ព័ត៌មានជាតិ
រដ្ឋាករទឹកបង្ហាញវិធីសាស្ត្រ១១ចំណុចដល់ពលរដ្ឋឱ្យចេះសន្សំសំចៃទឹកស្អាតនៅរដូវប្រាំង
រដ្ឋាករទឹកស្វយ័តក្រុងភ្នំពេញបានបង្ហាញនូវវិធីសាស្ត្រចំនួន១១ចំណុចដល់ប្រជាពលរដ្ឋឱ្យចេះសន្សំសំចៃទឹកស្អាតនៅរដូវប្រាំង ដើម្បីចែករំលែកទឹកទៅដល់ប្រជាពលរដ្ឋផ្សេងទៀតនៅតំបន់ជាយក្រុងដែលមានសម្ពាធទឹកទាបបានទឹកស្អាតប្រើប្រាស់ផងដែរ។
បើតាមរដ្ឋាករទឹកបានឱ្យដឹងថា វិធីសាស្ត្រ១១ចំណុចនោះ រួមមានទី១. ពេលដុសធ្មេញដោយប្រើកែវទឹក ទី២.ត្រូវបិទវ៉ានទឹកនៅពេលដុសសាប៊ូសម្អាតខ្លួន ទី៣.ប្រើចានដែកតូចល្មមសម្រាប់លាងចានឆ្នាំង ទី៤.កាត់បន្ថយការប្រើប្រាស់ទឹកស្អាតក្នុងការលាងសម្អាតផ្លូវថ្នល់ ទី៥.កាត់បន្ថយការប្រើប្រាស់ទឹកក្នុងការលាងសំអាតឡានឬម៉ូតូ ទី៦.ប្រើរ៉ូមីនេចុចឬសេនស័រជួយកាត់បន្ថយការប្រើប្រាស់ទឹក ទី៧.លាងបន្លែផ្លែឈើក្នុងចានដែកតូចល្មម ទី៨.ដាក់ខោអាវក្នុងម៉ាស៊ីនបោកគក់ឲ្យគ្រប់គីឡូកំណត់នៅពេលបោកម្ដងៗ ទី៩.ប្រើប្រាស់បង្គន់មានប៊ូតុងចុចពីរដែលអាចចុចប្រើទឹកពាក់កណ្ដាលនិងទាំងអស់ទី១០.ត្រួតពិនិត្យប្រព័ន្ធទុយោទឹកទាំងក្នុងនិងក្រៅផ្ទះជាប្រចាំចៀសវាងការលេចធ្លាយនិងទី១១ស្រោចដំណាំឬផ្កាដោយប្រើប្រាស់ទឹកសល់ពីការលាងបន្លែផ្លែឈើ លាងចាននិងការបោកគក់។
រដ្ឋាករទឹកសូមអតិថិជនដែលរស់នៅក្នុងតំបន់មានសម្ពាធទឹកគ្រប់គ្រាន់នៅរាជធានីភ្នំពេញ និងក្រុងតាខ្មៅខេត្តកណ្តាលមេត្តាជួយសន្សំសំចៃទឹកដោយកាត់បន្ថយការប្រើប្រាស់វិធានការ១១ចំណុចខាងលើ ដើម្បីចែករំលែកទឹកទៅកាន់ប្រជាពលរដ្ឋនៅតំបន់ជាយរាជធានីដែលសម្ពាធទឹកទាបបានប្រើប្រាស់ផងដែរ។
ការអំពាវនាវនេះ ធ្វើឡើងស្របពេលដែលនារដូវប្រាំងឆ្នាំ២០២២នេះ មានការខ្វះទឹកស្អាតប្រើប្រាស់ច្រើនដោយសាររដ្ឋាករទឹកនៅមិនទាន់អាចផ្គត់ផ្គង់ទឹកស្អាតដល់ប្រជាពលរដ្ឋបានគ្រប់គ្រាន់ព្រោះតែកំណើននៃសកម្មភាពសេដ្ឋកិច្ចនៅរាជធានីភ្នំពេញ និងក្រុងតាខ្មៅខេត្តកណ្តាល ធ្វើឱ្យតម្រូវការទឹកស្អាតបានកើនឡើងខ្ពស់ជាងសមត្ថភាពផលិត។ ជាក់ស្តែងរដ្ឋាករទឹកផលិតទឹកស្អាតបានជាមធ្យម៦សែនម៉ែត្រគុបក្នុង១ថ្ងៃ ពីរោងចក្រផលិតទឹកស្អាតចំនួន៤ទីតាំងខណៈ តម្រូវការទឹកប្រើប្រាស់ជាក់ស្ដែងប្រមាណជា៨សែនម៉ែត្រគុបក្នុង១ថ្ងៃ។
យ៉ាងណាក៏ដោយរដ្ឋាករទឹកបានបញ្ជាក់ថា ចាប់ពីឆ្នាំ២០២៣ខាងមុខនេះតទៅ ប្រជាពលរដ្ឋរស់នៅរាជធានីភ្នំពេញ និងក្រុងតាខ្មៅ ពិសេសអ្នករស់នៅជាយក្រុងនឹងលែងព្រួយបារម្ភពីការខ្វះខាតទឹកស្អាតប្រើប្រាស់ទៀតហើយ បន្ទាប់ពីរោងចក្រផលិតទឹកស្អាតនៅបាក់ខែងសាងសង់រួចរាល់ដោយអាចផលិតទឹកស្អាតបានក្នុង១ថ្ងៃប្រមាណ៤សែនម៉ែត្រគុបដែលធ្វើឱ្យរដ្ឋាករទឹកអាចមានសមត្ថភាពផ្គង់ផ្គង់ទឹកស្អាតក្នុង១ថ្ងៃបានប្រមាណ១លានម៉ែត្រគុប៕
អត្ថបទ៖ សំអឿន
កម្មករនៃរោងចក្រ Y & W ជិត២០០០នាក់ បានបើកប្រាក់ឈ្នួល និងប្រាក់បំណាច់ ដោយពេញចិត្ត និងមានជំនឿលើរាជរដ្ឋាភិបាល
ឯកអគ្គរដ្ឋទូតសាធារណរដ្ឋសហភាពមីយ៉ាន់ម៉ា បេ្តជ្ញាចិត្តក្នុងការជំរុញទំនាក់ទំនង និងកិច្ចសហប្រតិបត្តិការរវាងមីយ៉ាន់ម៉ា-កម្ពុជាឱ្យកាន់តែរឹងមាំ
ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ
ស្ថានីយប្រព្រឹត្តកម្មទឹកកខ្វក់ទី ៣ នៅខេត្តព្រះសីហនុដាក់សម្ពោធឲ្យដំណើការជាផ្លូវការ
ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
កីឡា១ សប្តាហ៍ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»