ព័ត៌មានជាតិ
ខេត្តព្រៃវែង និង តាកែវ ក្លាយជាខេត្តផលិតស្រូវប្រាំងលើសផែនការធំជាងគេរបស់កម្ពុជា
ពីមួយឆ្នាំទៅមួយឆ្នាំ ចលនាធ្វើស្រែប្រាំងរបស់ប្រជាកសិករកម្ពុជាមានការកើនឡើងជាលំដាប់ ធ្វើឱ្យផ្ទៃដីដាំដុះស្រូវប្រាំងកើនឡើងជាមធ្យមពី ៣ ម៉ឺនហិកតា ទៅ ៥ ម៉ឺនហិកតា ក្នុង១ឆ្នាំ។ ខេត្តដែលផលិតស្រូវប្រាំងដ៏សំខាន់ ២ គឺខេត្តតាកែវ និងខេត្តព្រៃវែង អនុវត្តបានជាង ១០ ម៉ឺនហិកតា នៅក្នុងខេត្តនីមួយៗ។
លោក ចាន់ យុត្ថា រដ្ឋលេខាធិការក្រសួងធនធានទឹក និងឧតុនិយម បានឱ្យដឹងនៅថ្ងៃទី០៤ ខែមីនា ឆ្នាំ២០២២ថាការងារបង្កបង្កើនផលស្រូវប្រាំងលើផ្ទៃដីស្រូវវស្សាក្នុងរដូវប្រាំង ឆ្នាំ ២០២១-២០២២ មានកំណើនយ៉ាងគំហុក ពិសេសនៅក្នុងខេត្តព្រៃវែង បន្ទាប់ពីប្រព័ន្ធប្រឡាយវ៉ៃគោ ដែលបានទាញយកទឹកពីទន្លេមេគង្គដោយស្ថានីយបូមទឹក ប្រើថាម ពលអគ្គិសនីនៅរដូវប្រាំង បានធ្វើរួចជាមួយនឹងការធ្វើអនុត្តរភាពប្រព័ន្ធស្រោចស្រពនៅតាមមូលដ្ឋានរួចជាបន្តបន្ទាប់មក។
លោក ចាន់ យុត្ថា បានបន្តថា នៅក្នុងរយៈពេលប៉ុន្មានឆ្នាំចុងក្រោយនេះ ផ្ទៃដីបង្កបង្កើនផលស្រូវប្រាំងបានកើនជាមធ្យមក្នុងមួយឆ្នាំពី ៣ ម៉ឺនទៅ ៥ម៉ឺនហិកតាក្នុង១ឆ្នាំ។ តាមការព្យាករណ៍ ក្នុងរយៈពេលពី ៣ ទៅ ៥ឆ្នាំខាងមុខ ការដាំដុះស្រូវប្រាំងលើផ្ទៃដីស្រូវវស្សាអាចនឹងធ្វើបានដល់ ១ លានហិកតាក្នុងមួយឆ្នាំ បន្ទាប់ពីប្រព័ន្ធធារាសាស្ត្រធំៗ ជាមួយនឹងប្រព័ន្ធ ស្រោចស្រពត្រូវបានធ្វើពង្រីកបន្ថែមច្រើននៅតាមមូលដ្ឋាន។
លោករដ្ឋលេខាធិការបានឱ្យដឹងទៀតថា ខេត្តជម្រុកស្រូវប្រាំងដ៏សំខាន់ដូចជា ខេត្តតាកែវ និងខេត្តព្រៃវែង អនុវត្តបានជាង ១០ ម៉ឺនហិកតានៅក្នុងខេត្តនីមួយៗ។ ខេត្តតាកែវ អនុវត្តបាន ១០៨ ៨៩៥ ហិកតាស្មើនឹង ១៣៦,១២ ភាគរយ នៃផែនការ ៨០ ០០០ ហិកតា។ ខេត្តព្រៃវែងអនុវត្តបាន ១១៨ ៥៨២ ហិកតាស្មើនឹង ១៥៨,១១ ភាគរយនៃផែនការ ៧៥ ០០០ ហិកតា គិតត្រឹមដំណាច់ខែកុម្ភៈ។ ការដាំដុះស្រូវប្រាំងបានលើសផែនការប្រចាំឆ្នាំរបស់ខេត្តទាំងពីរនេះ កើតមានឡើងបន្ទាប់ពីប្រព័ន្ធធារាសាស្ត្រនៅក្នុងខេត្ត ត្រូវបានស្តារពង្រឹង និងពង្រីកបានច្រើនរួចជាបន្តបន្ទាប់។ សម្រាប់ខេត្តព្រៃវែងដែលមានកំណើនការដាំដុះស្រូវប្រាំងច្រើននៅលើផ្ទៃដីស្រូវវស្សានេះ អាចនឹងកើនឡើងច្រើនជាងនេះទៀត នៅពេលប្រព័ន្ធធារាសាស្ត្រត្រូវបានធ្វើអនុត្តរភាពបន្ថែមទៀតនៅតាមមូលដ្ឋាន ដោយបន្តពីប្រព័ន្ធមេនៃប្រព័ន្ធប្រឡាយវ៉ៃគោ។ ប្រព័ន្ធប្រឡាយវ៉ៃគោជាប្រព័ន្ធទាញយកទឹកពីទន្លេមេគង្គដោយស្ថានីយបូមទឹកប្រើថាមពលអគ្គិសនីនៅរដូវប្រាំង និងនៅក្នុងរដូវវស្សាបើកទ្វារទាញយកទឹកពេលទឹកទន្លេឡើងដល់កម្ពស់លើសពី ១០ ម៉ែត្រ នៅខេត្តកំពង់ចាម។
លោក ចាន់ យុត្ថា បានឱ្យដឹងថា ក្រៅពីខេត្តតាកែវ និង ព្រៃវែង ការងារបង្កបង្កើនផលស្រូវប្រាំងឆ្នាំ ២០២១-២០២២ មានខេត្តជាច្រើនទៀតអនុវត្តបានលើសផែនការដូចជា ខេត្តកំពត បន្ទាយមានជ័យ បាត់ដំបង ពោធិសាត់ កំពង់ឆ្នាំង ប៉ៃលិន កំពង់ធំ ជាដើម។
យោងតាមតាមរបាយការណ៍បង្កបង្កើនផលស្រូវប្រាំងឆ្នាំ ២០២១-២០២២ គិតត្រឹមដំណាច់ខែកុម្ភៈនៅទូទាំងប្រទេសអនុវត្តបាន ៦៣៥ ៤៩៥ ហិកតា ស្មើនឹង ១៣៦,៨៨ ភាគរយនៃផែនការ ៤៦៤ ២៦៥ ហិកតា។ ចំណែកការងារបង្កបង្កើនផលស្រូវប្រាំងឆ្នាំ ២០២១-២០២២ ក្នុងរយៈពេលដូចគ្នានៅទូទាំងប្រទេស អនុវត្តបាន ៦២៤ ៦៨០ ហិកតា ស្មើនឹង ១៣៧,៧៦ ភាគរយ នៃផែនការ ៤៥៣ ៤៤០ ហិកតា។ យោងលើរបាយការណ៍របស់អគ្គនាយកដ្ឋានកសិកម្មការបង្កបង្កើនផលឆ្នាំ ២០២០-២០២១ សម្រេចបាន មានជាអាទិ៍៖ ផ្ទៃដីដាំស្រូវសរុបចំនួន ៣,៥៥ លាន ហិកតា ស្មើនឹង ១១៦% នៃផែនការ (ស្រូវប្រាំង ៦៥០ ពាន់ ហិកតា ស្រូវវស្សា ២,៩០ លាន ហិកតា)។ បរិមាណផលសរុបចំនួន ១២,២១ លានតោន (ស្រូវប្រាំង ២,៩៣ លានតោន និងស្រូវវស្សា ៩,២៨ លានតោន) កើនចំនួន ១១,៦ % ធៀបឆ្នាំ២០២០៕
អត្ថបទ៖ ណារី
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ