ព័ត៌មានជាតិ

ប្រមូលផលស្រូវវស្សាបានជាង ១,៧ លានហិកតា និងទិន្នផលជាង ៥,៦ លានតោន

បានផុស

៥ years មុន

នៅ

ថ្ងៃព្រហស្បតិ៍ ១០ ធ្នូ ២០២០

ដោយ

រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក វេង សាខុន បានឲ្យដឹងនាព្រឹកថ្ងៃទី១០ ខែ ធ្នូ ឆ្នាំ ២០២០ នេះថា គិតត្រឹមថ្ងៃទី៧ ខែធ្នូ ឆ្នាំ២០២០ មានផ្ទៃដីស្រែវស្សាជាង ១,៧ លានហិកតា ស្មើនឹង៦៤,១០ភាគរយ ដែលត្រូវបានប្រមូលផលរួចក្នុងនោះទិន្នផលស្រូវសរុបមានចំនួន ៥,៦៥២,២៩៧ តោន ។ ទិន្នផលជាមធ្យមក្នុងមួយហិកតា បានចំនួន៣,១៦តោន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ នៃការងារប្រមូលផលស្រូវវស្សានៅតាមបណ្ដាខេត្តនីមួយៗដែលរៀបចំដោយនាយកដ្ឋានដំណាំស្រូវ នៃអគ្គនាយកដ្ឋានកសិកម្ម បានឲ្យដឹងថា ខេត្តកោះកុង ក្រចេះ រតនគិរី និងស្ទឹងត្រែង ប្រមូលផលស្រូវវស្សា បានជាង៩០ ភាគរយ នៃផ្ទៃដីដាំដុះសរុប ។ រីឯខេត្តកំពត ពោធិ៍សាត់ សៀមរាប ស្វាយរៀងនិងខេត្តឧត្តរមានជ័យ ប្រមូលផលស្រូវបានប្រមាណ៧០ទៅ៨០ភាគរយ នៃផ្ទៃដាំដុះសរុប។ចំណែកខេត្តបន្ទាយមានជ័យ កំពង់ចាម កំពង់ឆ្នាំង កណ្ដាល មណ្ឌលគិរី ភ្នំពេញ ព្រះវិហារ ព្រៃវែង តាកែវ កែប ប៉ៃលិននិងខេត្តត្បូងឃ្មុំ ទើបប្រមូលផលបានពី៥០ទៅ៦០ ភាគរយប៉ុណ្ណោះ ខណៈខេត្តបាត់ដំបង កំពង់ស្ពឺ និងខេត្តកំពង់ធំ ប្រមូលផលបានក្រោម៥០ភាគរយ ។ ដោយឡែកខេត្តព្រះសីហនុ ប្រមូលបានតិចជាងគេ គឺទើបតែបាន២០ភាគរយ លើផ្ទៃដីដាំសរុប។

សូមរំឭកថា ដើម្បីស្ដារដំណាំស្រូវ និងដំណាំរួមផ្សំ ដែលរងផលប៉ះពាល់ដោយសារទឹកជំនន់កន្លងមកក្រសួងកសិកម្ម រុក្ខាប្រមាញ់ និងនេសាទ បានចែកពូជស្រូវ ចំនួន ៦,៤៣៤តោន និងពូជបន្លែ ជិត៥៦ ម៉ឺនកញ្ចប់ទៅដល់កសិករ ។ ទឹកជំនន់នាពេលកន្លងមក បានធ្វើឲ្យប៉ះពាល់ដល់រាជធានី-ខេត្ត ចំនួន២០ ក្នុងនោះមានពលរដ្ឋប្រមាណ ៦០ ម៉ឺននាក់ រងផលប៉ះពាល់,មនុស្ស៤៤នាក់ បានបាត់បង់ជីវិត និងដំណាំកសិកម្មប្រមាណ៣៨ម៉ឺនហិកតា ត្រូវបានលិចលង់៕

អត្ថបទ៖ណារី

Related Topics:កសិករ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា