ព័ត៌មានជាតិ
ពលរដ្ឋសង្កាត់វាលស្បូវសប្បាយចិត្ត ក្រោយអាជ្ញាធរស្ថាបនាផ្លូវបេតុងមួយខ្សែ
ពិតជាគួរឲ្យស្ងើចសរសើរ ដល់អាជ្ញាធរសង្កាត់វាលស្បូវ ដែលខិតខំស្វែងរកគ្រប់មធ្យោបាយ ដែលខ្លួនអាចធ្វើទៅបាន ដោយសកម្មភាពនេះហើយ ទើបធ្វើឲ្យប្រជាពលរដ្ឋជាម្ចាស់ឆ្នោត មិនខកចិត្តនោះឡើយ។
ជាក់ស្តែងនៅថ្ងៃទី ១១ ខែកុម្ភៈនេះ លោកស្រី យន់ សុផល ចៅសង្កាត់វាលស្បូវ បានចុះទៅពិនិត្យមើលការស្ថាបនាផ្លូវ ចាក់ក្រាលបេតុង នៅចំណុចភូមិព្រែកជាងព្រំ ក្នុងសង្កាត់វាលស្បូវ ខណ្ឌច្បារអំពៅ រាជធានីភ្នំពេញ (ផ្លូវអូរកន្តួត) ដែលពីដើមមកជាផ្លូវលំតូច ហើយមកដល់ថ្ងៃនេះ ប្រែក្លាយជាផ្លូវធំទូលាយ ចាក់ក្រាលបេតុង ដោយប្រជាពលរដ្ឋនឹកស្មានមិនដល់ ទាល់តែសោះ។
លោកស្រី យន់ សុផល បានបញ្ជាក់ថា សូម្បីតែរូបលោកស្រីផ្ទាល់ ក៏មិននឹកស្មានថា មានលទ្ធភាពស្ថាបនាផ្លូវ ចាក់ក្រាលបេតុង លើកំណាត់ផ្លូវខាងលើនេះ ដែរ។ ផ្លូវនេះ គឺទទួលបានថវិកាពីសាលារាជធានីភ្នំពេញ ទម្លាក់មកតាមបណ្តាសង្កាត់ ដើម្បីស្ថាបនាផ្លូវជូនប្រជាពលរដ្ឋ បានប្រើប្រាស់។ ក្នុងនោះលោកស្រីចៅសង្កាត់ នឹងព្យាយាមស្វែងរកសប្បុរសជន ឲ្យជួយដាក់អំពូលភ្លើងសឡា សម្រាប់បំភ្លឺផ្លូវនៅពេលយប់ ថែមទៀត។
ប្រជាពលរដ្ឋ រស់នៅក្នុងភូមិព្រែកជាងព្រំ បានសម្ដែងនូវក្តីសប្បាយរីករាយ ព្រោះបានផ្លូវស្ថាបនាថ្មី ចាក់ក្រាលបេតុងបានល្អស្អាត ខណះដែលកន្លងមក គេមិនដែលឮលោកស្រី យន់ សុផល ចៅសង្កាត់វាលស្បូវចុះមកសន្យា ជាមួយប្រជាពលរដ្ឋម្តងណាឡើយ។ ដូច្នេះហើយ ប្រជាពលរដ្ឋនឹងបន្តបោះឆ្នោត ជូនលោកស្រី ឲ្យបន្តធ្វើជាចៅសង្កាត់វាលស្បូវទៀត ព្រោះជាការតបស្នងសងគុណដល់លោកស្រី ដែលខិតខំបម្រើប្រជាពលរដ្ឋ ដោយមិនខ្លាចនឿយហត់៕
អត្ថបទ៖ នរា
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល