មេភូមិភាគ២ថៃ ប្រកាសលែងចាំស្តាប់បញ្ជារដ្ឋា​ភិបាលក្រុងបាងកកទៀតហើយ រឿងឆ្លើយតបជាមួយកម្ពុជា

មេភូមិភាគថៃប្រហែលជាកំពុងខឹងខ្លាំងនិងមិនសប្បាយចិត្តជាមួយរដ្ឋាភិបាលខ្លួនឡើយ ដោយប្រកាសថា ខ្លួននឹងធ្វើតាមចិត្តដោយមិនបាច់ចាំបញ្ជាពីថ្នាក់លើនោះទេចំពោះវិធានការជាមួយកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែថៃអះអាងទាំងងងើលថា ទាហាន៣នាក់ជាន់មីនក្នុងដីខ្លួនហើយមីនទាំងនោះគឺជាមីនដែលកម្ពុជាលួចដាក់ថ្មីទៀតនោះ ទើបលោក Boonsin Padklang ប្រកាសថា រឿងឆ្លើយតបជាមួយកម្ពុជា ទុកឲ្យខ្លួនជាអ្នកធ្វើ មិនបាច់ចាំបញ្ជាពីរដ្ឋាភិបាលទីក្រុងបាងកក ឬក្រសួងការបរទេសថៃឡើយ។

សម្តីរបស់ Boonsin ត្រូវគេមើលឃើញជាថ្មីថា ពិតណាស់ ភូមិភាគ២ មានអំណាចខ្លាំងក្នុងប្រទេសថៃ ពោលគឺសូម្បីរដ្ឋាភិបាលក្រុងបាងកកក៏គ្មានអំណាចដល់ដែរ ក្នុងការសម្រេចចិត្តធ្វើអ្វីមួយ។ 

ងាកទៅមើលពេលភាពតាពតឹងផ្ទុះឡើងថ្មីរវាងកម្ពុជា-ថៃ, យោធាថៃនេះឯងដែលជាអ្នកបិទព្រំដែនជាឯកតោភាគី ដោយធ្វើតាមចិត្តឯង គ្មានស្តាប់រដ្ឋាភិបាលឡើយ។

ជុំវិញបញ្ហាទាហានថៃជាន់មីនវិញ លោក ហេង រតនា ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (CMAC) បានច្រានចោលការចោទប្រកាន់របស់ថៃ ដោយលោកបានបង្ហោះលើ Facebook ថា ក្រោយមានទាហានសៀមជាន់គ្រាប់មីនដោយមានម្នាក់ដាច់ជេីងម្ខាងនិងរបួសស្រាលចំនួន២នាក់ តាមរយៈសារព័ត៌មានបានចុះផ្សាយលាបពណ៌មួលបង្កាច់កម្ពុជា​ រឿងគ្រាប់មីនចាស់​ និងគ្រាប់មីនដាក់ថ្មី! រដ្ឋមន្ត្រីការពារជាតិសៀមស្តីទី​ ស្នេីសុំឲ្យកម្ពុជា​ ដោះគ្រាប់មីនចាស់ៗចេញ​ មេទ័ពជួរមុខសៀមថាគ្រាប់មីនសល់ពីសង្គ្រាម​ ក្រុមអង្គការដោះមីននិងក្រសួងការបរទេសសៀមថាគ្រាប់មីនដាក់ថ្មី​ និងប្រុងប្រៀបប្តឹងកម្ពុជាទៅUN​! ជាដេីម​។​ ពិតជាច្របូកច្របល់មែន!!

មានអ្នកតាមសួរមតិយោបល់ខ្ញុំលេីបញ្ហានេះ​ ខ្ញុំថាសូមពិនិត្យមេីលទិដ្ឋភាពច្បាប់នៃអនុសញ្ញាមីនអន្តរជាតិនេះ​ ត្រង់មាត្រាទី៥​ មានចែងច្បាស់ថា​ បូរណភាពទឹកដីអ្នកណាអ្នកនោះទទួលខុសត្រូវ​។ ជាក់ស្តែងឃេីញមានរូបភាពតាមប្រពន្ធ័សង្គមជាច្រេីននៅស្រុកសៀម​ បានធ្វេីការផ្សព្វផ្សាយរូបភាពសកម្មភាពទាហ៊ានសៀមសម្រុកដាក់គ្រាប់មីនថ្មីៗតាមព្រំដែនខ្មែរ-សៀម​ តេីរដ្ឋបាលសៀមនិងអង្គការដោះមីននៅសៀមមានចាត់វិធានការស៊េីបអង្កេតឬនៅ​ និងបានប្តឹងទៅថ្នាក់ដឹកនាំប្រទេសសៀមឲ្យចាត់វិធានការទប់ស្កាត់ឬនៅ? រឿងនេះករណីចង់ប្តឹងកម្ពុជាទៅUN​ពិតជាល្អ​ហេីយ​ ដូចនេះគួរតែបបួលគ្នាដោយកាន់ដៃកម្ពុជាទៅប្តឹងនៅICJ តែម្តង​ ព្រោះថាICJ ជាតុលាការរបស់UNនេះស្រាប់!៕

អត្ថបទ៖ សុខ សុវណ្ណ

ចុចអាន៖ ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?