ព័ត៌មានជាតិ
ច្បាស់ហើយ ទីប្រឹក្សាក្រសួងវប្បធម៌ បកស្រាយករណី រូបប្រាសាទអង្គរលើស្រាបៀរ និងសំលៀកបំពាក់ទង់ជាតិ
ទាក់ទងទៅនឹងការលើកឡើង និងចម្ងល់ថា ហេតុអ្វីមិនអនុញ្ញាតឱ្យស្លៀកពាក់សំលៀកបំពាក់រូបទង់ជាតិកម្ពុជា ប៉ុន្តែអនុញ្ញាតស្រាបៀរមានរូបប្រាសាទអង្គរទង់ជាតិ? ទីប្រឹក្សាក្រសួងវប្បធម៌ និងវិចិត្រសិល្បៈ បញ្ជាក់ថា នោះជារូបប្រាសាទ មិនមែនទង់ជាតិកម្ពុជាទេ។
លោក ចំរើន វ៉ាន់ថា ប្រធានលេខាធិការដ្ឋានក្រុមប្រឹក្សាវិន័យ និងជាទីប្រឹក្សាក្រសួងវប្បធម៌ និងវិចិត្រសិល្បៈ មានប្រសាសន៍ ប្រាប់ “កម្ពុជាថ្មី” នៅរសៀលថ្ងៃទី១៨ ខែមីនានេះថា រូបអង្គរនោះមិនមែនជាទង់ជាតិទេ គឺជារូបប្រាសាទ។ បើទង់ជាតិគឺ មានពណ៌ក្រហម ខៀវ និងមានប្រាសាទអង្គរពណ៌ស កំពូល៣នៅកណ្ដាល។
លោក ចំរើន វ៉ាន់ថា បញ្ជាក់បន្ថែមថា៖ “ចំពោះការយករូបប្រាសាទ ឬរូបហនុមាន ដាក់សម្បកដប កំប៉ុងស្រាបៀរនោះ ក្រុមហ៊ុនបានសុំសិទ្ធិ ចុះពាណិជ្ជនាម ពីក្រសួងពាណិជ្ជកម្ម។ សូមកុំយករូបអង្គរវត្តលើស្រាបៀរ មកប្រៀបធៀបនឹងទង់ជាតិ គឺមានលក្ខណៈខុសគ្នា ព្រោះទង់ជាតិជាដួងព្រលឹងរបស់ជាតិ សូម្បីអង្គព្រះមហាក្សត្រយាងកាត់ ក៏ឱនព្រះសិរសាគោរព”។
ទីប្រឹក្សាក្រសួងវប្បធម៌ និងវិចិត្រសិល្បៈរូបនេះ លើកឡើងថា យើងមិនចាត់ទុកថា ការច្នៃសំលៀកបំពាក់ជារូបទង់ជាតិមកស្លៀកពាក់ ខុសទេ ព្រោះបើ ខុស លុះត្រាតែទង្វើនោះប្រឆាំង ឬផ្ទុយនឹងច្បាប់។
លោក ចំរើន វ៉ាន់ថា មានប្រសាសន៍ថា៖ “បើយកទង់ជាតិមកកាត់ជាសំលៀកបំពាក់ យកមកគ្រងស្លៀក ហើយអង្គុយពីលើ ដើរអូសដីអ៊ីចឹង គឺឆ្គង ទន្ទឹមពេលយើងអាចយកសំលៀកបំពាក់ប្រពៃណីជាច្រើនបែប ច្រើនទម្រង់ផ្សេងទៀតមកស្លៀកពាក់បាន។ ខ្ញុំសំណូមពរ បើយើងចៀសវាងបាន គួរតែចៀសវាងទៅណា៎!”។
ប្រធានលេខាធិការដ្ឋានក្រុមប្រឹក្សាវិន័យ រូបនេះលើកឡើងបន្តថា ថ្វីដ្បិតតែការស្លៀកពាក់នោះ មិនបានយកទង់ជាតិផ្ទាល់មកកាត់មែន ប៉ុន្តែពណ៌នៃសំលៀកបំពាក់ ពិសេសមានរូប ប្រាសាទអង្គរ ដាក់កណ្ដាលទៀត នោះហើយជាសញ្ញាទង់ជាតិ។
លោក ចំរើន វ៉ាន់ថា មានប្រសាសន៍ថា៖ “ជួនកាលគាត់យល់ច្រឡំ ដោយការស្រឡាញ់ពេក ដោយអត់យល់ ក៏កាត់សំលៀកបំពាក់ជាទង់ជាតិយកមកស្លៀកពាក់អ៊ីចឹងទៅ។ ជួនកាលយើងយកទៅប្រៀបធៀបនឹងបរទេស ប៉ុន្តែបរទេសគេមានប្រពៃណីគេផ្សេង ចំណែកប្រទេសយើង យើងមានវប្បធម៌អត្តសញ្ញាណជាតិយើង”។
ថ្មីៗនេះ ក្រសួងវប្បធម៌ និងវិចិត្រសិល្បៈ បានបើកក្នុងកិច្ចប្រជុំ ដោយបានសុំអាជ្ញាធរអប្សរា និងប្រធានមន្ទីរវប្បធម៌ និងវិចិត្រសិល្បៈខេត្តសៀមរាប ឱ្យជួយណែនាំ និងពន្យល់ទៅកាន់អាជីវករអ្នកជួលសំលៀកបំពាក់ គឺមិនគួរកាត់សំលៀកបំពាក់ជារូបទង់ជាតិមកស្លៀកពាក់។
គួរបញ្ជាក់ថា បន្ទាប់ពីមានការស្លៀកពាក់សំលៀកបំពាក់ជារូបទង់ជាតិថតនៅតំបន់ប្រាសាទអង្គរ កាលពីសប្ដាហ៍មុន លោក ឡុង កុសល អគ្គនាយករង និងជាអ្នកនាំពាក្យអាជ្ញាជាតិអប្សរា កាលពីសប្ដាហ៍មុន បានមានប្រសាសន៍ថា ការយកទង់ជាតិខ្មែរ ដែលជានិមិត្តរូបរបស់ជាតិខ្មែរមកច្នៃជាម៉ូដសំលៀកបំពាក់ គឺជាការមិនសមរម្យ ព្រោះគេតែងតែផ្តល់តម្លៃដល់ទង់ជាតិ ជានិមិត្តរូបជាតិ។ ជាមួយគ្នានោះ ក៏មានមតិប្រតិកម្ម លើកឡើងថា ជាការចង្អៀតចង្អុល និងមានមតិខ្លះចោទសួរ ហេតុអ្វី អនុញ្ញាតឱ្យមានរូបទង់ជាតិប្រាសាទអង្គរវត្ត លើសម្បកកំប៉ុង និងដបស្រាបៀរ៕
អត្ថបទ៖ ច័ន្ទ វីរៈ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)