ព័ត៌មានជាតិ
លោក ឃួង ស្រេង ណែនាំយកចិត្តទុកដាក់ ថែរក្សា សមាជិកគណបក្ស
ភ្នំពេញ៖ ប្រធានគណៈកម្មាធិការគណបក្សប្រជាជាជនកម្ពុជារាជធានីភ្នំពេញ និងជាប្រធានក្រុមការងារចុះ ជួយខណ្ឌព្រែកព្នៅ លោកឃួង ស្រេង បានធ្វើការណែនាំ ប្រធានគណៈកម្មាធិការគណបក្សប្រជាជនកម្ពុជាខណ្ឌ សង្កាត់ និងក្រុមការងារបក្សចុះ ជួយខណ្ឌព្រែកព្នៅ យកចិត្តទុកដាក់ថែរក្សា សមាជិកគណបក្សប្រជាជនកម្ពុជា ដោយត្រូវជួយទំនុកបំរុងទាំងសំភារៈ និងស្មារតី សំដៅធ្វើយ៉ាងណាឱ្យបក្សប្រជាជនកម្ពុជាទទួលបាននូវភាពជោគជ័យក្នុងការបោះឆ្នោតក្រុមប្រឹក្សាសង្កាត់អាណត្តិទី៥ នៅពេលខាងមុខនេះ។
ការណែនាំបែបនេះ ធ្វើឡើងនាព្រឹកថ្ងៃទី០២ ខែមេសា ឆ្នាំ២០២២នេះ នៅក្នុងកិច្ចប្រជុំក្រុមការងារគណបក្សចុះជួយមូលដ្ឋានខណ្ឌព្រែកព្នៅ ប្រចាំខែមីនា និងទិសដៅខែមេសា ឆ្នាំ២០២២ នៅទីស្នាក់ការគណបក្សប្រជាជនកម្ពុជា ខណ្ឌព្រែកព្នៅ។
លោក ឃួង ស្រេង បានមានប្រសាសន៍ថា ក្នុងនាមប្រធានគណៈកម្មាធិការគណបក្សប្រជាជនកម្ពុជាខណ្ឌព្រែកព្នៅ សង្កាត់ទាំង៥ និងក្រុមការងារបក្សចុះ ជួយខណ្ឌព្រែកព្នៅទាំងអស់ ត្រូវយកចិត្តទុកដាក់ថែរក្សា សមាជិកគណបក្សប្រជាជនកម្ពុជាឱ្យបានល្អប្រសើរ ដោយត្រូវជួយទំនុកបំរុងទាំងសម្ភារៈ និងស្មារតីធ្វើយ៉ាងណាឱ្យការបោះឆ្នោតក្រុមប្រឹក្សាសង្កាត់អាណត្តិទី៥នេះ ទួលបាននូវភាពជោគជ័យ។
លោក ឃួង ស្រេង បានណែនាំមន្ត្រីរបស់បក្សដែលចុះសួរសុខទុក្ខប្រជាពលរដ្ឋនៅក្នុងមូលដ្ឋានរបស់ខ្លួន ត្រូវប្រាប់ពួកគាត់ពីគោលបំណងល្អៗរបស់បក្ស ហើយបើពួកគាត់មានជីវភាពខ្វះខាត ពួកគាត់អាចទៅរកនៅទីស្នាក់ការគណបក្សប្រជាជនកម្ពុជានៅតាមសង្កាត់ នោះគណបក្សសង្កាត់នឹងជួយពួកគាត់ ដោយមិនទុកឱ្យស្លាប់ដោយការអត់ឃ្លាននោះទេ។
លោក សុខ សម្បត្តិ ប្រធានគណបក្សប្រជាជនកម្ពុជា ខណ្ឌព្រែកព្នៅ បានមានប្រសាសន៍លើកឡើងទៀតថា គណៈអចិន្ត្រៃយ៍គណៈកម្មាធិការគណបក្សប្រជាជនកម្ពុជាខណ្ឌព្រែកព្នៅ បានត្រៀមលក្ខណៈការងារឆ្ពោះទៅកាន់ការបោះឆ្នោតក្រុមប្រឹក្សាសង្កាត់អាណត្តិទី ៥ រួចរាល់ហើយ ហើយចំពោះការរៀបចំបេក្ខភាពក្រុមប្រឹក្សាសង្កាត់អាណត្តិទី ៥ នេះ គណៈអចិន្ត្រៃយ៍គណៈកម្មាធិការគណបក្សប្រជាជនកម្ពុជាខណ្ឌព្រែកព្នៅ ក៏បានរៀបចំបញ្ជីបេក្ខភាពក្រុមប្រឹក្សាសង្កាត់អាណត្តិទី ៥ ទៅដាក់នៅគណៈកម្មការរៀបចំបោះឆ្នោតឃុំ សង្កាត់(CEC) បានរួចរាល់ជាស្ថារពរហើយដែរ ដោយពុំមានពាក្យបណ្តឹងតវ៉ានោះឡើយ៕
អត្ថបទ៖ ស្រីរ័ត្ន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង