាសព័ត៌មានរបស់ក្រសួងកសិកម្ម កាលពីថ្ងៃទី ១១ ខែមករា បានឲ្យដឹងថា ការធ្លាក់ចុះតម្លៃស្រូវ ជាពិសេសស្រូវវស្សានៅឆ្នាំ ២០២១-២០២២នេះ គឺបណ្តាលមកពីការរាតត្បាតជាសកលនៃជំងឺកូវីដ-១៩ ដែលនាំឲ្យតម្លៃអង្ករលើទីផ្សារអន្តរជាតិ ធ្លាក់ចុះយ៉ាងគំហុក ជាពិសេសអង្ករក្រអូប បានធ្លាក់ចុះពី ២០%ទៅ ២៥%។ ចំណែករោងម៉ាស៊ីនកិនស្រូវមួយចំនួន ក៏កាត់បន្ថយការទិញ ដោយសារការធ្លាក់ចុះអង្ករក្រអូបនៅលើទីផ្សារអន្តរជាតិនេះ។

ទន្ទឹមនឹងនេះ ក្រសួងកសិកម្ម បានអះអាងថា ខ្លួនបានប្រឹងប្រែងបង្កើនកិច្ចសហប្រតិបត្តិការជាមួយវិស័យឯកជន ជាពិសេសសហព័ន្ធស្រូអង្ករកម្ពុជា ដើម្បីជំរុញសមាជិករបស់ខ្លួនឲ្យជួយទិញស្រូវក្នុងតម្លៃសមរម្យពីប្រជាកសិករ និងតាមរយៈមន្ទីរកសិកម្មខេត្តជាប់ព្រំដែន ជាមួយប្រទេសវៀតណាម និងជំរុញដល់ដំណើរការនាំចេញនៅគ្រប់ច្រកទាំងអស់ ដើម្បីកាត់បន្ថយភាពរាំងស្ទះលើករនាំចេញស្រូវទៅលក់នៅប្រទេសវៀតណាម។

ពាក់ព័ន្ធនឹងបញ្ហានេះ កសិករមានការព្រួយរម្ភចំពោះតម្លៃស្រូវប្រាំង ដែលចាប់ផ្តើមប្រមូលផលនៅពេលដ៏ខ្លីខាងមុខនេះ អាចប្រឈមនឹងការធ្លាក់ចុះដូចគ្នា ខណៈតម្លៃផលិតកម្ម និងធាតុចូលកសិកម្មមានការកើនឡើង ដូចជា ប្រេងឥន្ធនៈ ជីគីមី និងថ្នាំកសិកម្ម បានហក់ឡើងថ្លៃខ្ពស់ទ្វេដង ដោយសារោងចក្រកាត់បន្ថយការផលិត ហើយតម្លៃដឹកជញ្ជូនក៏កើនឡើងខ្ពស់។

ជាដំណោះស្រាយ ក្រសួងកសិកម្ម ជំរុញឲ្យកសិករដាំដុះតាមបច្ចេកទេស កាត់បន្ថយការចំណាយក្នុងការផលិតកម្ម និងធានាគុណភាពស្រូវស្របតាមស្តង់ដារ។ ជាមួយគ្នានេះ អាជ្ញាធរ ត្រូវសម្របសម្រួលជាមួយម្ចាស់រោងម៉ាស៊ីនកិនស្រូវ និងវិស័យឯកជននានា ក្នុងតំបន់ឲ្យទទួលទិញស្រូវកសិករក្នុងតម្លៃសមរម្យ ជាជាងលក់ឲ្យឈ្មួញដែលមានលក្ខណៈផ្តាច់មុខ។

សូមបញ្ជាក់ថា នៅឆ្នាំ ២០២១-២០២២នេះ ការប្រមូលផលស្រូវនៅកម្ពុជា ស្ទើរតែបញ្ចប់ទាំងស្រុងហើយ ដោយទទួលទិន្នផលស្រូវសរុបប្រមាណជាង ១២,២១លានតោន មានការកើនឡើង ១១,៦% បើធៀបនឹងឆ្នាំ ២០២០។ ចំពោះការនាំចេញអង្ករផ្លូវការសម្រេចបានចំនួន ០,៦១៧ លានតោន មានការថយចុះប្រមាណ ១០,៦៨% ធៀបនឹងឆ្នាំ ២០២០។ ដោយឡែកការនាំចេញស្រូវទៅប្រទេសជិតខាង បានរហូតដល់ចំនួន ៣,៥៣លានតោន មានការកើនឡើង ៦១,១៦% ធៀបនឹងឆ្នាំ ២០២០៕ ដោយ៖ ទួន សុផល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ២ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ២ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ២ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៣ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម