ព័ត៌មានជាតិ
សម្ដេចតេជោ ៖ កម្ពុជាទទួលយកការប្រមាថថាប្រព័ន្ធសុខាភិបាលទន់ខ្សោយ តែកម្ពុជាមានទឹកចិត្ត
នៅក្នុងពិធីសម្ពោធដាក់ឱ្យប្រើប្រាស់ជាផ្លូវការមន្ទីរពេទ្យមិត្តភាពកម្ពុជា-ចិន នៅខេត្តត្បូងឃ្មុំ នៅថ្ងៃចន្ទ ទី០៧ ខែមីនា ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានលើកឡើងថា កម្ពុជាទទួលយកការប្រមាថម៉ាក់ងាយអំពីប្រព័ន្ធសុខាភិបាលទន់ខ្សោយ ដោយតែកង្វះសម្ភារៈបច្ចេកទេស។ ប៉ុន្តែ កម្ពុជាមានទឹកចិត្ត ហើយបញ្ហាសំខាន់ គឺមនសិការ វិជ្ជាជីវៈ របស់ក្រុមគ្រូពេទ្យ កម្ពុជា ដែលមានការទទួលខុសត្រូវ។
បើតាមសម្ដេចតេជោ ហ៊ុន សែន សុខុមាលភាពរបស់ប្រជាពលរដ្ឋ ត្រូវបានលើកកម្ពស់តាមរយៈការខិតខំប្រឹងប្រែងទ្វេឡើងនៃវិស័យសុខាភិបាលរបស់កម្ពុជា ហើយកម្ពុជាបានដើរជាជំហានៗប្រកបដោយការទទួលខុសត្រូវ ទៅលើបញ្ហាសុខុមាលភាពរបស់ប្រជាពលរដ្ឋ។ សម្តេចថា ៖«ទោះបីមានការមាក់ងាយសម្រាប់យើងថា ប្រព័ន្ធសុខាភិបាលកម្ពុជាទន់ខ្សោយ ប៉ុន្តែខ្ញុំអាចទទួលបាននូវពាក្យប្រមាថអំពីប្រព័ន្ធសុខាភិបាលកម្ពុជាទន់ខ្សោយ ពីព្រោះយើងខ្ញុំពិតជាខ្សោយអំពីឧបករណ៍បច្ចេកទេសសម្ភារៈបច្ចេកទេស ប៉ុន្តែទឹកចិត្តរបស់យើងមិនទន់ខ្សោយនោះទេ»។
សម្ដេចតេជោ នាយករដ្ឋមន្រ្តី លើកជាឧទាហរណ៏ថា ការប្រយុទ្ធប្រឆាំងជាមួយជំងឺកូវីដ១៩ មានមនុស្សនៅលើពិភពលោក ក៏ដូចជាអន្តរជាតិច្រើនណាស់បានកោតសរសើ និងទទួលស្គាល់ ហើយជោគជ័យទាំងនេះ បានមកដោយតែមនសិការ និងការទទួលខុសត្រូវរបស់គ្រូពេទ្យ ដោយមានជំនួយពីដៃគូអភិវឌ្ឍន៍ ជាពិសេស ប្រទេសចិន បានធ្វើឲ្យកម្ពុជាក្លាយទៅជាប្រទេសមួយក្នុងចំណោមប្រទេសដែលមានការខូចខាតតិច បើប្រៀបធៀបជាមួយនឹងប្រទេសដែលមានបច្ចេកវិទ្យាជឿនលឿន។
សម្ដេចតេជោ ហ៊ុន សែន បញ្ជាក់ថា ៖ «បញ្ហាអត់ស្ថិតនៅត្រង់ថា ពឹងផ្អែកហួសហេតុពេកទៅលើឧបករណ៍បច្ចេកទេសនោះទេ យើងពិតជាត្រូវការហើយនូវឧបករណ៍បច្ចេកទេស ប៉ុន្តែបញ្ហាធំ គឺមនសិការ វិជ្ជាជីវៈ របស់ក្រុមគ្រូពេទ្យដែលមានការទទួលខុសត្រូវ»។ សម្ដេចតេជោ បានអះអាងទៀតថា កម្ពុជាធ្លាប់បានហែលឆ្លងកាត់នូវការលំបាក ដែលបានបន្សល់ទុកពីអតីតកាលដ៏ជូរចត់នៃរបបប៉ុល ពត ដែលប្រជាជនកម្ពុជាធ្លាក់ចូលក្នុងស្ថានភាពដ៏គ្រោះថ្នាក់ បន្ទាប់ពីរបបប៉ុល ពត ហើយកម្ពុជា ក៏បន្សល់ទុកនូវការលំបាកថែមទៀត គឺជំងឺរ៉ាំរ៉ៃ។ ប៉ុន្តែកម្ពុជា បានងើបឡើងជាបន្តបន្ទាប់ ហើយឈានឆ្ពោះទៅមុខ ដែលសូម្បីតែជំងឺគ្រុនស្វិតដៃជើង ក៏កម្ពុជាសម្រេចជោគជ័យមុនពេលកំណត់ដែរ៕
ដោយ៖ កោះកែវ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៦ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore